فلم مرعب 0 غير صالح للنشر

[أبو ريان]

ممنوع اصطحاب النساء


السلام عليكم
كيف الحال .. عساكم بخير ؟؟

ألحين طفو اللمبات و شبو الضو أو شبو الشمعه على راحتكم اللي يعجبكم






هذي السالفه صارت لواحد منكم وفيكم يعني انسان مهوب مننا جني

والله ان خويكم هذا مسوي فيها قوي وجاي لابس شماغ و نافخ الصدر

و هو بالطريق وكاشخ بالروز بشارع #جني ما يسمي# وشوي الا أخوياي (الجن طبعا) متجمعين حواليه

عاد هو مرتبك مثل الأخ >>> بس ان مسوي لي فيها مهوب خايف

و شوي الا خويي اللي اسمه مزعزع <<< لا تعايرون اسمه

بس وش رايكم في مزعزع مهوب وسيم >>>

المهم هو أول ما درى ان فيه انسي جاي على طول قال انا رايح أشوف وش قصته هذا

يقوم مزعزع يطق باب السياره و عطاه العين الصفره ((مهوب زيكم يا الانس حمره ))
: خير يا أبو الشباب ؟
: خير انشالله انت وش مجيبك حارتنا ؟
: لا يكون مسجله باسم ابوك و انا مدري ؟
: شكلك راعي طويله
: لا راعي قصيره
: لا مطيح الميانه مع وجهك ؟؟ أقول وش اسمك انت ؟؟
: وش تبي باسمي مع وجهك ؟؟
: أقووووول وش اسمك ؟؟
: منيب قايل وش بتسوي يعني ؟؟
: مسوي لي فيها ما تخاف ؟؟
: أخاف من هالاشكال يا وجه العنز ؟؟
: اقول يلا تعال و اطلع من السياره
: هذاني طالع وش بتسوي يعني ((بدت القمطه على وجهه وجاته النفٌاضه ))
: الزعاطه اتركها عنك لا أموسرك بالعقال اللي على راسك
: طيب خلاص بقول اسمي .. اسمي محمااااس
: والله و الكوبه
: احترم نفسك
: أقول وش رايك تقلٌط عندنا
: والله اني مشغول ولانيب فاضي
: الا بتقلٌط عندنا غصبٍ عن امٍ جابتك
: لا ما ابي

وبهاللحظه مزعزع نادى -خشر مشر- <<< هذا اسم والا لغز هع

بس وش رايكم في -خشر مشر- حلووووو شوفوه >>>>

المهم نرجع
: سم عمي مزعزع
: عندنا ضيف
: يالله حيه

ويجي -خشر مشر- يسحب محماس من خشته ويدخله حوش البيت بالظلاااام والقمر مغطيته الغيوم
: وين جايبيني انتو ؟!
: ببيتك الثاني
: الله يعينني
: انا رايح داخل البيت شوي و ان شفت راس طايح سو نفسك ما تدري ولا تقعد تصارخ
: انشالله
<<< محماس شاف ذا الراس طايح بس انه صرخ ولا قدر يتحمل
<<< هذا هو البيت ترى
((للملاقيف : الغرفه اللي مولعه لمبتها غرفة الزعيم ))


وبسبب هالصراخ يطلع له الكلب -عزكم الله-

عاد هذا الكلب عصبي ولا يعصب الا للناس اللي يسوون نفسهم ما يخافون

لكن محماس ****** العافيه و بلع لسانه و دموعه اربع اربع

بعدين راح الكلب

وبهاللحظه رجع -خشر مشر- من داخل البيت
: وش سويت يا محماس
: والله طلع لي كلب بعدين راح
: تستاهل انا قايل لك لا تقعد تصارخ
: طيب ألحين وش نسوي
: ألحين ناخذ لفه على البيت والا ما تبي ؟
: لا ما ابي .. ابي اروح البيت
: خلاص يا حبيبي انت دخلت البيت هنا يعني ما فيه طلعه ابد
: ابي اطلع
: بلا كلام فاضي يلا ناخذ لفه على البيت

واقعدو ياخذون لفه و -خشر مشر- ورٌا محماس الجن اللي عندنا

: فيه واحد عندكم خبل ما تدري وشلون صار شبح >>>>
: لا تغتر بالشكل هذا الى الحين ضحاياه 1241435 ضحيه
: هالنتفه و ضحاياه هالكثر ؟؟
: قايل لك لا تغتر بالشكل


المهم ويكملون اللفه على البيت ويلاقون اشباح كثيره

اللي يلعب سيكل خخخخ

و اللي يطل من الدريشه

واللي يترافسون

و اللي قاعد يختفي

و اللي قالبها مرقص

والا هذا المحشش

والا هالبزر ما عنده الا تقريص بخلق الله

: والله بيتكم يروٌع
: بعدك ما شفت شي
: أقدر امشي الحين
: اقعد مكانك ولا فيه طلعه
: طيب وش أسوي الى هالوقت وبهالظلمه ؟
: قايل لك طلعه مافيه و بتبات عندنا الى آخر عمرك
:
: يلا انا رايح داخل اخليك الحالك بالحوش
: وش اسوي بلحالي هنا ؟!
: اجل خلاص يعني تبي تنام داخل البيت ؟
: يكون أحسن
: خلاص اكلم الأقشر اخليه يسويلك

