قصائد في قـــــبــــائــــل بــــنــــي تـــــــمــــــيــــــم

[تــمــيــم]

[rainbow][rainbow]بني تميم من كبرى قبائل العرب وقد قيل لو أبطاء الإسلام قليلاً لأكلت بنو تميم الناس لقوتهم وشدتهم وبأسهم وكثرتهم الغالبه ووعظمهم الصلب الذي لم يدخل في اي حلف و تنتسب إلى جدها تميم، وهو تميم بن مر بن أد بن عمرو بن الياس بن مضر بن نزار بن معد بن عدنان من ذريه خليل الله من بني إسماعيل بن ابراهيم ، وتميم جد القبيلة هذا في زمن الاسكندر وانه يلي شرطته وقيل انه في الفتره بين سليمان وعيسى ابن مريم وذكر انه ادرك عيسى وهو وزيره .
لبني تميم فضائل في السنة النبويه وهي اشرفها و في التاريخ والادب والعلوم الشرعيه وعلوم الفلك و الملاحه و غيرها فهي مادة ثريه للباحثين وقد أفردوا لها العديد من الكتب وشملتها العديد من الدراسات .

واليكم بعض القصائد التي قيلت في هذه القبائل :





من حبّ قومـه مانسبّـه ولايـلام
حب الجماعه يالربـع بالصميمـي
عربان نجدٍ كلهـا لآخـر الشـام
كلٍ يبي النوماس باصـلٍ قديمـي
وانااتغنى في عظيمـات الاعـوام
بامجاد قومـي والكـلام السليمـي
ربعي تميمٍ من قبل عـز الاسـلام
اسمٍ به التاريـخ ذكـره عظيمـي
بعدالرسول الهاشمي ودرب الاحكام
افعـالِ ربعـي كنهاصـبّ ِديمـي
تميمِ ربعـي نسلهـم كلـه اعـلام
يبصركلامـي كـل قـرمٍ فهيمـي
لاضاقِ صدرك من صواديف الايام
ازبن على اللي تالي اسمه تميمـي
ازبن عليهم يالسنافـي ولاتضـام
عقبه تعوّذ مـن بليـس الرجيمـي
ابياتِ جتني وقمت اسجل بالاقـلام
ولاهي بحـقٍ للجماعـه عميمـي



حنـا التمايـم عـز للـي نخانـا
وحنا التمايم صوتنا فوق الأصوات
وحنا التمايـم مـن توجـه يبانـا
نحميه والله لـو تقفـاه ألوفـات
أخوان هدلا يـوم ننطـح عدانـا
خيالـة العليـا نهـار المثـارات
المرجله والعـز هـي ورث أبانـا
ما نتركه لو صار بالوقت ميـلات
هيهـات والله مايـذل قصـرانـا
ونفوسنا ما تقبـل الـذل هيهـات
أهل الكرم والطيـب للـي لفانـا
نظهر على كل البيـوت المنيفـات
يسعود قم قلـط كباشـن سمانـا
لضيوفنا واللي لفو مـن تميمـات
وعرف بنفسـك ياقـوي الجنانـا
وحيي ضيوفك بالهلا والصـلاوات
يسعـود قلـط دلتـك والبنـانـا
وقلط قدوعن تمرها بـه حـلاوات
حنا نتفاخر فـي نجـوم بسمانـا
أولهم القعقاع لو صـال صـولات
وثانيهم شيوخـن قرومـن متانـا
اللي لهم بديار نجـد(ن) علامـات
من أطراف حايل ليقفار(ن) حمانـا
للحوطة اللي ماسكنهـا هليبـات
أصايلـن فريـس مامـن جبانـا
أفعالهم يشهد لها ملـك الأمـوات
وثالثهم العفنـان يـوم الأكوانـا
اللي لهم تاريخ وبالحرب جـولات
وأن جيت لأبن صقيه حول معانـا
وأسأله عن كل العلوم الطريفـات
وأسأله عن ربعي عسى ما نسانا
في ديرة السبعان حـل الصعيبـات
ودار الخرافي شوقنا مـع هوانـا
والنعـم والله شيخنـا بالمهمـات
وأختم كلامي في طويـل العنانـا
الشيخ شيـال الحمـول الثقيـلات
هو ريفنا هو ثوبنـا هـو غطانـا
الشيخ أبو مشعل كثير الجمـالات
وتميم ذيب الخيـل حامـل لوانـا
هو ذخرنا لو جت من الضد عيلات
والعذر لله مـن جميـع أخويانـا
اللي غبناهـم بتسطيـر الأبيـات
والكـل منهـم مايبـلـه بيـانـا
والكـل منهـم مايبلـه شهـادات
والحمـد للـي للفرايـض هدانـا
اللي خلق أرضن وسبع السماوات
وصلاة ربي عـد نجمـن علانـا
على الرسول وعد خيل(ن) أصيلات[/rainbow][/rainbow]

[مآهر]

ولله ونعم في معدلين المايل كسابين الطايل ..



ونعم ولله في كل القبايل ..


لاهنت أخوي ..

[مداءات]

ونعمٍ بتميم.. (أشد الأمة على الدجال)

ولايهونون جميع القبائل..

شكراً لك أخوي..

[شيخة البنات]

المشاركة الأصلية كتبت بواسطة   حنـا التمايـم عـز للـي نخانـا وحنا التمايم صوتنا فوق الأصوات وحنا التمايـم مـن توجـه يبانـا نحميه والله لـو تقفـاه ألوفـات

صح الله لسانك
ولسان قايلها وبيض الله وجهك
اخوي تميم على
هالقصايد الرائعه
وطبعا لا قصور على باقي القبايل ..
تسلم ياولد العم لاهنت ..

[سبع العوارض]

ونعم بالتمايمه والقبايل كلها

[سبع العوارض]

لا اله الا الله محمد رسول الله

[بنت عشيرة]

ونعم والله بالتمايم
صح لسان من قالها

عوافي اخوي