من روااائع قصائد الأمير بدر بن عبد المحسن

[ابو الوردتين]

نقل رائع واختيار موفق اختي فقيده
بارك الله فيك
مشكوووووورة والله يعطيك الف عافيه

[فقيدة امها]

يعافيك ربي ويسلمك أخي الفاضل أبو الوردتين
لك كل الشكر والتقدير على متابعتك وحضورك
دمت بخير

[فقيدة امها]

ظل ونخيل ..
أبيك رمح لاقطع شراييني
من كل شي غير حبك والوله يشفيني
يشهد الله إني أحبك ..
لين ضاقت ضلوعي وصوتي
وصاحت عيوني من الوجع
والحب يوجع والطمع قاتل
أبيك العمر كله هالقليل الراحل
ويشهد الله إني أحبك
ـــــ
ماني بخافك .. وإنتي ضفافك
ظل ونخيل ..
وفجر الضياء المبتل برذاذ المطر
قلبك الشفاف .. ماني بخاف
إلا القليل من الزمن
يصبح كثير من العمر
ــــ
لاتناظرين هالمطرق الضامي النحيل فـ كفوفي
ماهو بـ لك .. أجلد بها كتوفي
لو ماحملت همك ..
أنا لي مهرة صفرا أصيل ماتنعسف
إلا لطفل لا زعلت منه نزف
ولا رضت عنه تناثر في الضلام نجوم
أنا طفلك المهموم
بأزمان الفراق .. ودهور الفراق
وإن كنتي تحبيني ..
أبيك رمح لا قطع شراييني ..

[فقيدة امها]

الوعد باكر

و لو تأخرتي .. لا يجي باكر
ما أبي باكر بدونك
احبسي الفجر فـ عيونك
و إن أشغل طيف .. ,/ ظنونك
واعديني بعد باكر
أنا ظلي تحت شمسك
و لو تغيبي ما هو ظلي
و انتي اسمك في حياتي .. يهمسه بعضي لكلي
آه يا ضعفي و غروري اعدلي فيني و جوري
واصدقي .. راعي شعوري
و واعديني بعد باكر
هذا وجهك في عيوني
ما رسمته لا وربي
و اللي يصرخ في ضلوعي
هذا صوتك ماهو قلبي آه يا شمعة وجودي
اشعلي نارك في عودي اهجري قلبي و عودي
و واعديني بعد بآكر

[فقيدة امها]

قال السراب

قال السراب وقلت ظامي سرابه
قال الهلاك وقلت لعيون الاحباب

يا لايمي في حب مترف شبابه
الموت حق ولاتبرق في الاسباب

كانة ذبحني صاحبي من عذابه
مابي لدمي يا أهل اللوم طلاب

الجادل اللي فية زين ومهابه
تاقف له قلوب وتخضع له أرقاب

في حجر عينة لي غدير وسحابه
وفي وسط قلبي لة تناهيت وعتاب

إن قلت أحبة يكفي القلب مابه
وان قلت أنا مابية..باصير كذاب

[فقيدة امها]

إنشد البحار

أنشد البحار على سر الحنين
عن قصيد البحر .. وجروح السفين
عن حبال الشوق تظمأ للشطوط
عن حروق الملح في شفاه السنين
ما عرفت الغوص في اليم المخيف
ولا رهنت العمر في الدر الثمين
جيت أنا من نجد .. في قلبي الرياض
وفي عروقي التهم .. والبيت الأمين
في كفوفي تصرم نخيل الحسا
ومن ذواري الرمل غادي لي جبين
جيتكم .. والعشق يطرحني سؤال
هو صحيح الشط له صدر ويدين
عانقتني بيوتكم .. وأنا بعيد
ما عبرت الجسر .. ما شفت القطين
ياهوى البحرين مريت الديار
عابرٍ والقلب باللهفة ضنين
لين حطت بي رحالي في هواك
وانبعث نبع المحبة في الكنين

[فقيدة امها]

أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى

أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..

أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا

مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا

[فقيدة امها]

جمل زمانه

ما سألته .. إسمه .. عنوانه .. مكانه ..
ومرني .. أجمل زمانه ..
مر في قلبي وراح .. خطوته مست جراح ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..
يا إنت .. خبرني من إنت ..
جرحتني وين الدوا .. وين إنت ..
انامين انادي .. وليه أنادي ..
من أي وادي العطر ..
من أي شمس النور ..
ولا الشجن من أي شارع ..
وما سألته كيف .. ضيعته خجل ..
ما سألته ما مداني .. كلها كانت ثواني ..
حرف من خوفي قتلته ..
وحرف عانقني وعصاني ..
بس وقفت ف مكاني ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..

