متى تنتهي هالظاهره؟؟؟

[عبدالله المعجل]

يقولي صديق عزيز جداً (الله يذكره بالخير ويطول بعمره) سالفه جداً تلامس حقيقه مجتمعنا....وعاده... اتمنى أنها تروح بأسرع وقت...

يقول...

كنت معزوم مره عند واحد... فدخل (شايب)... ما يمشي الابعصا... عمره تجاوز السبيعين..!!!!

دخل وسلم... وجلس في (طرف المجلس)....

بعدها دخل واحد عمره ما تعدى (الاربعين)... لكنه يملك (عشرات الملايين)....فز كل من بالمجلس... حتى أن احدهم (حب راسه)..!!!! وحطوه ب (راس المجلس)..!!!!

يقول صديقي حسيت بقهر كبير...وما طفى هالقهر... الا...(فزه)... واحد من الشباب...

وقال...

هالشايب (الفقيًر)... دخل ومحد عبره....وهذا ابو.. كم مليون...فزيتوا كلكم... وحطيتوه (براس المجلس)....

ما أقول الا يا حسافه المرجله عليكم...!!!!

بعدها (طلع) الشاب من مكان العزيمه...!!!

بصراحه أشوف هالشي كثير... أتمنى تنتهي هالظاهره بأسرع وقت... ويعامل الناس كلهم سواسيه وباحترام...صحيح أن الناس مقامات... لكن هذا لا يمنع أنه لابد من احترام الكبير وتقديره..... بغض النظر عن أصله او فصله أو مركزه الاجتماعي او المالي....


بانتظار تعليقاتكم.....

تحياتي.....


عبدالله السلطان المعجل

[الملثمة]

والله مثل ماقلت الناس مقامات وبعد الناس مالها إلا الظاهر تشوف أبو الملايين ويقدرونه ويحترمونه بغرض المصلحة على ما أضن, وإن ما إحترمته قالو عنك غاير وحاقد عليه وش تسوي ؟؟؟ بس مثل هالمواقف إذا أنت شفت هالشايب محد قدره ممكن بخفة نفس وأحترام لـ مقامة بالسن أنك تجلسه بمكانك وبكذا راح تكسب فيه ثواب لأنك أدخلت علىقلبة السرور ويحس أنه باقي على قدرة وهيبته..

وفعلاً تصرف الشاب ممتاز بس لو ما رفع الصوت لأجل مايحس به الشايب ويحز بخاطرة(خطي..على قولة السوريين) , وأحب أنوه إن كل جيل يختلف عن إلي قبله والناس معد مثل أول , زمان إذا دخل الأبو البيت كلهم يفزون ويسلمون عليه , لاخوف.. بس إحتراماً له , و ربو على هالطبع لكن الحين غير.. إذا دخل الأبو البيت مايحركون ساكن ولاء ..إذا ناداهم أبوهم يساعدونه في شئ يقولون له : معليش بعد المباراة تراها ع الكاس أوبعد المسلسل تراه آخر حلقة عيال آخر زمن وشلون تبي منهم يحترمون الشياب أللي مامن وراه مصلحة ولا فلوس!!!!!

أدري أني طولت بس أللي كتبته مو شرط أني أكون مؤيدة له بس هذا الواقع المرّ للأسف لكن ( على قولة المصريين لسه الدنيا بخير ) والأجواد كثيرين واللهم الصلح شبابنا فإنهم عماد أمتنا آمين..

[بن جعيثن]

صدقت الله يجزاك خير ...

على هالطرح الجيد ...

لعل لي عودة مرة أخرى هنا ...

[عبدالله المعجل]

الملثمه...

الله الله على تعليقك....

لي ساعه اقرا تعقيبك... وكل شوي ارجع واقراه....

مشكوره... الف الف شكر...على مرورك... وتعقيبك الأكثر من رائع....


خاص الملثمه....

(البنوته)... الموجوده تحت اسمك...بصراحه (هبلت) فيني....(تهبل)...(تجنن)...صوره روعه....

ودي اقفل الصفحه...

بس هــ(البنيه)... مو قادر أفارق عنها.... تسلمين....على وضعها....

الله يحفظها ويحرسها... ويارب نشوفها عروس.....



تحياتي.....

[عبدالله المعجل]

(العيار)...و(فاكهه المنتدى).....

بن جعيثن....

الاسم الرائع....والعضو الجميل...

(لعل).... غير مسموحه...خاصه اذا صارت من عضو بحجم....بن جعيثن...

(يلزمك)...العوده.... وتفجير صاروخ من تعليقاتك (الساخره).....

جزاك الله الف خير على المرور.....


تحياتي.....

[جورية]

اظن اخوي عبد الله انها مهيب ظاهره لكنها مرتبطة بالادب والذوق

فمن باب الادب ان يحترم الكبير وييوقر ويقام له بالسلام والتحية احتراما لسنه

وصاحب المال يقام له كما يقام لأي شخص في المجلس من باب الذوق والاحترام وليس من باب تقدير الرجال لاجل المال

ودمت بكل الخير

[عبدالله المعجل]

جوريه...

شاكر مرورك... وتعقيبك...

اؤيدك بكلامك... ولكن كونك من مجتمع حواء... قد لا تشعرين أو ترين ما يحدث في بعض (مناسبات الرجال)....


مره أخرى شكراً لتعقيبك... وأؤيدك فيما ذكرتيه...لابد من الالتزام بالادب...في التعامل مع كبير السن....



تحياتي.....

[خطاب]

معك حق أخوي وصارت الدنيا مصالح ولو يخسر راعي هالملايين صار ماله قدر
ولوطاح الشايب في كنز عرفوا قدره وكان قدروه في كل مكان

على العموم ضاق صدري مثلك مثل خويك لكن الشكوى الله

ومشكور على هالموضوع المميز

[مثل النخيل خلقت]

اخوي الغالي عبد الله المعجل ..

سلمت يداك على هالطرح المبدع ..


وبالفعل هالظاهرة منتشرة وفي كثير من مجتمعاتنا ..
وهذه هي سلطة المال ..


لكن ولله الحمد الخير موجود ولازال كبير السن يتمتع بقدر كبير من الاحترام والتقدير ..
ومن ذلك من موقف خويك الرجولي ..

تحياتي لك اخوي عبد الله ..
وتحياتي للشهم خويك ..
وما يخاوي الشهم الا الشهم ..

[ابو عبد العزيز]

اخي عبد الله المعجل صراحة اخالفك الراي في هذا الموضوع ومازالت الدنيا فيها خير وما زال الصغير يحترم الكبير والكبير يعطف على الصغير ولكن هناك اشياء لازم تصير والرجال مقامات فيمكن راعي الملايين ما حد يجيب خبره اذا كانت ملايينه ما تنفع احد اما اذا كان صاحب الملايين فيه خير لبلاده فالكل سوف يحترمه وانا اعرف اصحاب ملايين تبرعوا بعماير للجمعيات الخيره وافادوا البلاد بعدين ياخي عبد الله الرجل هو اللذي بفرض شخصيته على المجتمع حتى لو لم يملك الملايين ولكنه يملك العقل الراجح وعنده بصيرة نافذه فهذا يفرض وجوده في المجتمع لان فيه فائدة للمجتمع وفي الختام لك مني احلا تحية وسلام

[عبدالله المعجل]

خطاب...

الف شكر على مرورك وتعقيبك...

تحياتي.....

[عبدالله المعجل]

مثل النخيل خلقت...

وتسلم... تسلم يمينك على كتابه هذا التعقيب....

تحياتي لك..يا الشهم..يا ابن الرجال....

[عبدالله المعجل]

ابو عبدالعزيز...

شاكر مرورك.... ورأيك له احترامه وتقديره....

خذ هذي السالفه......

بين فتره وأخرى....

يزورنا شباب ينتسبون الى جماعه "الاحباب"...(أصلها جماعه التلبيغ)......جزاهم الله خير.... دائماً يجون يسلمون على الوالد...يقولنا واحد منهم....هذي السالفه....

كانوا طالعين من المسجد... ومروا من عند بيت بابه مفتوح....وجالس عنده رجال كبير بالسن... سلمنا عليه... ولزم عليهم الا يدخلون...يقول بعد ما دخلنا...قام "هالرجل" يتكلم... وقال أنا كنت عميد وكان مجلسي...ما يفضى.... بعد التقاعد... كل الي يزورني... ما شفت منهم أحد..!!!!!

اذاً أخوي ابو عبدالعزيز... المسأله أصبحت تحكمها...منصب وجاه... ومال....!!!!!

شاكر مرورك... وتعليقك الرائع...


تحياتي...

[المدير]

وينشأ ناشئ الفتيان فينا على ماكان عوده ابوه

[عبدالله المعجل]

المشاركة الأصلية كتبت بواسطة المدير   وينشأ ناشئ الفتيان فينا على ماكان عوده ابوه

المدير....

تسلم ثم تسلم..."هم" بعد تسلم....

أختصرت كلام كثير بهالكلام الأكثر من رائع... يا العضو الرائع.....

"أحسنت"


تحياتي....