من روااائع قصائد الأمير بدر بن عبد المحسن

[فقيدة امها]

يَ هو تعب اللي يسسموُنهَ حنين !ـ

خذني لبلد مافي شوارعها مطر
دام المطر كله حنين
خذني لأماكن مزعجة للعابرين !ـ
ما أبغى سكون ..
أخاف لحظه : أختلي مع ذاكره
مليانه وجيه وتعب .. !ـ
و أحنّ له ..
و أنا صديق للظلام والمطر ..!ـ
وعشان أحافظ ع الصبر ،ـ
بصلي فرضي وأنام ..ـ
أبكره الليل الطويل .. و أبعشق ( أزعاج النهار المزدحم ).ـ
بس المهم ما أختلي مع ذاكره مليانه بـ وجيه وتعب ..!ـ
و أكتب شعر ، إذا قريته بعد يوم أستنكره !ـ
و أستغرب إني قد كتبته
( من كثر ما هو حزين )ـ
يَ هو تعب اللي يسسموُنهَ حنين !ـ

[فقيدة امها]

سنه مرت

ومرت سنه .. على فراقك
على صوتك .. واشواقك
غريب كيف الزمن يرحل
واحلام العمر .. تذبل
سنه مرت .. وانا أول
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

[فقيدة امها]

نبي .. نَطفيْ قمَرنا ..
لوُ يعذبنا السَهرْ .. وَ الخوفْ ..
نَبيّ ننثِر قهرنَا .. يَ حبْايبنَاْ ..
عَلىْ مدّ النظرْ .. وَ الشُوفْ ..
نبَيْ ننزعُ مِنْ أعمَاقْ الحَشَا سِكيَنْ ..
... نبَيْ ننزِف حَنانُ العاَشقْ المُسِكيِنْ ..
وَنجرحْ فيْ سَوادّ العِينْ .. صُورنَا ..
وَ نَبيْ نَطفيِ قُمرنَا ..

سَامحِينَا يَ المحبَة .. لوُ جَرحنْا وَ أِنْجرحَناْ ..
سَامِحينَا لوُ نَسينَا .. فِيْ الهَوىْ ضِحكَة فًرحناْ ..

[فقيدة امها]

(( أحبابك سروا ))

مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. فـ قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد...
مري على دروب الجراح.. وتلقين احد غيري

غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد...
مري على دروب الجراح.. وتلقين احد غيري..

[فقيدة امها]

أنا ظلي تحت شمسك !
و لو تغيبي ما هو ظلي ..!
و انتي اسمك في حياتي .. يهمسه بعضي لكلي ..!
آه يا ضُعفي و غروري
اعدلي فيني و جوري
و اصدقي .. راعي شعوري
و واعديني بعد باكر .. !

هذا وجهك في عيوني.. ما رسمته لا وربي ..!!
و اللي يصرخ في ضلوعي :-

هذا صوتك ماهو قلبي..!!
آه يا شمعة وجودي .. اشعلي نارك في عودي..
اهجري قلبي و عودي
و واعديني بعد باكر..!!!

[فقيدة امها]

حبيبتي .. ما أجملك ..
العشق لك .. والمجد لك ..

يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى

[فقيدة امها]

ما على هالليل حارس
افتحي بابه .. وادخلي قلبي
كسّري صمته .. بعثري غيابه
دوّري في الليل فارس
كثرت جروحه ..وشابت أهدابه
لا كلام الحب كافي .. ولا سنى هالشمع نور
اللقا مثل التجافي .. كلّها نفس الشعور آه يالقلب الحنون

[فقيدة امها]

قصيدة / الموعد الثاني

خذاك الموعد الثاني
نويت تغيب وتنساني
مشت بك خطوتك لبعاد
تركت لدمعتي ميعاد
مثل ذا الوقت تلقاني
خذاك الموعد الثاني

أحبك كلها كلمة ونظرة شوق خداعة
عطتني بالأمل دنيا غريبة يومها بساعة
خذتني غصب عني لك
حسبت إني قمر ليلك
و أثر شوفك تعداني
خذاك الموعد الثاني

صديق الليل لو تندم على جـرحٍ تركته لي
لا انسي قلبك المسكين حبيباَ جرحك قبلي
ولكن سكتك تحتار
أبد بين الندا والنار
ولا منه قضى المشوار
خذاك مشوارك الثاني

[فقيدة امها]

اما البدر .. شاعر الاحاسيس و المشاعر الصادقة .. فان الكبرياء جاء مع قصيدته هذه ليرسم صورة من حقوق الذات والاحتفاظ بقيمته بعد الفرقى ..

مرَّتني الدَّنيا .. بتسأل عن خبر
مابه جديد ..
عُشَّاق ليله تفارقوا .. وصاروا بعيد ..
لاطاحت نجوم السما .. ولاتاه في الظَّلما قمر
لاتاقف الدَّنيا .. وتسأل عن خبر
مابه جديد ..

أسهل مِن الكِذبه .. على شف الطفل
فرقى الأحبه ياهوى
أحلى مِن الحِلم الَّلي ودَّي لو كِمل
كانت ليالينا سوى ..
لاطاحت نجوم السما .. ولاتاه في الظَّلما قمر
لاتاقف الدَّنيا وتسأل عن خبر
مابه جديد ..

لاتاقف الدَّنيا .. على أول طريق ..
فرقى الأحبه ياهوى ..
لاتسأل جروحي مِتى خان الرفيق ..
عهد المحبَّه والهوى
لاطاحت نجوم السما .. ولاتاه في الظَّلما قمر
لاتاقف الدَّنيا وتسأل عن خبر
مابه جديد ..

[فقيدة امها]

يقول بدر بن عبدالمحسن :
وعدت نفسي ما اجيك وجيتك
من بعدها ماعدت اصدق وعودي ..