البر اعظم مافي الكووون..

[عذبة الصفات]

البر أعظم مآفي هذآ الكون ~

قصيده يدمع لهـآ القلب قبل العين ,,

.

قصيده أبدع فيهـآ الشآعر المبدع الحميدي الشمري وسطر فيهـآ أروع صور البر بالوآلدين
لله درك ,,

خايف عليها من الثّرى غطاها...
والا الحصى حافي..أخاف أذّاها...
أكرم عليها بالكفن يامطوّع...
بالبيت ظلّ فراشها وغطاها...
أكرم عليها بالكفن هذي امي...
وإشهد عليها بما عطت يمناها...
هذي الضّحى والليل يتحرونه...
هذي السّماء ونجومها تنعاها...
هذي السوالف مثلنا تبكيها...
والأرض تنشد عن أثر لخطاها...
هذي الكبيرة كبر هذي الدنيا...
هذي العظيمه جلّ من سواها...
أبكي عليها مو نهار وليله...!

ولا سنه تمشي وأعد قضاها..

أبكي عليها كثر ماشالتني...
وكثر الحنين اللي إختلط بغناها...
وكثر الأسامي..وكثر من سمّوها...
وكثر النجوم..وكثر من يرعاها...
ابكي عليها من القهر يادنيا...
من لي انا؟ من لي عقب فرقاها ؟
من فتحت عيني.. ولا خلّتني...
شوفوا ولدها بالقبر خلاها !!
هلّ التراب بوجهها.. ماقصّر...
شفتوا ولدها كيف هو جازاها ؟
لو إنها مكاني ماسوّتها...
لكن أعزّ عيالها سواها...
يالدود شفها ذابله .. جنّبها...
أنا ولدها .. وحاضر .. وأفداها...
قطّعني هاك اللي تبي من جسمي...
بس الكريمه لا تجي بحذاها...
وأوصيك أمانه قل لها تعذرني...
وتكفى تروح تحب لي ماطاها...
أبيها تغفر لي مثل ماكانت...
كل خمله مني بطيبها .. ترفاها...
يالله عساها بالنعيم الخالد...
وعساها في جنة عدن سكناها...
يافضو هذا الكون .. ياهو خالي...
ياضيق هذي الدنيا .. يا مقساها...
يامر طعم فراقها.. يامرّه...
ماني مصدق أرجع وما ألقاها؟!
وشلون أجي غرفتها ماهي فيها؟
وش عذري لسبحتها .. ومصلّاها؟
شـ أقول أنا لدولابها , لشنطتها؟
واذا سئلني مشطها , وحنّاها؟
وعباتها , ومي زمزم , ومصحفها؟
والمبخره ,ورشوشها, وإدواها؟
الكل في غرفتها متفقدها ...
حتى الجدار .. مفطّر ويرجاها...
الكل يبكيها .. ماهو ناسيها...
يالله صبّرني شلون أنساها...
ياليتها ماراحت وخلتني...
أو وسعت لي بالقبر وياها

[عبدالرحمن الفهد]

للهم تَحَنَّنْ على ضعفهم كما كانوا لضَعفنا مُتَحَنِّنين، وارحم انقطاعهم إليك كما كانوا لنا في حال انقطاعنا إليهم راحمين، وتَعَطَّف عليهم كما كانوا علينا في حال صِغَرِنا متعطّفين … اللهم احفظ لهم ذلك الودّ الذي أشْرَبْتَهُ قلوبَهُم، والحَنان الذي ملأتَ به صدورَهم، واللطف الذي شَغَلْتَ به جوارِحَهُم …

اللهم اشكر لهم ذلك الجهاد الذي كانوا فينا مجاهدين، وجازِهِم على ذلك السّعي الذي كانوا فينا ساعين والرَّعْيِ الذي كانوا لنا راعين أفضل ما جازيتَ به السّعاة المصلحين والرّعاة النّاصحين …

اللهم برّهم أضعاف ما كانوا يَبَرّونَنا، وانظر لهم بعين الرّحمة كما كانوا يَنظرون إلينا … اللهم هَبْ لهم ما ضَيَّعوا من حقّ رُبوبِيَّتِكَ بما انشغلوا به

جزاك الرحمن يا قمر الزامل

[بندر السويح]

[بارق الشمال]

جزاكِ الله خير الجزاء اختي الفاضلة

وأحسن الله إليكم

ونفعنا بما قدمتم

[عذبة الصفات]

مشكورين يا اخواني على المرور..

[خفوق إنسانة]

يعطيك العافيه ع النقل ..
بإنتظار جديدك ....