| من مذكرآت صبآي |

[قلم صريح]

فقيدت امها
انتي تدورين الشر ؟ طيب
**
ايه هي عندها علوم و سابقة عصرها و صعرورها هذا ماركة مسجلة
ياكثر من صكته به و احول له دقايق , اجي عاد ادله بيتهم ماعاد يشوف
تقول اشرب مويه يطيب راسك يالحبيب و هي تضحك غبة

[قلم صريح]

بقايا ذكريات :
إن شاء الله يستمر هالمتصفح الجميل بجميع أحبابه
و ام صعرور ابا اجيب اخبارها كلها هذا تاريخ و ذكريات لابد للجيال القادمة و الحاضرة تعرف ان فيه نساء في تاريخ حوارينا شيء عجب

[انثى الجزيره]

قريت صفحتين وكلهم سوالف ووحده تذب سالفتها
وانبسطت
بس ما ادري من هي ام صعرور بالضبط جلست ادحوس بالالقاب وشكيت انها ودق 《جديده

المهم خبروني كيف طبيعة الموضوع جماعي كلن يقول حكيه
ولا نعلق ع القصص

ودام هالجمال لبى سديراويين

[لواء العز]

هههههههههههههههه
^^^ ودق أم صعرور يا جماعة

[قلم صريح]

توهقتي انثى الجزيرة
لكن اكيد معذورة لانك ماتدرين وش السالفة
هنا موضوع اسسته ودق ثمن كلن يقول سالفة
ثمن بعد فترة بديت سالفة ام صعرور في هالصفحة و استمريت الين انقطعنا في عيد من الاعياد
http://www.sudeer.com/vb/showthread.php?t=139599&page=2

[بقايا الذكريات]

تصدقون عاد يا جماعه الربع


من العصر سويت شاهي وجيت اقراء درنت عيوني من طول القرايه جسلت شوي اريح ورجعت

المهم استمتعت بما تصفحت بصراحه

ربي يسعدكم جميعا

وننتظر باقي سوالفك قلم صريح عن الشامخه ام صعرور تصدق حبيتها ودي اتعرف عليها الحين

احب الشخصيات الي كيذا < ترا مهيب تشببها ابد

ههههههههه

[انثى الجزيره]

قصرت وانا اقرأ اخوي فيصل
بربره وش ابدي عليه بس

بس استانست اسلوب الاعضاء دميييييل

انتظروني

[بقايا الذكريات]

بقولكم

من وانا صغيره انا رجاله مو بنت على قولتهم

ههههههههه

من ادخل الحاره او قصدي اطلع من بيتنا الكل يخاف وخاصه الاولاد

وحتى الرجال ما اعطيهم وجه ياليت على كذا

من يناظر الواحد نظره عاديه الا انط في وجهه تبي شيء ضايع لك شيء

يرد بادب لا وش انا مسوي اقول اها بس عن هالحركات <احسه يقول تتمنى اناظرها بس ما همني

اهم شيء احط بيني وبينهم حد ما يتعدونه <هههههههه

واذا احد من العيال ضرب بنت من الحاره او اخذ منها شيء تقول بقول لخويتي الي هي انا يرده لها بطيبه خاطر

بس ما ينشب معي بس كلام ما عمري نشبت بالايدي ولله الحمد الا مره وما كنت اقصدها

يارب يسامحني بس

[انثى الجزيره]

المشاركة الأصلية كتبت بواسطة بقايا الذكريات   بقولكم من وانا صغيره انا رجاله مو بنت على قولتهم ههههههههه من ادخل الحاره او قصدي اطلع من بيتنا الكل يخاف وخاصه الاولاد وحتى الرجال ما اعطيهم وجه ياليت على كذا من يناظر الواحد نظره عاديه الا انط في وجهه تبي شيء ضايع لك شيء يرد بادب لا وش انا مسوي اقول اها بس عن هالحركات <احسه يقول تتمنى اناظرها بس ما همني اهم شيء احط بيني وبينهم حد ما يتعدونه <هههههههه واذا احد من العيال ضرب بنت من الحاره او اخذ منها شيء تقول بقول لخويتي الي هي انا يرده لها بطيبه خاطر بس ما ينشب معي بس كلام ما عمري نشبت بالايدي ولله الحمد الا مره وما كنت اقصدها يارب يسامحني بس