و راحو عند باب البيت ويلاقون الأقشر عند الباب

هذا هو الأقشر حلو والا لا ؟؟ >>>

عاد محماس بال بهافه من الروعه بس الحمد لله ما احد درى
: يا الأقشر هذا ضيف واسمه محماس وبيبات عندنا يعني ضبط له غرفه
: انشالله

ويضبط الأقشر له غرفه
: ها عساها عجبتك الغرفه ؟؟
: تمشي حالها
: و تتشرط مع وجهك ؟؟
: لا أبد ما أتشرط الغرفه حلوه
: أيه بعد أحسب

عاد محماس ألحين خايف وطافت النفاضه ويلاقي واحد قاعد يطل من الدريشه

عاد سواها بهافه من ورا

وبعد مده راح اللي يطل

وبعدين محماس راح يفتح الدولاب <<< ابوك ياللقافه

ويطلع له باقير من تحت الدولاب

ويطلع له هذا من فوق الدولاب >>>

ويسكر محماس الدولاب على طول

و باقيرا موجود بالغرفه
: انت مين ؟
: انا محماس .. انت مين ؟
: انا بالأول محمد اما الحين باقيرا
: شكلك متأثر بماوكلي
: شوف انا كنت زيك وجابوني هنا وكنت انسان حالي حالك اما الحين حولوني نمر
: يعني بيسوون فيني زي ما سوو فيك
: أكيد ما يبي لها كلام
: يعني وس أسوي ألحين ؟؟
: انت الحين ارقد وبكره يحلها الف حلال
: و انت الصادق بكره الصبح على الاقل الدنيا منوره
: أي منوره ؟؟ هنا ما فيه نور دايم الدنيا ظلااااااام

وراح محماس يبي يرقد بس انه شاف من الدريشه واحد يطل -ويزم شفاه موقه ويتبسم .. على قولة خالد عبدالرحمن -

لكن بعد مده راح اللي يتبسم

عاد محماس ما رقد ابد لانه خايف

وكان باقير راااااقد وبعد عشرطعشرين ساعه قام باقيرا ولقا محماس قاعد
: بلاك ما رقدت ؟؟
: وين يجيني النوم و انا بهالبيت
: مردٌك بتتعود على هالبيت بعد ما يحولونك باقيرا زيي
: أبي أهرب طيب وين القى مفتاح البيت ؟
: انا اللي اذكره ان مفتاح البيت موجود بصندوق
: أي صندوق ؟
: أول ما تطلع من الغرفه على يدك اليسار
: خلاص ألحين أروح أشوف وانشالله القاه
: تراني منيب متاكد لان هالمكان من زمان فيه مفتاح اما الحين والله مدري
: أروح أجرب وش بيضرني ؟
: بكيفك

و يروح محماس وفتح باب الغرفه و يروح عند الصندوق ويفتحه الا يطلع له هذا >>>

و حاول يرجع الغرفه لكن اللي بالصندوق اسحبه من خشته و ينادي -خشر مشر- ويقول له ترا هذا جاي مدري وش يبي ((من زمان عن خشر مشر ))
: أكيد باقيرا قال لك عن المفتاح
: ايه والله يا خشر مشر
: يعني تبي تهرب من البيت
: ايه والله
: أجل عقابك هو اننا نحولك هيكل عظمي وبنقطك بقفص يومين بالحوش

وياخذون محماس ويقطونه بالقفص

عاد محماس قاعد يفكر انه يطب من سور البيت لانه بالحوش وقعد يحاول يكسر شوي من القفص

وقعد يفكر وبعدين طلٌع مطرقه ((لا تقولون من وين جاب المطرقه ))

المهم ويكسر ثلاث حدايد من حدايد القفص ويطلع و يجي حليب السعوديه وينقذه <<< أمزح خخخ

يوم كسر القفص قام يمشي شوي شوي

لكن واحد من حراس الحوش و يسمونه خرش المرش <<< يلعن ابو الاسم

وهذا هو مهوب مملوح ؟؟ >>>>

عاد محماس أول ما شاف خرش المرش قام يركض لكنه وهو يركض طاح على وجهه

يوم طاح على طول خرش المرش اسحبه من خشته وقال له يعني تبي تهرب من السور يا ويلك ويلااااه

وعلى طول خرش المرش جاب محماس عند ولد الجن ((اللي هو انا ))
<<< هذا انا مملوح و أقشر

يوم دريت انه يبي يهرب على طول قلت لازم نشنقه و أمرت خنشور انه يشنقه ألحين

وش رايكم في خنشور ؟؟ يقول للقمر قم و اجلس مكانك >>>>


بحضوري انا و مزعزع ((من زمان عن مزعزع )) و خشر مشر و خرش المرش تم شنق محماس على يد خنشور

وهذا مشهد محماس بعد ما شنقناه >>>>

و محماس عبره لغيره من الناس

وسلامتكم