أنقذوني يامحبين التراث السديراوي p؛

[مرآم]

السلام عليكم..
بالداوم قرروا يكون عندنا يوم شعبي كـ تفاعل مع الجنادرية يعني
الزبدة بيكون فيه كورنر لنجد ومن ضمن مناطق نجد بيكون فيه (سدير)
وأختكم في الله معرفتها عن تراث منطقتها زييرو
الله يعافيكم عطوني أفكار عن اللبس والكلمات وأي شيء يعبّر عن تراث سدير
وإذا فيه أكلات أو أعمال مشهوره فيها سدير
عطوني بعد


والله يجزاكم كل خير ..
وإن شاءالله مكان الموضوع مب غلط

[فقيدة امها]

وعليكم السلام
هلابك غلاتي مرآم
بالنسبه للاكل الشعيبي في سدير
معروف المرقوق والجريش وخبز التاوه والقبوط والصبيب والمحلى والعصيد واكلات كثيره شعبيه تشتهر بها سدير
بالنسبه للبس عندك الشايكي والمغنق والهامه اللتي توضع على الرأس
عندك التقديمات تجدينها عند حقين التراث مغطينها بالشايكي اشكال والوان اشتريها
وتضعين فيها الاقط والكليجى يجي أشكال وقرص عمر
اما تقديم من القهوه عندك سله على شكل جذع نخله ضعي فيها التمر ومعول التمر يجي ع شكل غلافه شايكي وشكلي من التمر
عندك بعد التوزيعات يجن على شكل شايكي جاهزات ضعي فيهن مكسرات زمان اول
إذا عندك دلال حقت أول قديمه بعد ضعيهن مع سلال شعبيه برضه مهاف بيزه
وربي لوني قريبه عندك جيت ازينه لك هههههههه
إن شاء الله افدتك وإذا ذكرت شيء راح اقولك

لا موضوعك مو غلط مكانه