مهزلة دكاترة الجامعه!!

[أمير سدير]

السلام عليكم


بالنسبة لي انا منقهر مره

ولو تدرون وش فيني والله ان تنقهرون مثلي

عموما زبدة الكلام

انا طالب في كلية العلوم الاداريه بجامعة الملك سعود
والترم اللي راح بعض زملائي اختبروا مادة القانون عند دكتور شمري
والشعبه اللي يدرسها هالدكتور فيها 80 طالب ما نجح منها الا طالب واحد وشمري بعد ولا وتدرون وش مسوي منجحه ومعطيه ميه في الميه وكاتب جنب اسمه (مخصوم عليه خمس درجات لتفوقه الزائد)

والنكته صحيح في هالسالفه تجيكم الحين لما تقرون الاسئله حقته اللي حاطها

7
7
7
7
7
7
7
7

الامتحان النهائي للفصل الأول 1425 – 1426هــ
101 ‏ نظم / مبادئ القانون

تاريخ 22/11/1425هـ - 3 / 1 / 2005

الشعب 13946 – 6670 – 10749 – 6656
أجب عن جميع الأسئلة التالية : -

س1 : دحيم الصتيمة اشترى 20 كيساً من السماد الطبيعي العالي الجودة واستعار من صديقه محراثاً أكل الدهر عليه وشرب وبال ووضع هذه الأشياء في مزرعته بجنوب الرياض .
أ من واقع دراستك لتقسيم الأشياء إلى عقار ومنقول ناقش ما تقدم بالتفصيل مزوداً إجابتك بالتعريفات والأمثلة .
ب أذكر أهمية تقسيم الأشياء إلى عقار ومنقول 25 درجة
س2 : جورجينا شابة أسبانية بارعة الجمال تزعم أن أصولها تعود إلى بني أمية وقد قدمت إلى المملكة للتعرف على أرض الآباء والأجداد فاستأجرت بيتاً في حي النظيم بجوار السيد عصويد الهتلي الذي رأى وجودها إفساداً لأخلاق الأعراب النشامى فعمد على التنغيص والتنكيد عليها ليدفعها إلى الرحيل فكان تارةً يرفع صوت التلفاز والمذياع لإزعاجها وتارة يغني على أنغام ربابته وبأعلى صوته :
طيري غدا والسلوقي ضاع
وتارة أخرى يوزع الطبول الأربعة على زوجاته الأربع ويغني مع أبنائه العشرة :
طاق طاق من بالباب قلنا حجاب
في مكتبك للمحاماة غير الفاخر والموجود على رصيف بحي السلي وقد أسندت أوراقك على أحد الكراتين جاءتك جورجينا تشكو إليك مشكلتها وبعد أن استمعت إليها .. عدد لها معايير التعسف باستعمال الحق تعداد فقط واشرح لها بالتفصيل المعيار الذي ينطبق على حالتها .13 درجة

س3 : إبنك خريفيش 14.5 المعجب جداً بلويس 14 طلب منك أن ترسم له مخططاً يبين تقسيم الحقوق بالقانون الوضعي وقد رفضت ذلك فتدخلت حرمك المصون أم خريفيش 14.5 وقالت بالحرف الواحد : إما أن ترسم لفلذة كبدها أو لا عسيلة بعد اليوم فحتى تظفر بعسيلة أم خريفيش 14.5 ارسم يارعاك الله مخططاً لتقسيم الحقوق في القانون الوضعي . 11 درجة

س4 : ما دمنا بالرسم والألوان تكلم وبالتفصيل ولكن دون ألوان عن مبدأ الشكلية ركناً من أركان التصرف القانوني .11 درجة

مع تمنياتي لكم بالسقوط إلى أعلى




************************************************** *********************

وش رايكم في هالاسئله ما تقهر

اقسم بالله هالدكتور فيه التماس بعقله المفروض محله مستشفى شهار

وترى كلامي صحيح لان زملاء لي رسبوا عند هالدكتور وجابو لي الاسئله وولد عمي نفس الشي


وهذي صورة الاسئله


وهذا هو الرابط اللي تناقشت فيه هالسالفه في منتديات طلاب وطالبات جامعة الملك سعود
اضغط هنا


والراي لكم

[النبع]

شكرا اخي امير سدير 0

اذاكان هذا دكتور فالله يخلف على المسلمين , وين المسئولين او ماعندك احد

ياليت من يرسل صوره للامير عبدالله يشوف وين وصل التعليم عندنا ,,,

لا ويبون طلاب موهوبين !!! من وين ياحسره وهذه الاسئله من دكتور ؟

الله يخزيه من دكتور 0

[أمير سدير]

يابن الحلال الدكتور له صلاحيات حتى في الظلم

لكن الشكوى لله

[بسمة فرح]

يووووووووووووووووووه والله لو هالدكتور الصتيمه يدرسني والله لالعن .......................................... .........................بليسه بس وشنسوي نحلا اسئله ومانقول غير لنا الله

[السنبلة]

	؟؟؟؟؟؟؟؟؟ !!!!!!!!!!!!!!!!!! عجزت استوعب... هل هذا أسلوب دكتور؟؟!! للأسف.. والله لو أعدد عليكم إلى بكرا اللي أشوف من غرائب الدكتورات في الكلية ما أقضي.. الله يعينكم عليه..

