#@ ســجــلـ حــضــوركـ بــبــيــتـ شــعــريـ @#

[بوح القصيد]

قصة خيال وصاغها حس شاعر
كم ليلة جاني خيالك على البال
حتى لقيتك في كتاب المشاعر
قصة غلا في صفحة الحب تختال


بوح

[المحارب]

يحي بصدر البيت والعجز تفكير
من شانه المعنى عليها نقوله
تمشي وامشيها ع الخط والسير
وضيع شاردها ونفسي ملوله

[بقايا الذكريات]

لو تهز اغصان حزني باليدين
طاح من عذق الوجع شعر وقصيد

ولوصرخت بشوق جاوبتك حنين
شفت اني مثل ما تبغى وتريد

[فقيدة امها]

جعلني ما اندم على شي تركته
و الله يجعلها مع الأيام خيره

و جعلني لا تبت عن شي و خسرته
يرزق الله خاطري في شي غيره

[بوح القصيد]

منهو يعاتب من شكى نازح البين
خله يعاتب بالكلام ويلومي
مايدري ان البعد حده سكاكين
يجرح خفوق الي لسده كتومي
يسهر طوال الليل والخافي يبين
يكشف خفايا خاطره للنجومي

بوح

[فقيدة امها]

ماتطاوعني حروفي والرسايل ماتهاب
والوله لو باح سره مايكفيه الورق

لك مكان لو عرفته ماهنى نومك وطاب
ولك حنين في فؤادي من لهيبه احترق

إن بغيت أكتب شعوري انقفل للبوح باب
ولاذكرتك بين ناسي غاب فكري وانسرق

[بوح القصيد]

لا والله الا صدق مشتاق مشتاق
الا ترا يازين ذابحني الشوق
ناظر بحالي تعرف الشوق حراق
قلبي ترا من شدة الشوق محروق
والبعد يالمجمول ماعاد ينطاق
بعد الحبايب صعب ماهوب مطيوق
تعال ريح خافق يمك انساق
دامه على قربك وشوفتك مشفوق

بوح

[بنت الاصول]

لاتعطِي قلبك سوا اللّي عارف وش خذا

ماكل مخلُوق في دنياك، يستـاهلك

[بوح القصيد]

لايغلبك ياس كانك مهتوي
كان تهواني وفي قلبك هوى
خل ايمانك بخلاقك قوي
يمكن الدنيا تجمعنا سوا

بوحي

[شيخة القصيد]

دلال العرب تطرب على شمٓ ريح الهيل
وانا عيني لشوفة هل الطيب كم تطرب

غلا مثلكم واصل معي فوق نجم سهيل
ومعزتكم شمسٍ مشرقة جعل ما تغرب

[فقيدة امها]

و إن خذاني في سما وقتي غيــابي
كل لحظه مرت بوقتي ذكرتـــك
مانسيتك و الوله واقف في بابــي
و من حنيني في معان الحلم زرتـــك

[بوح القصيد]

يشره عليك المسا وتضيق حزات الغروب
والنهار يغمض عيونه على دمعة قهر
والشفق لونه تغير صاير لونه شحوب
كنه يقول انها ليلة تتطاول بالسهر
والقمرعن طلته وسط السما صار محجوب
ليش غايب والسماماضمته غيمة طهر
شف غيابك بس ليلة ضيق الكون الرحوب
وش يصير بجو دنيانا لوغيابك شهر
طالبك عن غيبتك في ليلة الموعدتتوب
لاتزعل خاطرالأكوان واحساس الدهر

بوح

[فقيدة امها]

طمني عنك عساك بخير
وعسى الدنيا معآك اجمل

خفوقي بعدك كأنه طير
فقد عشه وصار ارمل

[المحارب]

رفيقك الصاحب اذا صد ماغاب
حقه ع نفسه يصيرون حقين
يفرح بالمسير يرحب ع الباب
مشبوبه ضوه ع الوقت واللحين
ماهمته دنيا وﻻ دور اعجاب
مايرخص الرفقة مع العسر واللين

[فقيدة امها]

عسـاك بخير كثر ما بــــ ♥ قلبكْ ♥ .. الطيّب , نوايا خير!
وكثر مآلكْ غـلاَ .. عندِي / وذكرى خير
عسـاك بخير
كثر مامالت الأغصان .. وغرّد عليها / طير !
عسـاك بخير
كثر ما هلّت الأمطَار .. ولمَع بـ السمَا نجمْ ، سهيل !
كثر ♥ قلبِي ♥ ودقّاته .. سألتْ المَـولى تكُون / بخير