هههههههه بديقارد الحاره
ليتس جربتيني 《نجسه ماتمزح

انا ماعقلت من المطاق الا بثاني ثانوي يالله تبتل العقل فيني بس

[بقايا الذكريات]

مره عيال الحاره يلعبون بالكوره


عاد انا من هوايتي رمي الحصى على الجدار

ويوم رميت الحصاة الا على راس ولد جيراننا كان مار ياخذ الكوره

وصقعته الحصاة مع راسه والدم وحالته حاله بصراحه خفت

ما عرفت وش اسوي رحت اساعد امه في تضميد جرحه وهي تدعي حسبي الله على من ضربك

وانا اقول يمكن ما تعمدوه تقول فقعو راسه ما تعمدوه الا يكرهون ولدي ادري عنهم

تقصد ناس متهاوشه معهم في الحاره

وياليت اعترفت لها بس الخوف منعني

ويوم اعترفت لها الا ولدها في عداد الاموات الله يغفر له ويسامحني

لانه من طابت الفلقه وهي معلمه في راسه


انا بتصدق عنه ان شاءالله يجاو ز عني لانها من غير قصد وهو بعد مؤدب ولاله بالمشاكل

ترا هو ميت من مرض مو من الفلقه

[بقايا الذكريات]

المشاركة الأصلية كتبت بواسطة انثى الجزيره   هههههههه بديقارد الحاره ليتس جربتيني 《نجسه ماتمزح انا ماعقلت من المطاق الا بثاني ثانوي يالله تبتل العقل فيني بس

لا انا من تغطيت عقلت الا من بعض المناوشات من خلف الغطوه < اقولكم تشبه ام صعرور بس على خفيف

[بقايا الذكريات]

اعتذر من صاحبه الموضوع طبيت بسوالفي وهذرتي

عاد منيب مسولفتن ولا هاذره الين تقولون حياك ولا تقولون مع الباب بشوف

[وَدْقْ ,]

ههههههههههههه كل هذا يطلع منك ذكريت أح , كن أنبك ضميرك يومك جلدتِي ودي أعطيك من جلدي بس على أخواني بدون ضمير ؛ إلا يوم كبرت تو يطلع الضمير , مير الله يغفر له ويرحمه وجميع موتى المسلمين يَارب ,


أنا ياليتني أم صعرور المشكلة أنا أتعلم من هالقدعة ماشاء الله عليها < تبعد الشبهه عنها ,

ركزُوا على الدفاشة والجلد , خلكم زي أم صعرور في مجدكم القادم حفظكم الله ,

قلم صريح يعصر مخه ويرتب تاريخها تدرسون تاريخ مش بسيط ياقدعان ,

كل الشكر لسموّكم ,

[بقايا الذكريات]

المشاركة الأصلية كتبت بواسطة وَدْقْ ,   ههههههههههههه كل هذا يطلع منك ذكريت أح , كن أنبك ضميرك يومك جلدتِي ودي أعطيك من جلدي بس على أخواني بدون ضمير ؛ إلا يوم كبرت تو يطلع الضمير , مير الله يغفر له ويرحمه وجميع موتى المسلمين يَارب , أنا ياليتني أم صعرور المشكلة أنا أتعلم من هالقدعة ماشاء الله عليها < تبعد الشبهه عنها , ركزُوا على الدفاشة والجلد , خلكم زي أم صعرور في مجدكم القادم حفظكم الله , قلم صريح يعصر مخه ويرتب تاريخها تدرسون تاريخ مش بسيط ياقدعان , كل الشكر لسموّكم ,

ههههههه

والله من غير قصد وربي يعوضه الجنه واشوفه فيها واتسامح منه

يعني الي صار لعب بزران لا غير

<قام ينبها ضميرها حرام عليك

وننتظر ام صعرور

وباقي حكايتها

[بقايا الذكريات]

بما ان المتصفح كان جميلا ورائعا

وكان في حقبة من الزمن < حسيت الرواي


يمثل انطلاقة لافكار وومخيلات الاعضاء

فاني اطالب اخي قلم صريح

ان يعود الينا بحكايته مع ام صعرور

فلقد تشوقنا جدا لعودتها من جديد

فمن كان معي ويريدها فينادي على اخونا فيصل


يقول له اكمل رعاك الله