[عبدالعزيز]

هذولا مايردهم الاربك

والشمري مدرسني تراه قصير ويلبس غتره (ماحملتها عندة ابد) خخخخ

[ابوعمر]

و الله أسلوب رائع فيه تغيير جو للطلاب.

و ما أدري ليه ما أعجبتكم الأسئلة.؟!

وأحسن إن هذا الدكتور فلاوي و مصرقع.

و لك مني أجمل تحية.؛.؛.؛.؛.؛.؛.

أخوك المحب:/-

ابوعمر

[العين]

بصررررررررررررررررررررررررررررراحه مب صاحي





وانا بعد نفس حالتك بس الكليه غير




واسمع عن هالبلاوي



بس على قولتك شمري



مع احترامي للجميع



الله يعينا

[مرهف الإحساس]

اصدق المهزلة هذي ليش لا

عموما كلية العلوم الادارية اغلب دكاترتها زفت ( شايفين انفسهم وهوايتهم ترسيب الطلاب )

ودكتوركم هذا شكله ضارب عنده فيوز على اسئلته السقيمة هذي !!

ولوي منكم لخلي كل الطلاب اللي رسبوا يوقعون على ورقة احتجاج ويتهم الدكتور بتهمة الظلم والانحياز لطالب

دون الآخرين وأعطي نسخة لرئيس القسم ونسخة لعميد الكلية ( ووش انتم خايفين ؟ هاه؟ خلاص هي خربت ورسبتوا

وراح تدرسون المادة مرة ثانية ،، فدامها خاربة خاربة خلونا نعميها ..)


تحياااااااااااااااااتي لك

[بن جعيثن]

مرهف الأحساس ...

من جدك أنت...

بتروح تشكي ...

إذا كان الجميع يجمعون على إنه إذا تفوق طالب كان ذلك ضرر على موقعهم الدراسي ...

وبتروح تشكي ...

يامرهف مالك إلا الدعاء ...

وبس...

الله يعين ...

[الأم الحنون]

	الأستاذ الفاضل امير سدير حياك الرحمن .. بصراحه سمعت الكثير والكثير عن بعض بين مايحدث في اروقة الجامعه وعن اساليب الدكاتره الأستفزازيه مع الطلبه ولكن ان يصل الأمر الى هذا المستوى الغير علمي بصياغة الأسئله ماادري ايش اسميها !!! سبحان الله وين الهيئه الأداريه .. ائما اقول ياليت هناك لجنه لتقييم الأسئله والنتائج في الجامعه .. لأن الكثير من الطلبه حسب ماسمعت راحو ا فيها .. عموما ادعو الله للجميع بالهداية واتوق لليوم الذي اسمع فيه عن المستوى الرائع في الجامعات في بلادنا الحبيبه وفقك الله

[عاشق بروق]

والله الظلم شين



لكن الله ينتقم منه



امير سدير هذا إلى تعرفه بس وشلون إلى ماتعرفه عنهم (الخافي أعظم)


ولله قمة في السخاااافة



الدكاترة اكثرهم يحقرون الطلاب ولايناظرونهم شيء


ماأقول إلا الله يكون في عون الطلاب

[مشــاعر]

الله يعينك انا لو اهتم باللي يسوونه فيني كان الحين انقهرت مثلك بس انا قانوني بالحياة
((طنش تعش تنتعش))

ومشكور اخوي

[طالب علم]

ما اقول الا الله يعينكم على مابلاكم

اذا هذا دكتور في جامعه سعودية فقل على الدنيا السلام

[أمير سدير]

اخواني واخواتي الاعضاء

اشكر لكم هذا التواصل الجميل على هذا الموضوع

وبالنسبه للي قلتلكم عنه هذا نقطه في بحر من الظلم الدكتاتوري للدكاتره على بعض الطلاب
مثلا هذي السالفه اللي باقولكم اياها سارت لي
وهي ان هناك دكتور مصري دخل القاعه وجلس وقام يحضر الاسامي المهم وصل اسمي وقاله وانا مانتبهت يوم تعدا اسمي وينبهي زميلي اللي جنبي قلت للدكتور انا موجود بس سهيت ولا انتبهت



تدرون وش قال
إنت تخرص خالص

قمت قلت طيب يادكت...

وماامداني اكمل كلامي الا يوم دريت قال اطلع برا
وازا تكلمت تاني حتحمل الماده مفهوم
انا كلت تراب بعدها وطلعت
بالله هالدكتور ماودك تذبحه


والله ظلم


وعلى النقيض من ذلك هناك دكتور له من الاخلاق والله اني اعجز عن ذكرها لكم من الجمايل اللي سواها فينا

تصدقون يعطينا ثلاث اختبارات وياخذمنها احسن درجتين ويرصدها غير الشرح المتميز وغير ان الاختبار يحدده الطلاب متى والللي يحضر عنده مواظب هذا اضمنه لك ناجح


ما اقول الا جزاك الله خير



هذا الكلام ترا في جامعة الملك سعود

لكن انا مادري هل هناك شي في الجامعات الاخرى