من روااائع قصائد الأمير بدر بن عبد المحسن

[فقيدة امها]

يقول البدر ..
يا من يغيب القمر لا من ظهر خدّه
‏الزين زينك وانا كثر الوله ذنبي
‏.
‏من عانق السيف لازم يجرحه خدّه
‏ومن يعشق الجمر فيه النار تشتبي

[فقيدة امها]

تركتني لبرد الطريق ..

جيتك أنا فـ ليلة شتا ..
‏تهزني ريح الشمال .. تهزني
‏محتاج أنا لبسمة وشال .. محتاج لك
‏تركتني لبرد الطريق .. وأنا على بابك
‏أتذكر إنّك قلت لي .. بالله وش جابك !
‏ودعتني قبل السلام ..
‏وهذا ترى كلّ الكلام ..
‏اللي بقى بينك وبيني .. تخيّل !

[فقيدة امها]

يقول بدر بن عبد المحسن ..

احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..

[فقيدة امها]

يقول الأمير / بدر بن عبدالمحسن.

‏يا صباح الورد
‏يا ورد الصباح
‏ياصباحٍ فيه
‏روحي هايمه !
‏عجلي فْـزي ترى
‏كلي جراح وش يفيد
‏الصبح وأنتي نايمه؟

[فقيدة امها]

آه من ليل التجافـــــــي ما أطولــه ... ليلـــة العاشـق ثوانيهـا ليــــــال
مـن يقــول الشمس باكـر مقبـلـــه ... كـل شمسٍ مالهـا وجهك ظـــلال

أسألك باللي أخــذ منــك الولــــــه ... حطّـه بصدري وأعـطاك الجمـال
حاكـنـي لأجــل الليـالـي الأوّلــــــه ... آاه أنا بموت من ذلّ الســـــــؤال

هو صحيح إنّك حبيبـي لي دلــــــه ... و إستوى عنده فراقي والوصال
كـل جـرحٍ غيـر جرحــك بأقبـلــــه ... كـل ظلـمٍ غير ظلمك لي عـــــدال

[فقيدة امها]

يقول الأمير بدر بن عبد المحسن

منّي السَّلام ..وكان لي منك فرقَا
‏جَمرة غضى حبّك لجت داخل الجوفْ
‏
عيني عليك من اشهَب الدمع شرقا
‏غيرك فلا حسّيت وغيرك فلا شوفْ

‏من ديوان: ما ينقش العصفور في تمرة العذق

[فقيدة امها]

يقول البدر ..

على الغدير كانت سما
‏ويرمي الظّما وجهي عليهْ
‏على الغدير.. وجهي وسما..
‏لين ارتمى وجهك عليه..
‏على الغدير..
‏وجهي.. ووجهك والسّما..
‏من يسبق ويملا يديه
‏يشرب ملامح صاحبهْ

‏