بسم الله الرحمن الرحيم
إهداء الى سعادة النقيب عبدالعزيز بن عبدالرحمن بن خميس حفظه الله
متمنياً أن تحوز على رضاه........
كــسّاب الجـــمايل
حي راع الطيب كـــسّاب الجمايل=ما قصر عنها ولا خلي لزومه
نسل وافين المراجل و الخصايل=بن خميس اللي تفاخر به سلومه
النقيب الشهم من خير الحمايل=من سلايل من لها بالمجد هومه
له مواقف فارقه وقت الصمايل=لو يلين طويق مالانت عزومه
بالوفا والطيب وإخيار المثايل= وأتشرف يوم تاصلني علومه
الزلال العذب من عذب الزلايل=والنقا والعز في كفه وسومه
ماكسبها بالعطايا والمحايل=ماكسبها ألا بعد مجدٍ يرومه
شامخ الهامه مثل ضلعان حايل=ومثل نجم سهيل في طلة قدومه
تمطر أخلاقك مثل وبل المخايل=ولاخبرنا بحر ماتقدر تعومه
قلتها من خاطري والشك زايل=ومن مدح شرواك والله مانلومه
نعم يا بوسعود كسّاب الجمايل=النقيب اللي مايقصر عن لزومه