فز الخفوق وجاوبته الجرايد
والنبض عندي بين دقه ووقفه
شفت الغلاصدفه بلياوعايد
واحلى تلاقي للمحبين صدفه
صدفه لها دقات قلبي تزايد
سوت لقبي والمعاليق رجفه
في معرض الأحلام بين الوسايد
من دون مدري طق كتفي بكتفه
عيني بعينه والمشاعربدايد
والقلب قبلي صافح بشوق كفه
صرحت له بالحب علم وكايد
واهديت له صافي حنانه وعطفه
وقريت له ابيات عشق وقصايد
من هاجس في دفتر الحب نزفه
نظمتها له من عيون الفرايد
وابدعت في قصة جماله ووصفه
لكن لقيته مايرد المعايد
حتى عيونه ماحكت لي برفه
صامت وكنه في المحبة محايد
جامد ونار الشوق فيني تلفه
اثرالغلا صورة لها الشوق زايد
رسمة خيالي حطها فوق رفه
طيف لمحته حلم ماهوب فايد
ياماقطع صبحي على القلب شفه
لاياحسايف واقع الشوف كايد
ياواقعي شف لي مع الوقت صرفه
اماعلى لقياه عطني وكايد
والا لهيب الشوق في القلب طفه
بوحي