ولهٍ عليك

[عبدالله الشويمان-الرعد]

السلام عليكم ورحمة الله وبركاته..

قريحتي رحبت في قافها إيبه=بالصدر والعجز في منهاه جت آلم
يا منتدى سدير جيتك من بعد غيبه=ولهٍ عليك وعلى اهلك والله العالم
انا على العهد عهد صحيب لصحيبه=لو طال بعدي عنك بالبال متوالم
ما غبت انا هجر مير العذر للشيبه=عنه ادمح الفايته عساك لي سالم
جيتك انا مع احاسيسي بلا ريبه=ادريبك انك لقلبي ما تجي آلم
اطيب انا فيك ياللي تغمرك طيبه=طيبة هلك كلهم تكرم عن الظالم
كثر التحيات مني اشراق وتغريبه=معها احترام وموده والله العالم

عبدالله الشويمان-الرعد

[عبدالله الفـارس]

\

عودة حميدة استاذ عبدالله

صح لسانك

وحياك الله

/

[وارث الطيب]

هلا وغلا بشيخ المنتدى وشاعره الفاضل ... عبدالله الشويمان
الله محيي ها الاطلاله اللي اشتقنا لها كثيرا يسعد مساك وصباحك

وما ابطى من جاء لكن بالله لا عاد تغيب عنا ترى لك معزه وتقدير
والله محييك والحمدلله على السلامه ولاتعذر بالكبر توك شباب

مودتي وتقديري لشخصك الكريم وصحححح قلبك وبوحكيا الغالي

[ساجي]

كثر التحيات مني اشراق وتغريبـه
معها احترام ومـوده والله العالـم

الاصيل طول عمره اصيل


صح لسانك اخوي عبدالله

عدت والعود احمد


وجعل هالرجعه اخر الغياب قل امين


ننتظرك بشوق

تحياتي

ابراهيم

[ناصر الحنو]

هلابك ياعبدالله
وياهلا بعودتك لدارك

حمداً لله على سلامتك والعود احمدُ

مشاعر تغرد شوق
واحساس ينبض وفاء
وجمال شعر يرتسم ببهاء الحضور


صح لسانك ولاهنت ياغالي

كل الحب والتقدير

اخوك ناصر
ظماالعشق

[مواااادع]

	اخي الغالي ( الرعد ) هلا وغلا فيك نور المنتدى بوجودك وننتظر روائعك بكل شوق تقبل مروري وتقديري

[عبدالله الشويمان-الرعد]

المشاركة الأصلية كتبت بواسطة عاشق ديرتي   \ عودة حميدة استاذ عبدالله صح لسانك وحياك الله /

الاخ عاشق
الله يطول عمرك ومشكور على الاطلاع.
دمت بخير يالغالي

[عبدالله الشويمان-الرعد]

المشاركة الأصلية كتبت بواسطة وارث الطيب   هلا وغلا بشيخ المنتدى وشاعره الفاضل ... عبدالله الشويمان الله محيي ها الاطلاله اللي اشتقنا لها كثيرا يسعد مساك وصباحك وما ابطى من جاء لكن بالله لا عاد تغيب عنا ترى لك معزه وتقدير والله محييك والحمدلله على السلامه ولاتعذر بالكبر توك شباب مودتي وتقديري لشخصك الكريم وصحححح قلبك وبوحكيا الغالي

المهلي ما يولي اخوي وارث الطيب.
والله يسلمك ويبارك فيك..وعسى تشتاقك العافيه يا الغالي.
دمت بخير عزيزي.

[عبدالله الشويمان-الرعد]

المشاركة الأصلية كتبت بواسطة ساجي   كثر التحيات مني اشراق وتغريبـه معها احترام ومـوده والله العالـم الاصيل طول عمره اصيل صح لسانك اخوي عبدالله عدت والعود احمد وجعل هالرجعه اخر الغياب قل امين ننتظرك بشوق تحياتي ابراهيم

الاخ ابراهيم ما قلته من حسن ذاتك
صح بدنك يا الغالي..ومشكور على اطلالتك على ابياتي المتواضعه.
دمت بخير وعافيه ولا هنت.

[عبدالله الشويمان-الرعد]

المشاركة الأصلية كتبت بواسطة ناصر الحنو   هلابك ياعبدالله وياهلا بعودتك لدارك حمداً لله على سلامتك والعود احمدُ مشاعر تغرد شوق واحساس ينبض وفاء وجمال شعر يرتسم ببهاء الحضور صح لسانك ولاهنت ياغالي كل الحب والتقدير اخوك ناصر ظماالعشق

تسلم اخوي ناصر وصح بدنك.
وما عليك زود يا الغالي.
لك ودي واحترامي.

[عبدالله الشويمان-الرعد]

المشاركة الأصلية كتبت بواسطة مواااادع   اخي الغالي ( الرعد ) هلا وغلا فيك نور المنتدى بوجودك وننتظر روائعك بكل شوق تقبل مروري وتقديري

اخي العزيز مواااادع
الله يطول عمرك وصح بدنك يا الغالي.
الاروع هو مرورك هنا واطلاعك على ابياتي المتواضعه.
لا هنت يا الغالي.