العودة   منتديات سدير > ¨° المنتدى الترفيهي °¨ > ¨° التراث والسياحة °¨

¨° التراث والسياحة °¨ نوادر- أدوات قديمة - قصص وقصائد من التراث - تبادل الخبرات و التجارب في مواقع وأزمنه و وسائل و طرق الرحلات البرية و الصيد ، والسفر والسياحة .

الإهداءات

إضافة رد
 
أدوات الموضوع انواع عرض الموضوع
قديم 03-04-2014, 08:17 AM   #76
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,




هذه تحكي قصة رجل لديه من الأولاد تسعة ،
وعندما أنجبت زوجته لعاشر مرة فاذا هي بنت ،
لكنه والعياذ بالله عندما بُشّر بالبنت حزن حزناً شديداً لعدم رغبته بالبنات ،
وقال قولته المشهوره : ( يا ليلي الأسود ) .
المهم مرت السنبن والأيام وكبر الأب وأصيب بالعمى وتزوج الأبناء الذكور وانشغلوا بحياتهم مع أُسرهم ،وأصحابهم ونسوا أبيهم المريض الضرير ،
ما عدا ابنته لم تنساه يوماً ، فقد كانت بارّةً بوالدها ، وتقوم برعايته على أكمل وجه ، وفي يومٍ من الأيام دخلت على أبيها لتعطيه الدواء ، فسألها : من أنتي . فقالت :
( أنا ليلك الأسود يا أبوي ) .
فرد عليها نادماً ومتأسفاً على ما بدر منه في حقها : ( ليت الليالي كلها سود )
............
ولقد أعجبت هذه القصة أحدهم وتأثر بها كثيراً ،
فكتب هذه الأبيات لتجسد حال هذا الأب .
--------------------
ليت الليالي كلها سود
دام الهنا بسود الليالي
لو الزمان بعمري يعود
لا احبها اول وتالي
ماغيرها يبرني ويعود
ينشد عن سواتي وحالي
والا أبد ماعني منشود
لولاها واعزي لحالي
تسعه رجالٍ كِنهُم فهود
محدٍ تعنى لي وجالي
كن الغلا والبِر مفقود
كلٍ غدا بدنياه سالي
ماغير ريح المسك والعود
بنتي بكل يومٍ قبالي
ماشفت منها نقص ومنقود
تسوى قدر عشرة رجالُ
يارب يامالك يامعبود
تقسم لها الرزق الحلالي
صرت بسبايب ليلي محسود
اثرى الهنا بسود الليالي
والقصة مثال واضح وعبرة لكل من يتشاءم اذا بشروه بأنثى
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 08-04-2014, 08:14 PM   #77
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,



شاعره غنيه عن التعريف من أشهر شاعرات الجزيرة العربية موضي البرازي

وهي من قبيلة ( مطير ) من فخذ البرزان كانت معروفه عند الجميع في مناطق واسعه من نجد
معروفه بحكمتها وحياتها مليانه بالمواقف والطرائف

وقتها كان في عهد الامير وطبان بن محمد الدويش المطيري ، ثم من بعده ولده الامير حسين بن وطبان الدويش ،

تقول الشاعرة مويضي البرازية ، قصيدة قيلت في عهد الامير وطبان الدويش ..

قلبي يخايل بين ناصر ووطبان وظلت هواجيسن بقلبي تدوسه
ناصر من أل حبيش ذربين الايمان الى وطا نجد عفا رموسه
ووطبان من الدوشان بالضيق شجعان كم سابق بأطراف رمحه يهوسه

وهالموقف من بعض مواقفها ..
بيوم من الايام كانت تغني عند بعض الحريم توسع صدرها ومر احد رجال الامام فيصل بن تركي ال سعود
وهي تغني بصوت واضح راح للأمام وقاله ان المويضي تغني بين الرجال بصوت واضح وهذا عيب
ارسل الامير احد عبيده واسمه ( سلامه )
وقال له خذ هاالعصا واضرب مويضي جزاء على الغناء راح العبد ونفذ كلام الامير
وكسر عليها العصا ومرضت بعدها
وبعد ايام طلعت من البيت وسمعت طير يغني بصوت عذب
قالت هالأبيات تحذر فيها الحمامه من ان يسمعها سلامه ويكسر عظامها وتنصحها تروح لـ (الفرعه)
وهي بلد الوداعين من الدواسر لأنهم يحمون الدخيل > الدخيل يعني اللي يجيهم ويطلب الفزعه منهم

قالت :
ياسّعد عينك بالطرب يالحمامــه
اللي على خضر الجرايد تغــنـــين
عزي لعينك وان دراى بك سلامه
خلّاك مثلي يا لحمامه تـــونــــــين
كسّر عظامي كسّر الله عظــامه
شوفي مضارب شوحـطه بالجاجـين
وأن كان ودك بالطرب والسلامـه
عليك بالفرعه ديار الوداعـــيــــــن

وهاذي قصه طريفه لها هي واختها محاوره بينهم وكانت اختها شاعره اسمها بنا > بتشديد النون
كانو يرعون غنم اهلهم وقالت بنتسلى بالشعر
قالت اختها ابيات تفتخر بزوجها وأنه أفضل من زوج مويضي و أكثر كرم وشجاعه ,

شوقي غلب شوقك على هبة الريح
ومحصّلٍ فخر الكرم والشجاعه
ركاب شوقي كل يومً مشاويــح
واذا لفى صكوا عليه الجمــــــاعه
يالبيض شومن للرجال المفاليــح
ولاتقربن راعي الردى والدنــــاعه

فردت مويضي على أختها..

