العودة   منتديات سدير > ¨° المنتدى الترفيهي °¨ > ¨° رحاب الأنس والترفيه °¨

الإهداءات

إضافة رد
 
أدوات الموضوع انواع عرض الموضوع
قديم 28-08-2004, 10:43 PM   #1
عضو نشيط
 
الصورة الرمزية تركي الحربي 2
 
تم شكره :  شكر 0 فى 0 موضوع
تركي الحربي 2 is an unknown quantity at this point

 

أين قضيت الإجازة الصيفية.. أسخف موضوع تعبير

فيه أشياء كثيرة تعقدت منها في المدرسة ... أولها المدعو/طابور صباحي اللي مال أمه سنع... واحد اثنين ثلاث اربع... وشد يدك ولف رقبتك واركع وبوبز وما تجي نهاية السنة ألا ومفاصلنا زرق ... برضه عندك الفسحة والمقاصف القذرة اللي ما يبيعون فيها ألا بيض مارج مع ببسي حااااااااار... وسجل عندك لازم يكون مدير المدرسة دنيء وغبي يلبس فنيلة علاق ومسوي فيها شديد وتلقى حرمته تهاوشه في البيت ويجيك يتفرعن علينا...

كل هالأشياء تهون أمام قضيتنا الخطيرة التي سنناقشها بشفافية (أحلى شفافية ورى ما تقول مزلط بعد)... اين قضيت إجازتك الصيفية؟؟؟؟؟؟؟؟؟؟؟؟

أتمنى أعرف من هو المجرم اللي اقترح أنه يكون أول موضوع في مادة المصاخة (تعبير) لازم يكون عن الإجازة الصيفية... اتذكر أنه في بداية كل سنة دراسية كنت أزمل وكنت آخذ كراسة الرسم القديمة اللي فيها خريطة وطني الحبييييييييييييييييييييب وهل أحب سواااااااااااااااااااه وأمشي بالدور على المدن اسجل اسماءها (ما أعرفها ألا من مادة الجغرافيا) كنت أنصّب على الاستاذ أقول رحنا لأبها والباحة وعسير (شفتو غباء أكثر من كذا ) .... مرة غلطت وقلت أننا قضينا الإجازة في الوطن ورحنا تعز (كنت أحسبها تبع عسير لأن الخريطة اللي أنقل منها ما تحط حدود بين الدول)... لكن الاستاد مشاها يحسب خوالي من اليمن وما يبي يحرجني ...

المهم وين وصلنا..... أييييه أقول كنت وكان العيال كلهم يكذبون ونقول اننا رحنا لكذا وكذا وكله فقش × فقش وحنا كل وقتنا في الشارع نلعب مصاقيل ونتضارب وإذا ملينا رحنا للبقالة نسرق علوك وبفك.... مرة يوم كنت في 4/جـ قلت أنا صيفنا في الربع الخالي تخيلوا!!!!!... المدرس تبققت عيونه وبغى يتوطئ في بطني ( أحد يروح للربع الخالي في الصيف؟؟؟ هذا همه هالدبشه ولا مالاحظ أنه صحراء... عشان تدرون انه حتى الاستاد ما كان يصيّف!!!!)....

الخلاصة الموضوع هذا لازم يتغير (شي ثاني طال عمرك؟؟؟؟... أيه ولو يحذفون مادة التعبير يكون أزين وأزين بعد لكن ما نبي نمون مرة)........ اللي يعرف بريد أبو رشد المتخلف يدز له رابط الموضوع.................

تركي الحربي 2 غير متصل   رد مع اقتباس
قديم 28-08-2004, 11:14 PM   #2
عضو مقلع
 
الصورة الرمزية غويمض
 
تم شكره :  شكر 3 فى 3 موضوع
غويمض is an unknown quantity at this point

 

مره سالني المدرس وقال وين رحت ياغويمض في العطله
وقلت على طول ونخروري يقطر رحت لابهاء ياستاذ (ذيك الايام ابهاء تسنها باريس عندنا )
وقال المدرس اقول مش نخرورك والله انك في خربات التويم تسني اشوفك اشهب الهب
عاد ترى المدرس كان من الروضه
امعط تحياتي

التوقيع
[FL=http://fam.jeeran.com/gwemd.swf] width = 400 height = 260 [/FL
وسلامي لكل سديراوي
غويمض غير متصل   رد مع اقتباس
قديم 29-08-2004, 02:13 AM   #3
المـدير العـام السابق
 
الصورة الرمزية فهد المنيع
 
تم شكره :  شكر 5,444 فى 2,412 موضوع
فهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضوفهد المنيع نسبة التقييم للعضو

 

خخخخخخخخخخخخخخخخخخخخخخخخخخخاااااااااي


الله يرجك بلاااااااااااا تمددت من الضحك


تشخيص دقيق للواقع باسلوب ساخر ..


