ماكل من يركب علي الخيل خيال ولاكل خيل تعجبك هي اصيله

[لواء العز]

سلام عليكم

ّ
ّ

ّ

ّ
ماكل من يركب على الخيل خيال

ولا كل خيل تعجبك هي أصيـله

ولاكل من يعجبك هرجه برجال

بعض العرب ملسون وايده بخيله

الكل يلبس ثوب وشماغ وعقال

وعند اللزوم افعالهم هي قليـله

الرجل تثبت له أقاويل بافعال

لاقال شئ ونفذه هو دلـيله

والرجل لاشفته مع القيل والقـــال

ابعد عنه هذا صفاته عليــله

والكذب خله عنك مافاد لو طال

قول الصدق ياصاح غنم وجميـله

وخلك شجاع وذي صفات للابطال

اللي كما سيوف تبارق سليـله

واللي شراك اشريه لو كان بالمال

خلك معه وان مــــــال دوربديله

واصبر ترى الدنيا تبدل بها أحوال

وما كل شئ صافي تشـــــوفه تجيله

وبعدالكدرتشرب صفا عذب وزلال

هذا الزمن فيه استــــقامه و ميله

وصاحب خليل لو جفـا الوقت مامال

ترى الرجل يعرف بقيمة خليـله

واقفل على سرك بكتمان واقفال

بعض العرب يسمعو ينوي بحيله

وخلك أمين إذا توليت الأعمال

من خان في يوم الحشر يا حليله

خل التواضع فيك واضح بالافعال

ترى الكبر يردي بيوم وليـله

ولاتحسد اللي عندهـ اموال وعيال

وش ينفعك لو كان حـــسدك يزيله

ولاتزور تقلب الزين بطـال

الله عليم بالنوايا الدخـيله

وخلك رزين ترى المخفه للاطفال

واصفح عن المخـــــطي ولو زاد قيله

واحمل همومك لو تزن وزن آلآثقال

بكره تروح وتنجلي لوثقـيله

وصلا لفروض ولاتنسيك آلآشغال

محدن في الدنيـــــا درى وش بقي له

وزور آلآقارب للرحم كون وصـــــال

وخلك عظيم الشان وسط القـبيله

وصلاة ربي عدماهل همـــــــــــــال

على النبي اللي صفـــــاته جليله

مما راق لي

[نهآية حلم]

صحححح لسآآآآآنك

[خفوق إنسانة]

تسلم ع النقل ..
بإنتظار جديدك ....

[لواء العز]

منورين

شاكر لكم تواجدكم

[بنت عشيرة]

رآآآئعة

وفقت في الانتقاء

[عبدالرحمن الفهد]

ماكل من شال الصقر صار صقار
وماكل رجل(ن)بالرجولة وصوفه


وماكل من خاض البحر صار بحار
بحر الشعر لابد علمك يحوفه


وماكل رجل(ن) بالهواء اليوم صبار
عشقه بيومه والبقيه حسوفه


الا ((حبيبي)) شوق حبه غدى نار
يفداه عمري والسنين العجوفه


يوفي بحبه لو عنا الوقت به جار
صادق ولا يمكن تناقض حلوفه


حبه غدى في داخلي نار جمار
يحرق لهيبه كل علم(ن) يلوفه


لاشفت زوله فز قلبي وله طار
تفرح عيوني وتكتحل يوم شوفه


لاوهني اللي غدى اليوم له جار
عز وكرم وعلوم ترضي شفوفه


وهذا حبيبي فدوته كل لأنظار
يفداه كل الشعر ويا حروفه


قدره كبير و ما توفيه لأشعار
لاقلت قولي زاد بالحرف خوفه


من باع حبه يجني اليوم الاثمار
يجني ثمن بيعة بخيسه عيوفه


من خان حبه صار بالحيل محتار
يصرخ على حبه ويصفق كفوفه


لو كل عاشق صار للحب عمار
كان الوفا ما مات بارض(ن) نشوفه

[لواء العز]

صح لسانك أخوي عبدالرحمن

سعدت بتواجدكم .

[بنت العناقر]

اخي الكريم .. لواء العز ( ذائقه ادبيه رائعه بل تعدت رائعه حتى وصلت إلى اروع من الرائع )


اخي الفاضل .. عبدالرحمن الفهد ( صح لسانك وسلم الله بنانك نفخر والله بشعار ديرتنا )

[لواء العز]

شكرا لك أختي الكريمة

سعدت بتواجدك

[ابو ريما]

صح لسانك

[عذبة الصفات]

[لواء العز]

حياكم الله