ما هوب خافيني رجال الشجاعــه
ودي بهم مير المناعير صلفــــين
اريد مـنّـدسٍ بوسط الجماعـــــه
يرعى غنمهم والبهم والبعــارين
وإذا نــزرته راح قلبه رعاعــــــه
يقول ياهافي الحشا ويش تبغـين
وان قلت له هات الحطب قال طاعه
وعجّل يجيب القدر هو والمواعيـن
لو اضربه مشــتدةٍ في كراعــــه
ماهوب شاكيني ولا الناس داريــن
لو اضربه مشــتدةٍ في كراعــــه
ماهوب شاكيني ولا الناس داريــن

يقولون ان زوجها طلقها
واخذها ولد عمها ,

من بعض امثالها ..
اللي يتيه الليـــل يرجي النهارا واللي يتيه القايــله من يقديــه

تقول اللي يتيه بالليل يقدر ينتظر الصباح وإذا أصبح ييشوف طريق اتجاهه لكن المشكله بالي يضيع بالنهار شلون بيلقى طريقه ..

هاذي نبذه مختصره لشاعره لها بين الشموخ مكانه وبين الاصالة قيـّـمه

الله يرحم مويضي البرازيه واموتنا وجميع اموات المسلمين ..
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 17-04-2014, 07:56 AM   #78
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,


مكر بعض الحريم


يحكى انه فيه شاب تزوج وطبعا ايام اول العيال مايطلعون من بيت اهاليهم يعني كل العيله متكدسه في بيت واحد
العيال وحريم العيال وام العيال ......

الاخ هذا جاب حرمته للبيت ويوم كملت كم يوم كان لازم تشارك بمهام ومسئوليات البيت ...
حريم الاخوان اللي قبل مسكوها يعلمونها قالوا بنتقاسم شغل البيت يعني وحده عليها الطبخ ووحده عليها التنظيف والثالثه تشيل الخاله(( أم الزوج وبعض الاحيان يسمونها العمه )) وتدور فيها بالحوش لين تغيب الشمس <===خاله نشبه


العروس طبعا انصدمت ...قالت اشيل خالتي وشلون يعني شغل البيت والطبخ مقبول بس اشيل خالتي مو معقول

طبعا الحريم ماصدقوا يجي يومين يرتاحون من الدوران بالحوش وعلى ظهورهم هالعجوز قالوا هذا اللي ماشي عندنا اذا انتي شاريه الرجال تتحملين امه وتشيلينها فوق راسك


البنت سكتت وقالت معليش لأجل عين تكرم الف عين .... وبدأ المشوار في حمل الخاله والدوران فيها لين تغيب الشمس أو ينقطع النفس <=== بذمتكم هذي عيشه


مره ومرتين وثلاث والبنت حامت كبدها قالت مو حاله هذي يوم كد في هالبيت ويوم نسف في هالمطبخ ويوم اشقل هالعجوز <===هنا بدأ الشيطان بالوسوسه ودوريلك حل يابنت الناس


طبعا البنت لقت الحل وجمعت حريم العيال وسألتهم تبون اريحكم من هالعجوز ؟؟ قالوا ياريت وبندعيلك <==ياشين الحاقدين

قالت عندي خطه بس كل شي اسويه تمشون عليه ... قالوا تامرين أمر ... قالت لهم اذا جا يومي في الدوران بهالعجوز ((شانت الاخلاق وصارت الخاله عجوز )) ابي وحده تجي ركض وتقولي يافلانه امك ماتت وخلو الباقي علي ....

وجا اليوم الموعود واثناء ماهي تدور في الحوش بالخاله جت وحده من المشاركات بالخطه وقالت يافلانه امك ماتت
البنت مثلت دور المفجوعه بأمها وتمسك الخاله من رجلينها وتمحط فيها الجدار وهي تصارخ أمي ماتت

وكل ماقالت آه يايمه صبخت بالعجوز بهالجدران والعجوز ياحياتي مالها حيله و تقولها ( حطيني وانعي امتس والبنت معطيه طناش تصيح وتصبخ بالمره المسكينه بالجدران والعجوز تردد جملتها الوحيده (( حطيني وانعي امتس )) لين قاربت العجوز على لفظ انفاسها الاخيره


ويدخلون العيال من النخل ويشوفون المره تصيح ويقولون يافلانه عسى ماشر وترد تقول خالتي طاحت وتنازع <===الشر ياناس وش يسوي

ويتراكضون الشباب حول الام وهي تأشر على البنت ومافيها حيله تتكلم والبنت تقول وش تقولين ياخاله الذهب كله لي ؟؟؟ ماابيه ياخاله ماابي الا سلامتك


والعجوز تبي توصل لعيالها ان الشريره هذي ذبحتني بس مع الخبط اللي على الجدران انقطع الصوت والبنت تقول سلامتك ياخاله وش تقولين ((والانات من العجوز طالعه)) مفاتيح المخازن تبينها معي ياخاله قومي لنا ومابي شي


طبعا العجوز من اللي جاها ومن القهر ماتت والعيال قالوا وصية امنا تتنفذ ويعطون الزوجه الذهب ومفاتيح المخازن

وحريم العيال الباقين مافتحوا فمهم يكفيهم فكتهم من هالعجوز .