[فقيدة امها]

‏​‏​على : حدود

‏​‏​على : حدود الباخرههَ
واقف انا ف اخر المينا
وانتي / مساافرههَ
ارجوككَ : ي تراب الوطن
وقف - ذيك الباخرههَ
على / متنھا راحلة
تحمل .. بدايات العمر
واللي بقى لي ، واخرههَ
قاالت : ابرجع لككَ انا
احمل هدايا .. فااخرههَ
قاالت : شهر !
صاارت سنه ..
صاارت عمر ..
واللي بقى من ' ريحتككَ
عذال فيني - سااخرههَ
مـ ابي الهدايا : كلهاا
جرحككَ .. هدية فاخرههَ
يَـ مسااافرههَ
رحلتي : ف عز الالم
لااترجعين فِ اخرههَ
وان كاان يجمعناا لقى
بـ نلتقي فـ الاخرهَ

[فقيدة امها]

(لاتـــــقول)

لا تقول ودعتنـي داري
بالحيل مالي عليك عتاب
مريت في موعدك ساري
وقفت لين النجم ماغـاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللولـه طـاري
ووقفت ماللنـدم اسبـاب
مدري تعودت مشـواري
أو خان بي قلبي الكذاب

[فقيدة امها]

(انفاس )

يازين مافي العيون نعاس
والقلب مشغول بهمومه
اما معي نطرد الهوجاس
والا لك النوم وحلومه
هذي نجوم السما .. جلاس
وعيبٍ على العاشق القومه
لاجل الهوى عذبونا الناس
ومن بيح السد ما الومه
انفاسنا ماغدت انفاس
من حرها دوم مكتومه

[فقيدة امها]

النسيان


تذكر النسيان ... لاعاد تنساه
ياقلب ... وانسي القلب لعل يشفا


يدرى الحبيب ... انه حبيب وابجفاه
ماهو خراب الكون ... لاقفيت واقفا


كان الخطا منى ... فقلبي خطاياه
هو علمه ... وشلون ... يهجر ويجفا


تعب المسافر ... وابعد الموج مرساه
صار المدى له يم ... والشمس مرفا


ومل الهوى نوحه ... وبوحه ... ونجوا
ماعاد لى صبر على الجراح ... تكفا

الى متى ...صدري بيحترق حناياه
كنك على صالي ...عظامي بتدفا

والى متى ... جفنى بيسقيك من ماه
كن الليالي لاصفا الدمع تصفا


تذكر النسيان .... ياقلب وانساه
وانسي ... الجروح اللي مع الوقت تشفا

[فقيدة امها]

أنا بدوي

يا بنت أنا لـلشمـس فـي جـــلــدي حـــروق
وعـلى سـمـــــــوم القــيظ تـزهـر حـيـــاتي

أطرد ســــراب الــلآل فــي مــــرتع النــــوق
ومــن الــظــمــــــا يــجــرح لســـاني لــهــــاتي

عاري جــســد والــليـــل هـــتّان وبـــروق
دفـــــاي أنـــا والــــبرد ســـمـــــــل الــعـــبــاتي

إن عذربوني بعض خلانـك .. صـــدوق
يا بنت أنـا عــشــــق الـخـــلا مــن صـفـــاتي

وشمٍ على رمـال (الـمتايـيــه) مـدقــــوق
لاشــــك مـــن مـنـــهم يـســــــوي ســــواتـي

أنا بدوي .. ثــــوبي عـ( المتن ) مـشـقـــــوق
ومــن الــجــــبال الســمـــــر صــبري ثبـــــاتـي

ومثل النخيـل خلقت أنـا و هــامـتي فـــــوق
وما إعتــدت أنا أحـني قـامــتي إلا فـصلاتي

ولا إفتخر بأفـعــــال يـمنــاه مــــخـلــــــوق
يـــا بـنـت أنــا فـــعــــلــي شــهــــــودة عــــداتــي

الله خلقني وكـــلمة الـحــق بــوفـــــــوق
وملكت الارض وراس مالي..عصاتي

[فقيدة امها]

[فقيدة امها]

آقؤل لهآ
بآكر ليآإ مت تنسين .!
ثم طآحت .. آلدمعهه ..
ؤخبيت خؤفي
شديتهآ .. بآلحيل
ؤقلت ، تكفين
حطي عيؤنك في عيؤني
ؤشؤفي
آلمرض يآخذ ,
من آلنآس غآلين
لآمت آنآ
عيشششي معآهم .. وطؤفي
لآتذكريني ي آلغلآإ
غير ب , زين
بس آحذري ب آلليل
جية طيؤفي