¨° بيت الشوارد °¨ خاص بكل ما هو منقول شعراً كان أو نثراً .. |
الإهداءات |
|
أدوات الموضوع | انواع عرض الموضوع |
13-10-2009, 01:07 AM | #1 | ||||||||
عضو جديد
|
قصيدة ياحافرين القبر ((كاملهـ))
السلام عليكم ورحمة اللهـ وبركاته |
||||||||
من قدموا شكرهم لـ شرواكـ : |
13-10-2009, 11:27 AM | #2 | ||||||||
شــاعر
|
رد: قصيدة ياحافرين القبر ((كاملهـ))
ما قصرت |
||||||||
13-10-2009, 12:01 PM | #3 | |||||||||
مراقبة سابقة
|
رد: قصيدة ياحافرين القبر ((كاملهـ))
قصيده رائعه جدا |
|||||||||
14-10-2009, 03:48 PM | #4 | |||||||||
عضو
|
رد: قصيدة ياحافرين القبر ((كاملهـ))
السلام عليكم ورحمة الله وبركاته ،،
عديت في مرقب بيـن الشفـا العالـي=مرقاب غـي يـذل الطيـر مـن دونـه تلقى لحرش المواطـي فيـه مدهالـي=عنهـا القنانيـص يلتاجـن بركـونـه حب الحبيب صبـغ مـا عـاد ينجالـي=لو كل يوم بصافـي المـاء يغسلونـه غض النهد وان وطا فـي وادي سالـي=ينبت نفـل والزبيـدي منـه يجنونـه له مشيـة مـا مشاهـا اول ولا تالـي=واللـي خلافـه وقـدامـه يراعـونـه -------------- ثم بالبيت التالي زي ما يكون رثاء لرجل ميت ،، لأنه عادة الرجل هو صاحب القصر والمجلس العالي ،، والرجل هو اللي تبكي عليه دلاله والفناجيل ويبكي عليه مجلسه العامر بكرمه وضيوفه ،، كناية على أنه كريم في حياته ،، فمدري وش علاقة البنت بهذا الرجل ،، وليه ذكره بالأبيات ،،
يبكي عليه القصـر والمجلـس العالـي=حتـى الفناجيـل ودلالـه ينوحـونـه
-------------- ثم في الأبيات التالية ،، يخاطب حافرين قبر يخلوا القبر منزاله ،، لأنه بوده يختبر مشاعر البنت ،، فطلب منهم أنهم ما يغطوا رأسه ،، لأجل يشوف من راح يجي يبكي علي لما يموت ،، كود حبيبته تجي ويشوفها تترحم عليه عند قبره ،،
يـا حافريـن القبـر خلـوه منـزالـي=واللـي علـى قـد راسـي لا تغطونـه خلوني اشوف من سير ومن جـا لـي=واشوف غض النهد يمشي على هونـه ---------------- ثم في البيت التالي،، معناه مرتبط مع البيت الأول اللي ذكر فيه ،، يبكي عليه القصر والمجلس العالي ،، ولو كان المقصود هو البنت وأنها ميته،، فكيف يطلب من حافري القبر أنهم ما يغطوا رأسه لأجل يشوفها إذا جت تبكي على قبره ،،
وسمعت عقب العصير صيـاح رجالـي=واثـره حـراج علـى قشـه يبيعونـه
-------------- وفي الأبيات التالية ،، معانيها مرتبطة مع معاني البيتين اللي بدايتها ياحافرين القبر ،،
لبس الحبيـب ثويـب بريسـم غالـي=لا لبسـه التـرف دق القـاع بردونـه والله ماهمـنـي ولا ســرق حـالـي=ياكود ظبـي علـى الرامـي يحدونـه عساه الى من رمي يخطي بـه الوالـي=عسى القنانيـص غيـري مايصيدونـه وان كان غض النهد ( ياعيون ) ماجالي =فتـراي ميـت وقـبـري بتحفـرونـه ياعيون ماترحم اللـي صابـه هبالـي=على غرير طويت اليـاس مـن دونـه ----------------------- فالبيتين هذه لو تشيلها من القصيده ،، راح تلاحظ أن معاني القصيدة متسقة مع بعضها وجيدة وتحكي عن بنت عايشه وماماتت ،، والبيتين هي :
يبكي عليه القصـر والمجلـس العالـي=حتـى الفناجيـل ودلالـه ينوحـونـه وسمعت عقب العصير صيـاح رجالـي=واثـره حـراج علـى قشـه يبيعونـه ----------------------- وشوف القصيده لو اعدت ترتيبها ،، وحذفت البيتين السابقة منها ،، أعتقد انه راح يتناسق المعنى ،، كقصيدة غزلية وعذبة للغاية ،،
عديت في مرقب بيـن الشفـا العالـي=مرقاب غـي يـذل الطيـر مـن دونـه تلقى لحرش المواطـي فيـه مدهالـي=عنهـا القنانيـص يلتاجـن بركـونـه والله ماهمـنـي ولا ســرق حـالـي=ياكود ظبـي علـى الرامـي يحدونـه عساه الى من رمي يخطي بـه الوالـي=عسى القنانيـص غيـري مايصيدونـه يا عيون ماترحم اللـي صابـه هبالـي=على غرير طويت اليـاس مـن دونـه حب الحبيب صبـغ مـا عـاد ينجالـي=لو كل يوم بصافـي المـاء يغسلونـه له مشيـة مـا مشاهـا اول ولا تالـي=واللـي خلافـه وقـدامـه يراعـونـه لبس الحبيـب ثويـب بريسـم غالـي=لا لبسـه التـرف دق القـاع بردونـه يـا حافريـن القبـر خلـوه منـزالـي=واللـي علـى قـد راسـي لا تغطونـه خلوني اشوف من سير ومن جـالـي=واشوف غض النهد يمشي على هونـه غض النهد وان وطا فـي وادي سالـي=ينبت نفـل والزبيـدي منـه يجنونـه وان كان غض النهد ( ياعيون ) ماجالي =فتـراي ميـت وقـبـري بتحفـرونـه ------------------- الله يعطيك العافيه أخوي شرواك ،، لأختيارك الرائع ،، وصح لسانك ،، وصح لسان الشاعر عبدالعزيز الهذيلي ،، دمت بخير ،، |
|||||||||
17-11-2009, 04:38 PM | #5 | |||||||||
مشرف سابق
|
رد: قصيدة ياحافرين القبر ((كاملهـ))
راائعة كروعتكًُ |
|||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|