صدق ان كيدهن عظيم
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 17-04-2014, 08:02 AM   #79
سليمان الزيادي
 
تم شكره :  شكر 19,067 فى 3,938 موضوع
رحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضورحّال نسبة التقييم للعضو

 

Icon6 السلام عليكم و رحمة الله و بركاته.

كانت العجز يسمونها ( سباحين ) ،،،، عاد مدري تعرفين هذه الكلمة أو لا ،،،
قرأت قصة مكر بعض الحريم ،،، شدني العنوان ، لم أستغربه و لكن شدني ، ههههههه
لي عودة كلما راق الوقت إن شاء الله لأخذها بالتسلسل ،،،
جهدٌ رائع مشرفتنا القديرة.
تحيّة تشبهكِ و سلام.

التوقيع


إن كنت تصدق كل ما تقرأ ،
رحّال غير متصل   رد مع اقتباس
من قدموا شكرهم لـ رحّال :
قديم 17-04-2014, 03:20 PM   #80
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: السلام عليكم و رحمة الله و بركاته.

  المشاركة الأصلية كتبت بواسطة رحّال مشاهدة المشاركة  

كانت العجز يسمونها ( سباحين ) ،،،، عاد مدري تعرفين هذه الكلمة أو لا ،،،
قرأت قصة مكر بعض الحريم ،،، شدني العنوان ، لم أستغربه و لكن شدني ، ههههههه
لي عودة كلما راق الوقت إن شاء الله لأخذها بالتسلسل ،،،
جهدٌ رائع مشرفتنا القديرة.
تحيّة تشبهكِ و سلام.

 
إلا أعرفها السباحين أمي الله يرحمها كانت تقول لنا سبحونه قبل النوم وحنا نسميها قصة
هههههههه أكيد شدك واكيد مراح تقول غير كذا
وحياك الله وبياك في أي وقت أستاذ رحال
فـ متصفحي يزهو بك وبـ أمثالك الرائعين
وتحيه مثلها لك وسلام
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
قديم 17-04-2014, 03:27 PM   #81
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,


القصه ياجماعه الخير هي قصة نوره الحوشان .. بتقولون منهي نورة الحوشان انا اقول لكم

هي نوره بنت حوشان بن علي بن دخيل الله بن مدعث الحوشان من العونه من بني رشيد عاشت مابين اول اواخر الف وثمانميه الى اوائل الف وتسعميه

ونوره الحوشان شاعره معروفه ويشهد لها بكرمها وعطفها على الفقراء والمساكين بشهادة كبار السن وماينقلونه من اخبار عنها .

تزوجها عْبود بن علي بن سويلم الشلواني العازمي وجابت منه ولد سمته حوشان على ابوها وجابت بعد بنت ماادري وش اسمها

من قصايدها المشهوره قصيدة ( الي يبينا عيت النفس تبغية ) وقصة القصيدة هي :

كانت تعيش مع زوجها عْبود بن علي بن سويلم وكانوا يحبون بعضهم حب ماهوب سهل المهم في يوم من الايام صار بينهم خلاف قوي مره كانت نتيجته ان زوجها طلقها بالثلاث

بعد طلاقها تقدمولها كثيرين يبون يتزوجونها لانها كانت مزيونه ومن عائله معروفه ومحافظه لكنها رفضت الزواج بعد زوجها عبود وفي يوم من الايام كانت تمشي بطريق يمر بمزرعة زوجها الاول اللي هو عبود وكان معها عيالها ويوم مرت بمزرعته شافته ........ وقفت على اول المزرعه واراحوا عيالها يسلمون على ابوهم وصارت تنتظرهم لين رجعوا . اخذتهم وكملت طريقها وهي تهوجس بعبود وتتذكر ايامها معه وتذكرت اللي تقدموا لخطبتها بعد طلاقها منه ورفضها لهم ثم قالت هذه القصيده اللي فيها بيت صار مَثل عند الناس من ذاك الوقت لين الحين


ياعين هلي صافي الدمع هليه ......... واليا انتها صافيه هاتي سر يبه

ياعين شوفي زرع خللك وراعيه ......... شوفي معاويده وشوفي قليبه

من اول دايـم لـ رايــه انـمـالـيـه ......... والـيـوم جـيتهـم عـلينا صـعـيبه

وان مرني بالدرب ماقـدر احاكيه ......... امصـيبتٍ يا كبـرها من مصـيبـه

اللي يبينا عـيّـت النفـس تبغـيـه ......... واللي نبي عيا البخت لا يـجيبه



يوم سمعت ام الشاعرة قصيدة بنتها قالت لها يابنيتي يوم انتس تحبينه وشو له طلبتي الطلاق منه؟؟

