جتني رسالة من صدى خافق الروح

[فقيدة امها]

سمعت قصيده و حبيت انقلها لكم و بحثت عنها و عن موضوعها

و اليوم جبتها لكم كاامل القصة و القصيدة

طبعا كلمات مؤثرة و صادرة من شااعر مبــدع

هذي قصة و قصيدة أبو علي حمود الشمري و أختة :

القصه :

يقال كتب هذه الرسالة لاخته التي تزوجت صديقه العزيز وصار بينهم خلاف

وفارقهم اثنينهم له عشرين سنه وبعد عشرين سنه

ابعثت رساله لانها على فراش المرض...

ومهما إختلفت روايات القصة فالمضمون هو القصيدة

فاالقصيدة مؤثرة وتعني بالخوه والصداقه والوفاء وطيبة القلب.

رغم الزعل يظل الاصيل اصيل.

كلمات القصيده :

جتني رسالة من صدى خافق الروح
وقريتها بإحساس قلبـي وروحـي
قريتها وانهدّت قصـور وصـروح
وأنا من أول عالياتـن صروحـي
تشكي تقول القلب يا حمود مجروح
ا تدري انـي غايراتـن جروحـي
تهلّ دمع وترفع الصـوت بالنـوح
واللـي فقـد غاليـه لازم ينوحـي
ما كلّمتني يمكن الصـوت مبحـوح
من النوح وإلا ما استطاعت تبوحي
جتني رسالتها بها دموع وجـروح
وانهَد باسباب الرسالـة طموحـي
تقول ياحمود الزمن صار مفضـوح
والشيب فيني لو تشوفـه يلوحـي
يا بو علي مالي بالأغراب مصلوح
مادام قلب اللـي نحبـه شحوحـي
ودّي بشوفك دام الأعمار بفسـوح
قبل الرحم يا خوي منـا يروحـي
زلّ الزمان اللي به أفراح ومـزوح
أنخـاك تكفـى لا تظنّـه مزوحـي
وبعد الرسالة صار بالقلب ذابـوح
طار المنام وصار فكـري يشوحـي
أختي رسالتها لها القلـب مفتـوح
كلّي لها والقلب ينصـت ويوحـي
أقولها ودموع عينـي لهـا فـوح
وسط المحاجر دمع عيني يفوحـي
أجاوب الورقا على عالـي الـدّوح
وأنوح من فرقا الرفيق السموحـي
والله لو إني وسط الأطباق مذبـوح
لأظهر كما خطو الحصان الجموحي
وأقول يا عين المها ما بها شروح
لو تطلبين الروح تفـداك روحـي

وللإستماع إلى القصيدة مؤثرة جداً

[بقايا الذكريات]

فعلا قصه رغم حزنها

لكن تبين ان مهما بعدت الاخوة وصار بينهم يبقى دوم الاخوه يجري

الله يسعدك فقيده ويبعد عنا وعنكم القطيعه

[فقيدة امها]

آآمين : ومن قال ياطيبة

ويسلمك ويسلم هالتواجد الغالي على قلبي

الذي يسعدني دوم لا عدمتك غلاي

[تذكار للطباعه]

يعطيك العافيه

[أبو رشا]

الله يعطيك العافية