اخوي تركي واصل ابداعك ..
التوقيع
.



.
فهد المنيع غير متصل   رد مع اقتباس
قديم 29-08-2004, 06:29 AM   #4
عضو مجلس إدارة سابق
 
الصورة الرمزية هرمنا
 
تم شكره :  شكر 95 فى 54 موضوع
هرمنا is a glorious beacon of lightهرمنا is a glorious beacon of lightهرمنا is a glorious beacon of lightهرمنا is a glorious beacon of lightهرمنا is a glorious beacon of lightهرمنا is a glorious beacon of light

 

((((لازم يكون مدير المدرسة دنيء وغبي يلبس فنيلة علاق ومسوي فيها شديد وتلقى حرمته تهاوشه في البيت ويجيك يتفرعن علينا)))


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخ

دنيء ..ونزق ...ومتدلس ...أرعن ..... مابقى الا كلمة (ثمل )


ههههههههههههههههههههههههههههه

ايه ياشيخ بردت كبدي في مديرنا في المتوسط


القف تحياتي

التوقيع
هرمنا غير متصل   رد مع اقتباس
قديم 29-08-2004, 01:17 PM   #5
مقام البدر
 
تم شكره :  شكر 0 فى 0 موضوع

 

خخخخخخخخخخخخخخخخخخخخخخخخخخخ تروووك يا مصرقع


غويميض ... وصف رائع لانسياب ذاك الاشعاع من الانف المتوهج بإنعكاسات الشمس بحيث يؤدي الى الغثيان وحومة التسبد... زين ما قال للفراش جيبوا المحشات والتراب في وجه العدو مثل اللي يطرشون. عوووووووووووووع يا سنمار لا تقراه اخبر نفسك ققه .
  رد مع اقتباس
قديم 29-08-2004, 10:46 PM   #6
عضو مشارك
 
تم شكره :  شكر 0 فى 0 موضوع
لـ»Lo7«ـوح is an unknown quantity at this point

 

الله يقلب سبدك يا غويمض الله المستعان اجل ابها اول كانها باريس نعن عيال العز حنا اول اذا رحنا الرياض كذبونا قبلنا بين نخل الحريق (حوطة بني تميم) واذا سافرنا رحنا لافلاج...

لـ»Lo7«ـوح غير متصل   رد مع اقتباس
قديم 30-08-2004, 12:03 AM   #7
عضو نشيط
 
الصورة الرمزية تركي الحربي 2
 
تم شكره :  شكر 0 فى 0 موضوع
تركي الحربي 2 is an unknown quantity at this point

 

هلا أخوي غويمض..... وبالنسبة للهب والشهابة فما فيه مثلنا......... طول الإجازة في الشارع تقل مخيم لاجئين .... ومعروف بعد كل إجازة ندهن وجيهنا بزيت زيتون حاااااااااااااااااااااااااااار ونقعد نفرك وجيهنا في جدران الجيرانيت كود وعسى......... وكان أبوي يقولي (يالطمل حط جريدة تحتك وأنت تفرك وجهك وصخت البلاط..)........

>>>>>>>>>>>>>>>>>

هلا أخوي حالم ليل ( أفهم من اسمك أنك إذا قيلت ما تحلم؟؟؟؟؟؟؟؟؟؟ )
ومبسوط أنك انبسطت......... وأبشر بسعدك................

>>>>>>>>>>>>>>>>>

هلا أخوي السبعين..........