قالت

احبه لو يطبخن ثم يشوين
.............................. . يازينه ويازين لمه وظمه

ويازين قوله (هيه ويش تبغين)؟
............................. احلى من الورع المغاغي على امه
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 20-04-2014, 01:52 AM   #82
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,


ذبيبـــــة ام الذبــان

يحتسون ببنت تجار مدللـه بنسميها ساره .. كانت مزيووووووووووووونه ما لزينها وصيف.. وكانت ذهيييييينه واللى تبيه تاخذه ..
وكان عند اهلها حصان اسود متجنس صاكينن عليه بغريفه بعيده ما فيها درايش ابد.. وببابها فتحه صغييييره..
وبحدا الايام كانت تلعب هى ورفيقاتها وعبداتهن عند الغريفه.. يوم شافها الحصان وينهبل ويشيش و صار يرافس ويكفخ بيطلع من هالغرفه..
عجزو فيه اهلها بيهدونه بس ما فيه فايده .. اخرتها قالو لها خلاص اجمعي سلعتس وثيابتس وخذى عبدتس وهجي من الديره.. وحنا عقب ثلاثه ايام بنطلقه.. قالت طيب وجمعت غريضاتها واخذت عبدتها وطلعو من الديرة.
وصارن يمشن ويلتفتن وراهن لا ياصلهن هالحصان.. يوم جاء عقب اربعه ايام قالت العبده يا عمتى انا اشوف شي.. قالت ساره وش تشوفين؟؟ قالت اشوف شين كــــــــــــــــبر الذره..
كملن مشيهن .. وعقب ساعه قالت العبده ياعمه انا اشوف شي.. قالت ساره وش تشوفين؟؟ قالت اشوف شين كـــــــبر الفاره.. واسرعن بمشيهن..
بعد ساعه قالت العبده يا عمه انا اشوف شي.. قالت وش تشوفين؟؟.. قالت اشوف شين كبر الدجاجه.. واسرعن بمشيهن..
عقب ساعه قالت العبده ياعمه انا اشوف شي.. قالت وش تشوفين؟؟.. قالت اشوف كــــــبر الخروف.. واسرعن بمشيهن..
عقب ساعه قالت العبده يا عمه انا اشوف شي (والله يا هي دبله تسبد).. قالت وش تشوفين؟؟.. قالت هذا الحصان الاسود وصلنا..
ركضن لاقرب شجرة ورقن فوقها.. وكانو الاولين يقصون راس الشجر لين يصير مستوى علشان يقعدون فوقها..


يوم ناظرن تحتهن ولاه قاعد تحت الشجره يحتريهن.. قالت ساره:

افتح اثمك واطيح به..يوم فتح اثمه وتجدع فيه مطرحتها ويبلعهاا .. ولا تحرك عن مكانه..

قالت افتح اثمك واطيح به..يوم فتح اثمه جدعت فيه بطانياتها.. ويبلعها ولا تحرك عن مكانه..

قالت افتح اثمك واطيح به.. يوم فتح اثمه جدعت فيه هدومها وخلاقينها..ويبلعهن ولا يتحرك من مكانه..

قالت افتح اثمك واطيح به.. يوم فتح اثمه ولا ما معها الا ذهبها وسلعها ومقص شعرها.. جدعت المقص ..ويقص حلقه ويموت..

