#@ ســجــلـ حــضــوركـ بــبــيــتـ شــعــريـ @#

[فقيدة امها]

تمرني ذكرى ليالي قديمه
في محتواها سالفة عمر واحلام

شوق وصفا قلب ونوايا سليمة
ما اقول غير الله على ذيك الايام

[يلر]

سيرت لاطراف المدينه ومريت---منازل ما يندرا من نزلها

ما عاد من سكان اهلها ولا بيت---صبغت مبانيها وكثرت حللها

انا احسب ان علمي بها تو واخطيت---وش يردع ايام العمر دون اجلها

تطري علي لا ضاق صدري وسجيت---ان السنين اتدور والناس تلها

[فقيدة امها]

الشوق لعلومك وصوتك يسكن الوجدان

وإذا غبت لك طيف يبث الشوق بغيابك

[شيخة القصيد]

يهل الشهر يا غالي .. وانا اهنيك بقدومه ..

عساك يا طيب الغالي .. بخير وصحه تصومه ..

باقة ازهار وورود .. وسلة بخور ووعود ..

وكل عام وانت بخير .. ورمضان عليك يعود ..

[يلر]

لوادري ان ذا بيحصل ما تعنيت---انقض جروحي واداوي عللها

كم مرة لاهزني الشوق مامسيت--لين اتمثناها واباري فللها

لعيون من ساقت علي وتقهويت---فنجال وله وساقته كف ولها

منوة خفوق مزعته التناهيت----الى انتولها الشوق والا انتولها

[حتما ً سأكون]

دنياك لو ضاقت عليك وتكدرت
إصبر عسى صبرك يزيل المصايب

وان شانت ظروف الزمان وتحيرّت
مانته لحالك في زمان العجايب !!

انجح وسيله للزمن لو تبصرت

تقنع بما قدر كريم الوهااااايب

[بوح القصيد]

يا اله الكون يارب الانام
ياعليم وياعظيم وياحليم
تقبل الطاعات في شهر الصيام
وتغرف الزلات في الشهر الكريم

بوح

[شيخة القصيد]

يالمنتدي تدري وش اللي محليك
جزل القصايد والرجال الكريمه

الله يبيض وجه منهو مسويك
يحشم واله حشمه وشيمه وقيمه

[فقيدة امها]

العمر رحلة والتجافي مسافة
والبعد بعد قلوب والوقت غلاب

جافيت من يغليك والله حسافة
يا ظلْم هذا الوقت كم فرّق احباب

[يلر]

تقطعت سبل المواصل وضحيت---وازعلتها وآنا اتجنب زعلها

بغيت ادور لي بدلها وعييت---لخطي على نفسي وادور بدلها

اخترت من جملة قصيدي شطر بيت

ماجارت الفرقا على غير اهلها

واخترت من بد الحروف اوتنقيت

خمسة حروف نصفها الميم والها

[بوح القصيد]

لايا بعد قلب الهواوي وروحه
اقرب فديتك كان قلبك يبيني
احتاج سرالحب واحتاج بوحه
واحتاج لك تسعد بقايا سنيني
اختارك الخفاق تمسح جروحه
عالج غرامي ياطبيب الحنيني

بوح

[شيخة القصيد]

بعد هذا اللـيل ما عنـدي كـلام
عمري الماضي عبــرني ما عبرته

في عـيوني دمع مـو قــادر ينام
لو يقول اي واحد شلونك نثرته

[يلر]

مريت بالشارع وانا خالي البال---لقيت باب الجار طايح ومكسور

جابتني القدره على تالي اطلال---مستورة عن باقي الناس بالسور

الحزن اخذ بالقلب يسرح ويجتال---واصبح عزيز الدمع جاري ومنثور

من موق عيني دمعها صار همال---من شفت وسط البيت والحوش والدور

[يلر]

هذا مشب النار والنجر ودلال---ياما مضى به من وناسات وسرور

والمجلس اللي به مشاكيل ورجال

خلنه الايام خالي ومهجور

حتى النخل من بعدهم مات ما طال---حاله تردى كل يوم بحادور

[بوح القصيد]

لا والله الا صدق مشتاق مشتاق
الا ترا يازين ذابحني الشوق
ناظر بحالي تعرف الشوق حراق
قلبي ترا من شدة الشوق محروق
والبعد يالمجمول ماعاد ينطاق
بعد الحبايب صعب ماهوب مطيوق
تعال ريح خافق يمك انساق
دامه على قربك وشوفتك مشفوق

بوح