خيم ظلام الليل عقب اللقيطة

[محمد العبيد]

ان القلب ليحزن وان البن لتدمع وانا على فراقك يا ابن العم لمحزونون
***
هذه قصيده كتبتها في رثاءفقيدنا الغالي ..
***
***
ما عاد باقي للفرح عندي اوطان=خيم ظلام الليل عقب الفقيدة
ما عاد اميز بين ناصر وعثمان= ولا استطيع انطق بجملة مفيدة
يومي تأكدت ابن عمي كحيلان=رحل وخلانا بنارٍ وقيدة
يالموت ليتك ماخذ فلان وفلان=الي مفارقهم على القلب عيدة
وخليت غالينا محمد بليهان=يقدم دروس للنشاما سديدة
يشهد لها القاصي ويشهد لها الدان=في الطيب والمعروف حالة فريدة
مهوب قولي وانشدوا كل انسان=العز والنوماس هو سيد سيده
كريم نفس ومروي كل عطشان=ومن جاه في بيته بطيبه يصيده
مهوب باير عزوته روس ويلان=رجالهم وقت الملاقا وليدة
لكن نهاية كل حيٍ يالاخوان=الموت من عقب الحياة الرغيدة
يا رب تغفر له على كل ما كان=يامن حياة الناس والكون بيده
يامن وعدت راعي الذنب غفران=لا صار لك عابد وصافي عقيدة
الطف بعبدك وابدل السي باحسان=انت الاله وتفعل اللي تريده
واسكنه جناتٍ بها كل الالوان=مع زمرة محمد وصفوة عبيدة

[صـــويب]

يشهد لها القاصي ويشـهد لها الدان = في الطيب والمعروف حالة فريدة
مهــوب قولي وانشـدوا كل انـسان = العـز والنوماس هو سـيد سـيده
كريم نفـس ومـروي كل عطشـان = ومن جـاه في بيته بطيبه يصيده
مهوب باير عزوته روس ويـلان = رجالـهم وقــت المـلاقا ولـــيدة
لكن نهايــة كل حــيٍ يالاخــوان = الموت من عقب الحياة الرغيدة

ما اعظمه من مصاب وما أصدقه من رثاء من شاعر كبير

ويا مال الجنة يا محمد إن شاءالله والبخيت اللي مذكور بالخير والناس شهود الله في ارضه

وأسأل الله في هذا اليوم المبارك أن يجعله من عتقاءه من النار واموات المسلمين اجمعين

لاهنت أخوي محمد وبيض الله وجهك

وأحسن الله عزاءكم في ابن العم الله يغفر له ويرحمه