يوم تأكدو انه مات نزلن عن الشجره وشقن بطنه واخذن اللى ينفع من سلعها..وكملن طريقن لين اقبلن على ديرتن اهلها مسعورين (اكلى لحوم البشر ) قالت ساره لعبدتها :طقي على حدا هالدور جيبى لنا ضون نتدفا بها ونطبخ عشانا..
طقت العبده على ناس ولاهم يطبخون عشاهم.. قالت عطونى ضون اتدفا عليها انا وعمتى.. عطوها حطبتن من اللى تحت قدرهم.. يوم طلعت وابعدت شوى عن بيتهم طفت الضو ورجعت لهم ..كودهم يعطونها من عشاهم شوى..
طقت عليهم قالت ضوى طفت عطونى غيرها.. عطوها حطبتن اخرى وطلعت .. يوم ابعدت طفتها ورجعت..
قالت ضوى طفت عطونى غيرها .. عطوها حطبتن اخرى قالو ان جيتى مره ثانيه بنحطك بهالقدر مع عشانا..
طلعت من عندهم يوم ابعدت طفت الضو و رجعت لهم.. قالت ان ضوى طفت عطونى غيرها.. قامو عليها وذبحوها وصلخوها وتسفتو لحمتها بقدرهم وعلقو جلدها على الباب..
يوم تباطتها ساره ..(راحت تجيب ضو واعرست.. احم قصدى انوكلت ) راحت تدورها وتدخل على ذيك الدار وتلقى جلد عبدتها معلق على الباب.. اخذت الجلد ولقطت عميرها وهجت.. يوم وصلت هكا الغدير وتنزل وتتسبح وتلبس جلد عبيدتها (شوفو كبر الخرط) ..وتطق على ذولاك الناس تدور الشغل.. قالت لها امهم وش اسمتس؟؟ قالت (ذبيبه ام الذبان).. قالت وش تعرفين تسوين؟؟ قالت اعرف العّب البزران.. وحطوها عند بزرانهم تلعبهم وتراعيهم..
ولا عندهم ولد مزيووووووووون وجايزن لساره..
يوم جاء هكا اليوم اللى بيعرس فيه ولدهم.. نومت البزران من العصر وراحت وفصخت جلد العبده وتسبحت وتلبست وتزينت وراحت للعرس.. يوم شافت ولدهم وتحط بيد الطقاقه قطعه ذهب قالت ترى اسمى متسميه (مخفيه )..قالت الطقاقه : وامدح متسمييييه وازيدهااا وامدحها بمصلى العيد (هذى اغنيه ترى زي وكل ال فلان خياله )وتطب وترقص قباله .. رقصت ورقصت ورقصت والطقاقه تغني وقربت لمه ومعطت فتخته (خاتمه) وهو معط قلادتها وطلعت..
لبست جلد عبدتها ورجعت ونامت مع البزران..
يوم شاف الرجل هالمزيوونه ويعاف حرمته ولا حتى اخذها من بيت اهلها..
يوم جاء من عقب باتسر قال لامه كلجى لى انى باسافر ( بينحاش عن حرمته)..
دخلت عليها ذبيبه وهى قاعده تكلج قال لها باكلج معك..
الام: لاا وليدى ما ياكل الا من شغل يدى ولو يدرى انتس مكلجه معى والله ما ياكله..
ذبيبه: يا عمتى والله ما يدرى وش بيدريه قولى انك انتى اللى مكلجه.
الام: لا يا بنيتى ما يطيع .
ذبيبه: ياعمتى والله ما يدرى.
الام :خلاص كلجي لك رغيف وخوذيه كوليه انتى والبزران.
قامت ذبيبه وكلجت لها كليجا ودست الفتخه بوسطها .. وحطتها بين الكليجا واخذت غيرها وقامت.
اخذ الولد الكليجا وراح بطريقه.. وهو يمشى يقطع منه وياكل والقاسى يعطيه فرسه.. يوم عطاها ذيك القطعه وتبتل تعلك فيها .. استغرب هو وفتح اثمها ولاها تعلك الخاتم..
ويرجع لاهله .قال لامه يمه من اللى مكلج معك؟؟ قالت والله ما كلج معى احد.
قال: الاااااا فيه احد مكلج معك بس منهو؟؟؟
قالت والله ما كلج الا انا .. الا عن الحلف ذبيبه ام الذبان كلجت لها حبه واكلتها هى والبزران..
قال تراى عريسن عليها الليله.
قالت: هووووو.. يا خزياااااااااااااه .. يا خزياااااااااااااااااه ..انت انهبلت مالقيت تاخذ الا العبده اللى تلعب البزران؟؟
قال: خلاص هذا العلم وجاك.. الليله عرسى عليها.
******
اخذ الولد ذبيبه ام الذبان.. او بالاصح ساره.. بدون عرس ولا طيران ولا طقطقه.. ونومتهم امه تحت النخل على قطعه حصير .. يوم انهم جو وتطلع ساره مطرحتها وتفرشها وينامون عليها..
يوم اصبح الصبح كزت الام فطور لهم (جبن وزيتون) .. ولا ساره متزينننننه زود على زينها ولابستن ثوب حرير اصفر واحمر مدرى وش يسمونه (اسألو امهاتكم عنه) .. يوم شافتها العبده وتنهبل وتجى تركض لعمتها قالت اصفر واحمر ياعمه .. اصفر واحمر ياعمه..
قالت عمتها:وشو اللى اصفر واحمر؟؟
قالت اصفر واحمر ياعمه .. اصفر واحمر ياعمه..
وتروح الام للنخل (بتشوف وشو اللى اصفر واحمر ).
وتلقى ساره كاشخه بذاك الفستان اللى يهبل
(اصفر واحمر خووووش كشخه خخخخخخخخخخ )
يوم شافت هالزين وهالملح وتمسك يدها قالت : تعالى غرفتس فوق مهيب هذى والليله ان شاء الله العرس والطيران .

وخلصت السبحونه
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 22-04-2014, 11:16 PM   #83
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,



أمنول الأولين طبعهم زين موهوب مثل التالين (وكل اولي اخير

من تالي ) ويقولون أن فيه جيران وكتب الله وحب الولد

بنت جيرانهم <حب عفيف > بعيد عن خرابيط هالزمن ،،

المهم
قدر الله وانخطبت البنت لغيره،،،،،،

وفي يوم العرس بالتحديد

في الضحى الناس كلهم مشغولين ~ اللي يفرش الزوالي ، واللي

يركب القهوة ، واللي يطبخ الكرمة ،، وطبعا معروف أن

الاولين يصلون العصر ويقلطون على العشاء ،، وبعد صلاة

العشاء ماعاد تشوف أحد ،،،، المهم الكل مشغولين إلا ذا

الولد مشقيه الله ‘‘ وهو يتمشى من ضيقة الصدر مر بجنب

بيت العروس ’’ وكان عند العروس المشاطة تحنيها ،

وتمشط شعرها <<< المهم احتار الولد نفسه يطل مع فتحة

الباب ومتردد ... ولكن قرر وبالفعل أدخل عينه مع الفتحة ......