وعندكم وعندنا خير.......... مديرنا في المتوسطة كنه بياع جح ( داري بيع الجح مهنة شريفة.... لحد يشغلني.....) يطق البكارية ومعه لي العماير الأحمر (لأن المجرم كان يعمر ذيك الفترة.... يعني بدال اللي ألف لو خرب.....) وعينك ما تشوف إلا الاضطهاد....... ضرب....... تمحيط....... تلعين........ لسان وصخ........ لكن العيال يعجبونك حاسوا بيته الجديد وكتبو على الجدران بالبخاخات وشققوا أكياس السمنت .....................

>>>>>>>>>>>>>>>>>>

هلا أخوي مقام البدر.......... ان شاء الله تترقى وتصير بسط ( كني طيحت الميانة..........)

>>>>>>>>>>>>>>>>>>

وش دعوة يا اللوح ما لنا رب...... السلام بلاش..........

تركي الحربي 2 غير متصل   رد مع اقتباس
قديم 30-08-2004, 05:52 AM   #8
مشرفة سابقة
 
الصورة الرمزية Sub_Zero
 
تم شكره :  شكر 20 فى 14 موضوع
Sub_Zero is an unknown quantity at this point

 

كخخخخخخخخخخخخخخخخخخخخخخخخخخخخخخ

الله يرجك ياتوركي >> يعنني كشخه

موضوعون رهيبون استمر ايها القدع

بس انا مستغربه
ليه هذي المواضيع بس تجيكم يالعيال

لاني ولله الحمد طول فترة دراستي ماقابلت هزا الموضوع

من جد اموت واعرف ليش انتم والعطله صجه في بداية الدراسه اين قضيت الاجازة الصيفيه .؟؟

وبداية الترم الثاني وش سويت في عطلة الربيع ؟؟

وعلى نهاية الترم وش بتسوي في العطله ؟؟

الله يخلف بس

التوقيع
/


يا صديقي مادريت ان الهــمــوم .. ثـقـلت حمل الرفيق وصـــاح بك
ياصديقي عـطـنـي الـيـمنى بــ اقوم .. واعضد بــكــفك بقــــايا صاحــبك


/
Sub_Zero غير متصل   رد مع اقتباس
قديم 30-08-2004, 09:47 PM   #9
عضو نشيط
 
الصورة الرمزية تركي الحربي 2
 
تم شكره :  شكر 0 فى 0 موضوع
تركي الحربي 2 is an unknown quantity at this point

 

هلا اختي الزيروه.................

>>>>>>>>>> ليش انتم والعطله صجه في بداية الدراسه اين قضيت الاجازة الصيفيه .؟؟ <<<<<<<<<<<<<<<<

الجواب: الفراغ الله يكفيس شره....... مدرسين فاشلين......... هم انفسهم ما يعرفون يعبرون.......... ونشبوهم بماده سخيفة......... يعني التم المتعوس على خايب الرجا..............

ولا شفي المواضيع الثانية...... أسبوع الشجرة نتحدث عن الشجرة ونمجدها كننا وثنيين........ واسبوع المرور خذي مثاليات وخرابيط مالها نهاية.... وقف عند الإشارة الحمراء (الصراحة جبت شي جديد).... امش على مسار المشاة (أكيد يعني شفت أحد مسنتر في نص الشارع)....... واسبوع النظافة هو أشين أسبوع.... لأن مديرنا النازي يستغله ويخلينا نجمع قمايم المدرسة (يعني تراني أربيكم على المسؤولية.........) والهنود يستغلون هذاك الأسبوع ويقعدون طول الاسبوع معسكرين في الحمامات يزقرون (وش يسوون فاضين.......).............

وإذا جاء رمضان طلع النفاق........ يجيك المدرس بالمسواك ويقول تحدثوا عن فضل رمضان والقرآن (وهو يستغلها ويرقد على الطاولة......)......... مرة سويت فيها ملكع وأخذت منشور كان في مسجدنا عن رمضان في اول يوم في رمضان وكتبته كله في حصة التعبير....... المدرس أنبسط وكيف على الموضوع وقالي اطلع اقراه...... أنا انكب خرافي وجتني أم الركب........ طلعت ولا عرفت اقراه (كنت اشف الكلمات ما اعرف اقراها)....... المدرس مشاها يحسب عندي رهاب اجتماعي ما أقدر اتكلم............

وهاكزا دواليك.................

ومشكوووووووووووووووووورة

تركي الحربي 2 غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:57 AM.


Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه