قصيدة ابن عضيب في ابن ماضي

[ابو ثاري]

قصيدة قديمة قالها الشاعر غازي بن زيد بن عضيب الدعجاني العتيبي في الامير عبدالعزيز بن عبدالعزيز آل ماضي المزروعي العمري التميمي رحمهم الله وهو من الأمراء البارزين الذي خدم دينه ووطنه وقام بأفعال طيب سجلها التاريخ كما سجل هذه القصيدة التي قالها الدعجاني بعد أن تقطعت به السبل
يقول غازي بن عضيب :

واعذابي من غرابيـل الزمانـي*** حتت المزهـب وقربتنـا رديّـه
والصديق من العدو اليوم بانـي ***مثل ابن ماضي ومعروفه عليـّه
ياهل الهجن المراديـم السماني *** خبروا بي عند صبيان الحميـّه
في عيال العود ذربيـن اليمانـي ***مكرمين الضيف يوم المعسريّـه
من نشدني قلت ماني بدعجانـي *** من يمش الوسم عن خد المطيـّه
ليت جدي من هتيم اهل المحانـي *** كان لانشـره ولا يشـره عَليـّه
يازبون الحرد ياهيف السمانـي *** من زبنكم عـده الله فـي عِليـّه
مزبن(ن)لي قطّعت عنه العوانـي *** دام راسك حي فظلوعـي قويـّه
ماندوبح في الغباء نعطي البياني *** لازبنت قطان مالي في رحيـّه
من ورد بحبالكم شرب اسمهاني *** ما يجلي كـود مقطـوع الدنيـّه
وان طويت الياس من كل المعاني *** اقطع الفرجه وانا نفسـي قويـّه
كرّبو كوري على بنت العماني *** والديار اللي نبيهـا فـي يديـّه
ماركب بأكوارهن خطو الهدانـي *** لو ارد الشور له ضيـم عليـّه
ماعليها الا المشـوّك فالامانـي *** الخوي اللي يفرج عـن خويـّه
ولا فـزعـت الا بحـر صيرمانــي *** ما ذكرته ليـن دورنـي سميـّه

تحياتي للجميع