ومن سوء حظه انتبهت له المشاطه وقالت * مخباط خبط كبدك

يامال العمى ماتستحي على وجهك اذلف الله لايحفظك <<<<

والمخباط يماثل في عصرنا هذا مرض السرطان والعياذ بالله

وراح في طريقه يمشي والبكاء يقطع قلبه


وقال هذه الأبيات:


القلب كنه من السرجوف ينماط

وراك ياصاحبي تدعي علي

وراك تدعي على كبدي بمخباط

قصدك تعجراف وإلا مصفطيه

ياشينة الوجه يامخنزة الآباط

ما أنتي بشفي ولا أنتي بالنحيه

شفي مع اللي يكد الراس بمشاط

وإلى نقضهن تعدن الشطيه

ياليت منهو ذاك العذق مواط

والله ماأخلي في شمراخه بقيه


هههههههههه رحمته المسكين
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 30-04-2014, 05:03 PM   #84
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,



وهاذي سالفه لا قالوا ماعندك سالفه
كان فيه رجاّل توّه معرس وفقران ما عنده قرش .. قال لمرته : يامره بأروح أسج في الأرض أدوّر رزق الله قالت : الله يوفقك
مشى الرجال ومعه ثلاث من الإبل ويوم هو طالع من ديرتهم ألا ومنادي ينادي من يشتري النصيحة من يشتري النصيحة ( كانت النصايح تباع بالأول ما هو مثل هالحين ترمى بالزبالة )
قال بأشتري النصيحة من ذا يمكن تنفعني
قال بكم نصيحتك ؟ قال المناجي الحكيم : عندي ثلاث نصايح بثلاث من الإبل .
قال : هات نصيحتك الأوله ؟
قال الحكيم : إذا سافرت لا تخاوي اللي عيونه زرق وسنونه فرق
قال : الثانية ؟
قال : إذا بغيت تمرح ( تنام ) لا تمرح بوسط وادي
قال : الثالثة ؟
قال : أجلّ عمل الليل لين تبدي الشمس
قال وهذي الثلاث نياق
ومشى أخونا بالله ما معه شي .. وأظلم عليه الليل وهو بالطريق ألاّ وذاك الرجال اللي متلطم قال بأخاويك قال : تم
مشوا شويّ وقال خوينا خلنا نمرح تحت هالشجرة قال خويّه تم
المهم نزلوا وفك خويه اللطمة ألا وعيونه زرق وسنونه متفرقات عن بعضها
تذكر خوينا النصيحة وإستشك في قلبه وما نام طول الليل
قبل يطلع الصبح فتح خوينا عبنه ألا وأبو عيون زرق فوقه بحصاة كبيرة يبي يذبحه وعلى طول يزرق خوينا من تحته ويلتف من حوله ويخنقه وقال وش تبي
قال أبي أذبجك وآخذ قروشك قال خوينا ألاّ أنا اللي بأذبحك وآخذ قروشك
المهم توسل له وفكه خوينا بعد ما خذ كل اللي معه
قال في نفسه هذي النصيحة الأوله وطاحت بحسابها
كمل طريقه ألاّ وهاك الوادي اللي كله ناس ودكاكين ذهب وأقمشة وأنعام نزل تفرج لين أظلم عليه الليل ونام بأحد الفنادق اللي بالوادي ( خيمة طبعاً وخمس نجوم بعد ) يوم إنتصف الليل ألا وفي قلبه صوت الحكيم ( لا تمرح بوسط وادي ) ويفز ويطلع وينام على شنق الوادي وما هي ألاّ لحظات والسيل الكبير يجتاح الوادي ويقشّ كل من فيه بدكاكينهم وحلالهم
جلس خمسة أيام على جرف الوادي لين إنتهى الما ونزل وأخذ الذهب اللي ثبت في بطن الوادي من الدكاكين
وقال هذي النصيحة الثانية طاحت بحسابها
أقام الرجال بالقرية اللي جمب الوادي سنين ودنين وسوى دكاكين وإشتغل لين جمّ‘ مال وحلال وأنعام وخير وفير
المهم قال هاذا يسدني أبي أرجع لأهلي بعد الخمسطعشر سنه غربه
رجع ووصل بيتهم بالليل دخل مع الباب ( ما فيه بييبان مشرّع ) لقى مرته راقدة وجمبها ذاك الرجال المنسدح
قال في نفسه ( إعقب مرتي تخوني في غيابي أفا يالعلم )سل سكين يبي يذبحهم ودقّ بقلبه صوت الحكيم : أجّل عمل الليل لين تبدي الشمس
قعد برّا لين جا الصبح دخل البيت لقى مرته تسوي القهوة والرجال المنسدح جمبها رحبت برجالها : يا مرحبا يا أوب فلان هلا والله ، يا فلان قم سلّم على أبوك .. طلع ولده جا عقب ماراح
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 20-05-2014, 05:57 PM   #85
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,



(( شيم العرب )) ..

