طبخات بريه مع الشيف ابولمياء....!

ابولمياء · 27-01-2007, 10:01 PM

اهليييييين بالجميع مع اول طبخه لي في المنتدى
اقدم لكم طبخة المندي مع الاعتذار للجميع على التصوير بكاميرا الجوال وبصراحه مش ولا بد
لكن العين ماتعلى على الحاجب

اول شي هذينا البصل و قطعنا الطميطات معها شوي ثومات
وحمسناهم

هذا البصل مع الثوم

البصل والطماط مع بعض

ونحن نحمس البصل والطماط
تم تظيف الدجاج وتبهيره بالبهارات والملح والثوم شي اساسي والبصل والليمون
والصلصه وتم خلطهم مع بعضهم البعض

طبعآ اهم شي مع الحمسه

هذا مع ان اهل سدير مايحبون الحبحر
لكن كسرنا القاعده
وهذا بعد ويكون يابس مجفف

لا والاهم من هذا كله
عدد سته من هذا بقشره يالله من فضلك معليش صرنا شوام

طبعآ شبينا الحطب في البرميل حتى صارت جمر

وجهزنا الدجيجات في المكان المخصص له الشبك

وجهزنا الرز
وحطيناه في البرميل بعد توسيطه

الصوره تراه مايل احنا وسطناه في الوسط

وحطينا شبك الدجاج معاهم

وغطينا البرميل

وتم الدفن
بعد وضع الخياش على البرميل

وبعد مرور ساعه تقريبآتم استخراجه من البرميل

طبعآ شوفوا الثومات تطل في القدر
بالهناء والعافيه
للعلم نسيت اصوره بعد مانتسبناه على صحنين و12 دجاجه واحنا 12 شخص
صورته بعد

ماشاءالله فرمناه فرم ترى الباقي عطيناه الدجاج عندنا في المخيم

الاسبوع الجاي ان شاء الله اكله دسمممممه
كرعان وكروش وروس اكله دسمه
واللي يبي يجينا حياه الله بس يقول لنا نحسب حسابه

وان شاءالله اصوره بالكاميرا حقتي عساني ما انساها
فمان الله

بنت الشيوخ · 27-01-2007, 10:45 PM

بصراحه طبخكم يجنننننننن..

مع اني ما احب الدجاج لكن ودي اذوووقه..

يعطيك الف الف عاافيه بصراحه تغطيه متمييييزه الواحد يحس انه معكم في المخيم..

بس ورى ماتعزززم يامال الصلااااااااااح..

يعطيك الف الف عااافيه..
وصحتتتين على قلوووبكم هالاكله الحلوووووه..

موضوع ارهب الارهبيييين...

فمان الله
وبس خلاص

عبدالعزيز · 28-01-2007, 01:05 AM

ماشاء الله

روووووعة مع ان الصور ماطلعت كلها لكن روووعة

بالعافيه

سديراوية · 28-01-2007, 01:52 AM

غريبه ماينفجر المندي من هالكتمه >> >> ياااااي خخخخخخخخخ

يم يم يمم

يعطيك العافيه على هاالأكله

المره الجايه اطبخوا لنا سمك مشوي >> تحبه

قلب الحوت · 28-01-2007, 02:09 AM

الله..الله...

شغل عدل وتماام...
بس لو انه تويس صغيرووون كااان يا سلاااااااام....

وعسااكم على القوووه يالغااالي

موون نجد · 28-01-2007, 05:50 AM

يـــزيـــد · 28-01-2007, 08:08 AM

السلام عليكم

ماشاء الله تبارك الله ،،،

حسبي الله عليك شهويتنا على الصبح ماله دخل هع

جعله بالعافية

لهفة الخاطر · 28-01-2007, 09:06 AM

يمي شهويتني بطلعة البر والشوي

تسلم على هالطبخه الفله وتسلم ايدينك

يعطيك العافيه ولك شكري

ابو هاجر · 28-01-2007, 12:54 PM

ماشاء الله

شغل محترفين

عليكم بالعافية

والجايات أحلى

فهد المنيع · 28-01-2007, 10:41 PM

يم يم

طبخه بنت كلفس هع هع وشو كلفس عاد مدري !!

يازين المندى بس

الطريقه 100 % يا شيف ابو لمياء وعندي لك كم حركه من اختراعي تصلح للمندي

حط في بطن الدجاج شوي بصل ولومي وحبحر وشوف النتيجه وتعال قلي ..

مشكووووور

متفائل · 29-01-2007, 08:58 AM

نفع الله بك

ينقص موضوعك:

1-زيادة تفصيل...

2-وضوح اكثر للصور

بارك الله في جهودك

ابولمياء · 29-01-2007, 08:25 PM

المشاركة الأصلية كتبت بواسطة بنت الشيوخ

بصراحه طبخكم يجنننننننن..

مع اني ما احب الدجاج لكن ودي اذوووقه..

يعطيك الف الف عاافيه بصراحه تغطيه متمييييزه الواحد يحس انه معكم في المخيم..

بس ورى ماتعزززم يامال الصلااااااااااح..

يعطيك الف الف عااافيه..
وصحتتتين على قلوووبكم هالاكله الحلوووووه..

موضوع ارهب الارهبيييين...

فمان الله
وبس خلاص

مشكور اختي على الاطراء اللي ارهب من الارهبين

ابولمياء · 29-01-2007, 08:39 PM

شيخ شمر معليش اخوي ترانا مسوينه في ديرتكم ديرة جدي واخواله
مشكور على الاطراء تراه ميه ميه

سديراوية مشكور اختي المراه الجايه الطبخه مقاااااااااادم كرعان يالله من فضلك

راعٍ سدير والله الشغل تمام اما التويس تونا مخلصين من عيد الضحيه ومنغثين من اللحم

موون نجد مابعد شفتوا شي مابعد شفتوا المرقوق

يـــزيـــد وين صرنا مثل الشغالات رز الصبح فيه راعي كبده عند دوار الاحساء في الصباح خطرطر

لاتروح للي لابسين احمر اللي لابسين سماوي احلى بكثير وتراااااااى اسمهم فلفله كلهم
بس حاجه تبكي بصراحه

الباقي بكره ان شاء الله ابروح اجيب عيالي من اهلهم

فمان الله

طالب علم · 31-01-2007, 01:16 AM

ماشاء الله

ياجعله هني ان شاء الله ياشيف ابو لمياء <==== مستانس على (الشيف)

عاد لا تحرمنا من جديدك يالغالي

سلام

ابولمياء · 31-01-2007, 06:19 AM

قلبي المتيم
مشكورين على الاطراء القميل

حيدره

الف شكر اخوي بس تعرف شغل الشباب اللي مثلي
كنا نستهتر بشيابنا اول الله يرحمهم برحمته في الطبخ والعجله صرنا مثلهم
بس الحمدلله في البر كل شي زين لكن لويدرون اهلنا صرنا في المطبخ بدالهم

حالم ليل
الطبخه مهب بنت كلفس بس الا بنت كلب والله المدح هههههههههههه
لاتوصي حريص لومي وبصيلات وفص ثوم وعليب حبيحره ويالله من فضلك

متفائل

اخوي ابوسليمان مشكورين لكن وضوح اكثر للصور تعرف العين ماتعلى على الحاجب
كاميرة جوال ولو اني ذيب سدير ماشاء الله عليه الكاميرا في مخباته
اما من ناحية التفصيل والله هو نفس طبخ العاده والاضافات ذكرتها مع الصور
اهم شي في الطبخه الثوووووووووووم بقشره

طالب علم

امين ياخوي وكلمة الشيف نشوف الشيف رمزي في التلفزيون ونقلده بس مشكلته
انه يطبخ وياكل وهو يطبخ حنا مانقدر لانه رز ودجاج