على مغيب الشمس ينشاف ويشير=لي الشفق والليل قرب حلوله
راح النظر يسرح وياخذ مشاوير=حتى ظلام الكون خيم سدوله
وكاد كنه لا عوى الذيب ويغير=تقل وحوش البر جاشي تجوله
في بالي الدلة على النار تدبير=مع هاجسن يسري يدرهم ذلوله
يطرد بنات الفكر مغزى وتصوير=ماكنها الا ابكار شردن جفوله
امشى واسايرها ع الخط والسير=يا سرع مسراها ونفسي ملوله
ارجع لصدر البيت والعجز تفكير =واثري افكر في خياله وزوله
متى التقت عيني بعينه ع خير=قلت الكلام اللي تمنيت اقوله
الصمت من طبعي والاسرار بالبير=ولكل عاشق مع حبيبه عذوله