قصة (( قيران الحربش العنزي )) ,,

كانوا أهل مطيتين عليها أربع عيال (( مردف )) وجاؤا على إحدى القبائل وحافوها بالليل ,,


وخلوا الركايب عندها واحد منهم ,, وأدركهم الصبح ولم يحصلوا على شئ ,,
وأبطوا على راعي الركايب فإنهزم عند ظهور الصبح خوفآ من الأخيذ من القوم وهو لوحده ..
واصبحوا الثلاثة رجليه ومن ضمنهم قيران الحربش عم شاعرنا ظاهر الحربش ..
كان وقتهم صيفآ فقالوا لبعضهم :: أهلنا بعيد والوقت حار ولكن خلونا نتخفى بالمتاقي وإذا جاء الليل ضوينا

ثاني مرة عليهم ويمكن الله يرزقنا باللي وصلنا لأهلنا إن شاء الله ,,

ولما أتى نصف الليل ضووا عليهم ,, فرزق الله الأول بعسيف مربوطة فاطلق رباطها وإنطلق ..

ورزق الثاني بذلول وإنطلق بها أيضآ ..

وأما بطل القصة قيران لم يجد سوى هاك الخلفه الشعلاء وتحتها ولدها ,, فاطلق عقالها وإنطلق بها ..

وكل واحد منهم لايعلم عن صاحبه شيئآ ,,

وكان إذا درت الناقة أخذ شق وحلبه في فمه والشق الآخر للحوار ,, وظل يسير حتى أتى على بطن أرض رفحا


.. وإذا به يرى إمرأة في تلك الأرض الخالية وحسبها جني وعندما إقترب منها وجدها تبكي ,, فقال لها ::

وش يبكيك يابنت الحلال ؟؟!!

فقالت :: العمر غالي ,, والعرض غالي !!

فقال لها قيران الحربش :: أنت حرام علي كأمي .. وأما العمر فكلانا تحت رحمة الله ..

فقالت المرأة بعد أن هدئ روعها :: والله لي ستة أيام لم أذق شئ ,,

فقال :: لاعليك يا أختاه .. ترى مافيه حياء أبدرر الناقة وشق لي وشق لك ,,

وإستمروا على هالحالة لمدة (( 12 )) يوم ,, إذا أتى الليل ناموا كل واحد بجانب وإذا أصبحوا حلبوها بدون ماعون ..

وعندما وصلوا الى أهل الحربش أصبحت من أهل البيت .. وقالت هجيت عن إبن عمي وكنت مجبره


عليه وعندما نام سريت أريد أهلي وإنجمت ولاإعرف بأي إتجاه هم حتى أتى بك الله لي في ذلك المكان ..

وبعد فترة من الزمن سمعوا فيها أهلها بأنها عند الحربش فذهب أخيها وأخذها وردها معززه مكرمه


.. وأصبحت للحربش إخت دنيا تتحفه بالهدايا والصوغات بكل مناسبة ..

وعندما مرض الحربش مرض الموت وسمعت هي بذلك ,,

قالت لأخيها :: وصلني للذي ستر عرضي وعرضك أراه مادام على قيد الحياه ,,


فذهب بها اليه وأصبحت عنده لم تفارقه تطببه حتى مات ودفنوه ..

وهذه من قصص الشيم والمروءة عند الأولين ..
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 11-06-2014, 04:41 AM   #86
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,


وهذه قصة لفتاة يقول الراوي

أن هذه الفتاة دارت الدنيا على أهلها وكانت إبنة شيوخ معروفين وحصل أن أغار قوم وقتلوا

أهلها كلهم وهربت هي وعبدها من القتل

وهناك رواية أُخرى تقول أنها رحلت من قبيلتها إلى قبيلةً أُخرى وكان معها عبدها يقوم بخدمتها

ووصلهما الخبر وهما بالطريق أن والدها قتل . . . خلاصة القصة أن العبد تجبر

على عمته بعد أن عرف نكبتها بأهلها وبدلاً من أن يخدمها أصبح يأمرها بخدمته وبالغ بإذلالها .

وفي ليلة سهرت وهي تبكي على ما جرى لها وعلى دورات الأيام

فأمرها العبد بأن تنام . . . فأنشدت تقول

هنيكـم يـا أهـل القلـوب المريحـه
وما لوم عينـي لو جـرى دمعهـا دم

أبكـي هلـي أهـل الـدلال المليحـه
وأخوانـي اللـي كـل ما قلطـوا تم

يا لعبد هذي من حكـايات الفضيحـه
خل السهـر ليّ وأنت يا لعبـد قـم نم

مـن أولـن نأمـر تجيـب الذبيحـه
واليوم يا عبد الخطـأ صـرت ليّ عم

وفي الصباح راح يوقظها فوجدها جثةً هامدة .
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 11-06-2014, 04:45 AM   #87
مشرفة حوار الأعضاء
 
الصورة الرمزية انثى الجزيره
 
تم شكره :  شكر 2,581 فى 967 موضوع
انثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضوانثى الجزيره نسبة التقييم للعضو

 

رد: من سواليف الأولين>> لاتفوتكم ,,,

ي قلبيه ماتت قهر
خبلة هي كان خنقته بحبل وهو نايم
ماش مهيب قوية
الله يعطيك العافيه

التوقيع
إجازة !
انثى الجزيره غير متصل   رد مع اقتباس
من قدموا شكرهم لـ انثى الجزيره :
قديم 11-06-2014, 04:51 AM   #88
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,

هذا عبد مو لعبه ماتقدر عليه
الله يرحمها شكلها ماتت قهر بعد العز صارت تخدم
سلمتي على الحضور ياغاليه

التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 11-07-2014, 08:22 PM   #89
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,

كان الشاعر محسن بن عثمان الهزاني وهو شاعر الحريق وهي ديره
( وهي بلده تبعد عن جنوب الرياض 30 كيلو متر ) كان مولع ببنت اسمها( هيا)
وكان جمالها وحسنها باهر.
ولحرص والدها عليها اسكنها في (روشن) والروشن كما تعلمون غرفه تكون في أعلى البيت خوفا عليها من أن ترى الشاعر محسن أو يراها فيقعا في الغرام حيث اشتهر هو أيضا بوسامة وشجاعة نادرتين وشهرة واسعة بين النساء.

وعين لهيا خادمة ومشاطه تزورها على فترات للعناية بها وتمشيط شعرها.

فعلم محسن بجمالها وعرف مكانها فقرر إن يصعد إليها في روشنها العالي الذي يصعب الوصول إليه وقام يراقب البيت لكي يجد له مصعدا لروشن هيا.

وجد محسن أن الروشن له منفذ صغير يدخل منه الماء عن طريق ساقية القصر من بئر قريبه فلم يجد طريقه غير النزول إلى البئر وصار يتعلق بحبال الغروب اللي تسحبها السواني حتى دخل إلى القصر وكان له ما أراد وجلس هـناك ثلاث أيام ولم يعلم احد بوجوده

وفي رابع يوم سمع صوت إقدام ألمشاطه قادمة لكي تمشط ذوايب هيا.


وإثناء تمشيطها لذوايب الحسناء (هيا) قامت تغني وترد هالبيت:

أصفر على اصفر ليت محسن يشوفه
توّه على حد الغرض ما بعد لمس

وعند سماع محسن الهزاني لبيت ألمشاطه طلع وقال:

أربع ليالي مرقدي وسط جوفه
البارحة واليوم وأمس وقبل أمس


وهرب وكان رفاقه قد افتقدوه ، ولما أتاهم حاولوا يعرفون منه أين هو طول هذه ألمده لكنه لم يجيبهم وكان احدهم ذكيا ولما لمح البرق قال هذا البرق يشبه مبسم هيا. فانشد محسن الهزاني قائلا:ٍ


قالوا كذا مبسم هيا .. قلت لا لا
بين البروق وبين مبسم هيا .. فرق
ويالله .. بنوٍ مدلهم الخيالا
طافح ربابه .. مثل شرد المها الزرق
لا جا على البكرين بنا الحلالا
ولاعاد لا يفصل .. رعدها عن البرق
يسقي غروسٍ .. عقب ماهي همالا
وحط الحريق ديار الاجواد .. له طرق
يسقي نعامٍ .. ثم يملا الهيالا
ويصبح حمامه ساجعٍ .. يلعب الورق
جريت إنا صوت الهوى .. باحتمالا
في وسط بستانٍ .. سقاه أربع فرق
طبّيت مع فرعٍ .. جديد الحبالا
وظهرت مع فرعٍ .. تناوح به الورق
روشن هيا .. له فرجتينٍ شمالا
وبابٍ على القبله .. وبابٍ على الشرق
مبسم هيا .. له بالظلام اشتعالا
بين البروق .. وبين مبسم هيا فرق
برقٍ تلالا .. بأمر عز الجلالا
وأثره جبين صويحبي .. واحسبه برق
يا شبه صفرا .. طار عنها الجلالا
طويلة السمحوق .. تنزح عن الدرق
له ريق .. أحلى من حليب الجزالا
وأحلى من السكر .. إلى جاء من الشرق
حنيت إنا .. حنة هزيل الجمالا
ينقض ردي الخيل .. قد حسه الفرق
ويا قلته .. في عاليات الجبالا
ماها قراح .. مير من دونها غرق
ماعاد للصبيان .. فيها احتمالا
من كود مرقاها يديهم .. غدن طرق
قالوا تتوب من الهوى .. قلت لا لا
إلا إن تتوب .. ارماح علوى عن الزرق
قالوا تتوب من الهوى .. قلت لا لا
إلا إن يتوبون .. الحناشل عن السرق
قالوا تتوب من الهوى .. قلت لا لا
إلا إن تتوب الشمس .. عن مطلع الشرق
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس
من قدموا شكرهم لـ فقيدة امها :
قديم 13-07-2014, 04:08 AM   #90
كاتب مميز
 
الصورة الرمزية حتما ً سأكون
 
تم شكره :  شكر 2,524 فى 949 موضوع
حتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to beholdحتما ً سأكون is a splendid one to behold

 

رد: من سواليف الأولين>> لاتفوتكم ,,,



والله يا أنا خشيــــــت جو مع الحكايات ..
الله يعطيك العافية قد ما اسعدني ما قرأت ..

التوقيع
حتما ً سأكون غير متصل   رد مع اقتباس
من قدموا شكرهم لـ حتما ً سأكون :
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:30 PM.


Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه