|
|||||||
| ¨° بيت الشوارد °¨ خاص بكل ما هو منقول شعراً كان أو نثراً .. |
 الإهداءات |
 |
|
|
أدوات الموضوع | انواع عرض الموضوع |
|
|||||||
| ¨° بيت الشوارد °¨ خاص بكل ما هو منقول شعراً كان أو نثراً .. |
|
الإهداءات |
|
|
|
أدوات الموضوع | انواع عرض الموضوع |
15-07-2009, 11:26 PM
|
#1 | |||||||||
|
عضو
|
قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
مساء الخير ،،
تعزّيت أهوم الصبر والصبر ما أطيقه=عيوني من الفرقا شِقاها يْلاحقْْها ألا يا عيوني من طِوى الهم والضيقه=إلى أقبل سواد الليل هلّت غوَارقها أنا إنْتَلّ قلبي وانْصَرم من معاليقه=جِزَع وانْمزع والروح شبّت حرايقها ألا يا وجودي وَجْد من قِلْ توفيقه=غدا لـه ذِهيبٍ جرّته ما يْعتّقها على جادلٍ كِنْ الكواكب عشا ريقه=تهاوى القمر والشمس من فوق عاتقها عليه أشقر منْقوض تسبح دوَاليقه=على نهْدها المركوز والنهد خانقها ألا وَاهني من صام وافْطر على ريقه=شَهَر من زمانه عندها ما يْفارقها عسى مزنةٍ من عَصْر تكشف بواريقه=عليها يْحوّل الطير من قوْ بارقها تحدّّر على نِفْدٍ هَوَايَه مشاريقه=جنوب الشعيب وشرقها الجال فارقها تجي غبّها الريضان تضحك زماليقه=حَمَارْ وبَيَاضْ زاهيه جَلْ خالقها مداهيل عنقا يشكي الضيم عشيقه=يسومل وروحه عاصف الحب طارقها *******
خاسر اللي يعد الحب له راس مالـي=والله اني بعد جربت وضعـه ماريـده والله اني ما اعدك ياابعد الناس غالـي=بعد ما شفت من جوره وهمـه وكيـده وعساي ان هويت بعمري اللي بقى لي=يفقدن من دحيم ويفقدن مـن فريـده بعد جربـت واجـد قلـت ياهملالـي=من تورط ببنك الحـب يفقـد رصيـده من جحيم الموده يكفي اللي جرى لـي=انشد اللي يجاذب عبرته فـي وريـده درستنـا الليـال وعلمونـا الرجالـي=والغرام المزيـف يقطـع الله حصيـده واحسايف سهر عيني بسـود الليالـي=ساهر اشرب الدله واسـوي قصيـده كم تعنيـت لاجلـك جمّـل الله حالـي=لاجل عينيك عاني مـن بـلاد بعيـده كان قلبك من اللي ينعش الروح خالي=بعت حبك برخـص ولا حيـاة زهيـده مير خلـك بفالـك واتركينـي بفالـي=عن غرامك طويت اليوم صفحه جديده *******
الا ياليل ياليل الشتاء ماطولك يامبطاك=على اللي عيونه ما تبا النوم من تالـي متى تنجلي ياليل والصبح فيـه افـلاك=ابرمي السبب وارجي السعاده من الوالي تغليت ياغالي وسيـرة غـلاك اغـلاك=على ما مضى تستاهل اغليك ياغالـي انا اغليك ياللي سيرة الحب ما تخفـاك=تعرف الهوى واتميّـز المـرّ والحالـي انا اغليك ياللي مـا تعشقـت ذاك وذاك=ولا صار لك بين العـرب رد وإبدالـي انا اغليك ياللي كل ماهب لـي طريـاك=لو انك بعيد الـدار دايـم علـى بالـي اجاهد هوى نفسي على رغبتك ومنـاك=ولا اطيع بك واشـي ولا هـرج عذالـي عسى ربما يا من صنعك الولي وانشاك=تميز على شقح البني باربـع اشكالـي تميز بعيـن وعنـق ومبيسـم فتـاك=وعود يميل مع الهوى حيث مـا مالـي حبيب لبيب لعن ابـو خاطـر ينسـاك=لو انك تغلـى والغلـى سامـر حالـي حرام الهوى ماتبع طريق الهوى لولاك=ولا الفت نظر عيني على كـل الازوالـي دخيلك ابجاه اللي على رغبتـه سـواك=لما ادعاك مثل سهيل بالماكـر العالـي على قيس ما كلفتني تشملـن حسنـاك=وانا سامـح يازيـن باللـي تورالـي *******
سقى الله من الضاحي لما وادي العمران=حقوق دفوق من العشا ضافـي فوقـه الى زل سبع من الدجى ساقه الرحمـن=رعـوده تحلتـم والمشاعيـل ببروقـه على مقطر الساقي مع القصر والريضان=ثلاثين يوم الغـرس والنقـع بعروقـه مداهيل عمهوجه شعتني وانـا مشتـان=وبيّح خفاي بحسـن خلقـه ومنطوقـه الى شافني هلا وحلـف ثـلاث ايمـان=بلهجة مـوده كـان الايمـان ماثوقـه اخاف اندفع واصبح ببحر الهوى غرقان=كما ان الهوى راعيه مايامـن البوقـه اشوف العنب والخوخ والتين والرمـان=والى جيت ابا العنقـود ردون لا اذوقـه لك الله ولولا الله واداري مـن العـدوان=فلا اخذ ثلاث ايام عن قطـف زملوقـه غرامي بشقر من ندى المسك والريحان=تجلجل على بيض وعقد علـى طوقـه اسولف مع الجهال واضحك وانا وجعان=سبب شمعتي من شمعة البيض محروقه حلى ما تشوف من البني عودها مليـان=حلايا عنود باشهـب الملـح مصفوقـه ثمان على المبسم بها الدر والمرجـان=كما دانة مـن بحـر تسعيـن مفلوقـه حرام ان خطفت الروح ياقايـد الغـزلان=وقلبي من اول يـوم جذيـت معلوقـه ترى ذبحة المسلم بـلا ذنـب يافتـان=لها حوبة ماهي عن الخصـم مفهوقـه *******
الا واهني اللي من الحب مـا يهتـم=يطيب الزمان او يختلف شين ماهمـه معافى زمانه لا يهوجـس ولا ينـدم=يقضي ليال شباط والقيظ عنـد امـه وانا اللي عيوني تزعج الدمع دمعه دم=واخفي جروح الروح والروح منسمه سبب جاهل لاهوب يصخف ولايرحـم=لو اني من اقصى الناس والا ولد عمه حربني وانا ما نيب طاغي ولا مجـرم=انا بالبخت يا هافي الوسـط والذمـه الى صار دينك جايزٍ ذبحـة المسلـم=فالى حل ذبحي خل ذبحي على يمـه الا يا مربي قذلـة تقـل ذيـل ادهـم=من العنبر الغالي على بعد له شمـه ابي شربة تبرد غليلي مـن المبسـم=اذا كان تسمح لي على مطلبي تمـه صويب المحبه لو نجح دور ما يسلـم=يسومل على همه وهو ناشف دمـه ياليت الثريا ماعترض دونها المـرزم=لما الكبد يطفي حرها بـارد الجمـه حرام الهوى غيرك من الناس ما يلزم=الى صار غيري ما تلد النظـر يمـه ********
على شارع الحله وانـا اراقـب الفلـه=عرض لي عساه الخير من ياسم العرقات على كبدي اللي تجحـد الغيـظ والعلـه=كواني وخلانـي عليـه اجـذب الونـات تقبل مغيب الشمس يمشي علـى ظلـه=ضحى والضحيه منه انا طحت بالمثنـات حدث بي عقب مااقفيـت يافاتنـي خلـه=الا واعذابـي منـك ياشمعـة الزينـات انا اللي عيوني تزعـج الدمـع وتهلـه=جرح خدها اللي حدها تزعـج العبـرات غزالٍ تغطـرس بالحـلا والغـلا كلـه=يسوق المنايا سـوق ويتابـع الغـارات تجزّل بها اللـي بالحـلا محسـنٍ دلـه=عذاب العيون عيونه اللي كما الساعـات الى اقبل يدانـي خطـوة الرجـل ويتلـه=اقول الحياة اللـي بقـت مالهـا لـذات اقولـه وانـا يا غافـر الذنـب والزلـه=ليال الشتا قزّرتهـا هاجـسٍ واسكـات احسب نجوم الليل واسهر علـى الدلـه=فريد وحيد شاب راسي مـن اللوعـات الا يا هني من ناعـم العـود مصـخٍ لـه=ارفّه على نفسٍ طنت من زمـان فـات ورى ما تعاملني علـى الديـن والملـه=حرام عليك ان مت مقهور مع من مـات *******
وجودي وجود اللي جذب ونته واشتـان=بعدما وقع وافلت مـن ايدينـه الطـاره قلب موتره بالقيظ في حومـة النقيـان=صميله وهو ظامي على الباب مطـاره فزع للهمل بالقايلـه والقـدم حفيـان=تعب وانقلب يبكي على شـوف سيـاره عرض له حلال القوم طفق من القعدان=جفل ساع شافه يوم حظه طفـت نـاره يبي نقذة للعـود والعجـز والورعـان=يديـر الروابـع والهواجيـس محتـاره قعد بالخـلا لا مـن صميـل ولا حذيـان=صفق بيده اليمنى من الوجـد بيسـاره ضرب ركعتين وسلم امره الى الرحمـن=كفـى يامكافـي والمقاديـر جـبـاره بعد مانصرم نصف الشهر جابوا الرعيان=خبر ميـت بيـن الطعاميـس والقـاره لقوا جثته ثم اشعروا بالخبـر سلمـان=وقال ابعثوا يكشف على النفـد طيـاره انا صابني مثله مـن الهاتـك الفتـان=طلبته بصلح وشنها امس الضحى غاره انا وش حياتي كان ابصبر على ماجـان=معك حق تلعب لعبـة الفـرد بالشـاره زماني وانا اراعيك عن جملة الخـلان=وافوضك تاخذ جوهر القلـب واسـراره عسى ربما ترحم وتعطف على الوجعان=على راحتك تسمح من الـورد نـواره اطفي فـؤاد تشتعـل جوفـه النيـران=ولـو حبـة بيـن العشاريـق وزراره احللك وادعي لك من الخالـق الغفـران=الى انقذت روحي من شقى الحب واكداره *******
الا يا زول زولك زلـزل العقـل الرزيـن وزال=دخيلك يامليح الـزول لاتستعمـل الـزودي ابشرح لك سراير حالتي واشكي عليك الحال=وانا يوم اشتكي عيني بلاها عيونك السـودي اجاحد من ثمان سنين وارجي كل راس هلال=عسى برضاك تجبر خاطر بالحـب ملهـودي صبرت وطال صبري والموده تذبـح الرجـال=ولاحصلت مع زود العنا شفـي ومقصـودي طلبتك بالرضا والا الزعل ماله معك مدخـال=علي الباب باب المنفعه مقفـل ومسـدودي انا لو قلت ابسلى عن مجالك مانسمح لي بال=تحاسدني هواجيس العنـا ياناعـم العـودي الى صديت عنها بالخلا جاني رهق وجفـال=والى قابلتها جذت من اقصى القلب عرجودي عسـى رب بلانـي فيـك يافتـان ياحيـال=يلينك مثـل مـالان الحديـد بكـف داوودي *******
الا يا قلبي ياللي كل ماجا الليـل جـاه خـلاج=يلوج ويلتوي بالجاش مـن شـي تورجلـه اعاني من عنا جرح خفق بين الضلـوع ولاج=عرضته للطبيب اللي مدحتـوا مـا تخرجلـه دريت ان الهوى يرث جروح مالهـن عـلاج=الى زاد الغلا واللـي تـوده قاصـر رجلـه يخاف من العيون الشامته واكذوبـة الهـراج=الا جا الصبح هراج القفى يكثـر بنـا دجلـه انا بصبر عسى بالصبر لو طال الفراق افراج=على شانك وغيرك ماسهرت الليل من اجلـه على شانك ومن شانك حياتي بالحياة احـراج=عسى قلب شبكته بالهوى ربـي يفـرج لـه تكايدني بخد مـادرج مـن فوقـه المكيـاج=طبيعي الجمال اللي غشى الوجنه هدب نجلـه عليه ثلاث نجوم وزودوه من الحـلا بالتـاج=زعيم الحسن له حق الجمال اللي يتـوج لـه الا يا مجيب دعوة من دعـاك بليلـة المعـراج=دعاك بجاهك التخفيف تقبـل طلبـة عجلـه تعاوني على خـل تركنـي للشقـا مسهـاج=ثمان سنين من عمري وانا مرهون في سجله اعوم بغبة اوهامـه لمـا ساقتنـي الامـواج=على شط الفرات ايـام وايـام علـى دجلـه *******
الا يا ونـةٍ ونيتهـا مـن خاطـرٍ مفجـوع=تهضّم بالبكا والعين دمعه فـوق الاوجانـي على اللي لاجزاه الله تعرض لي بلا منفـوع=يبين اسهر وانا قبله من اللوعات سهرانـي الا ياهل الهوى من حين طرّاد الهوى ملقوع=يحصد البين مع طول المدى والقلب وجعاني انا والله ما سيّرت قصدي ياعميلـي طـوع=ولكن مقصدي بمشاهدك ياخرس الاعيانـي علامك يا ثمر قلبي تلوعن بالهوى لي لوع=تعرض لي خطى ويلك من الله يوم تدهانـي زريف الطول مسلوب العواتق عودها مربوع=الا ما أهبلك ياللي عن هوى المجمول تنهاني انا وياك يا بدر الدجا عنـا القلـم مرفـوع=ولكن لا تغلـى تجرحـن والقلـب تعبانـي سقى الله من سقاني من ثمان مزها قرطوع=برد عن خاطري واطفى لهيب الكبد واحياني صلاة الله عدد ماهل وبـل بارقـه لامـوع=على المختار ماغرد حمام فوق الاغصانـي *******
على مايشوق لخاطري ينطـق لسانـي=يعبر لسانـي لكـن الوقـت ضاهدنـي عشقت الهوى واشقان يوم الله اشقاني=احسبه على حمـل المـوده يساعدنـي رماني هوى قلبـي وسمّـن وعنّانـي=وانا دون هذا كهـرب الحـب صايدنـي مع الصاحب اللي في ضحى العيد وافاني=يقـود الزعامـه كـن وده يعانـدنـي رميت السلام وفاتني تقل مـا اوحانـي=وهو يسمعن لاشـك قصـده يكايدنـي الا يا بعـد حالـي وحـيـي وحيّـانـي=بـلاش التغلـي مـد كفـك وعايدنـي ترى الكل غيـر الله رب القـدر فانـي=ولالك صـلاح فـي حياتـي تزهدنـي الى جيت حادين الوحم حرق عطشانـي=علـى مبسـم غـر ثنايـاه وردنــي طرف ساعة شانك يوافق على شانـي=اشاهدك وانتـه ياعيونـي تشاهدنـي تطفـي لهيـب شـب بالقلـب نيرانـي=ترى الكبـد حرقـه والمنيـه تهددنـي الا يا زريـف الطـول يانجـل الاعيانـي=على حبك اللـي غامـرن لاتحاسدنـي من العام قلبي مـن تغليـك وجعانـي=وزود الغلا ما هـوب يبعـد ولا يدنـي حرام ان سلبت الروح وايتمت بزرانـي=عساها بحظك كـان صممـت تبعدنـي نقضت العهود وبعـت وديّ بخسرانـي=وغيرك من الخلان ما هـوب فايدنـي تذكرّ زمـانٍ فـات ممـداك تنسانـي=ليال الصداقـه واجـب إنـك تعاهدنـي *******
الا يا عيني اللي مـا تلـد بكـل الازوالـي=ولا تشبح وتفرح لين ترمق زول مضنونه الا يا لوعتي يافجعتي يـا كبـر غربالـي=على غرو الى سلهم ذحاح الموت بعيونـه ذبحني بالهوى حبه وسم الجسم من حالي=قضى لي لاجزاه الله وزاد الجاش بطعونـه اثر كل العذارى ما بهن من يرحم الحالـي=الى شافن المولع بالهوى ماهمب ياوونـه الا يا عاذلي لو قلت لي خلـن علـى فالـي=انا والنفس عند مخضب الكفيـن مرهونـه على ماراد يلعب بي وتل القلب ما اوالـي=كما تل الرشا طفقٍ على المسنـا يحدونـه انا بالشمس وانته يا وليف الروح بظلالـي=خطا ما خفت من سبح له الرعاد بمزونـه الا يا عين خرسا ماكره في نايـف الجالـي=انا وياك صرنا بالمثـل ليلـى ومجنونـه عليك العي كما تلعي طيور الليـل عزالـي=تفجّع بالبكا قلبي عليـه وبـاح مكنونـه انا يا كيف ابصبر والغضي يطري على بالي=الا يا ويل من نفسه بعنق الريـم مقرونـه انا عمّا مضى داله ولا ابكي فرقة الغالـي=ولكن يا عذابي حالوا اهل الترف من دونـه عسى من سبب الفرقا وحاس بفقدي الغالي=عليلٍ كلمـا زاد المـرض ردّوا يكوونـه ******* وهذه القصيدة سببت أشكال للبعض ،، ومن ضمنهم الشاعر رحمه الله ،، لأن القصيده بأواخر الثمنينات الهجريه قبل غناء القصيده المشهورة للأمير خالد ،، بسبب تشابه الطرق والقافيه مع قصيدة الأمير خالد الفيصل " قلبي اللي لواه من الصواديف لاوي " والتي غناها الفنان محمد عبده ،،
آه يا ونتــــي ونـــــة جديـــــد المكاوي = موجسٍ من ضلوعه يــوم كويه شكيّه ونة اللـــــي طواه من العواكيس طاوي = مع ردى الحال مـــــا له بالقبايل دنيّه المعافا مريــــــــــــــحٍ والمولـّع شقاوي = دايـــــمٍ عيـــن طـــــراد المودة شقيه من سبايب هنـــــــوفٍ غرتن بالهقاوي = وردّت قلبـــي المفجوع حوض المنيه أشهد إنك عليّه مــــن كبــــــار البلاوي = قبل عرفك مريـــــــــحٍ في حياةٍ هنيه صرت لي سمّ ساعة يا عيوني النداوي = لفتني بالمهالك مــــا اكبره من خطيه يا بــــو خـــــدٍ يشادي للهلال السماوي = أرحمن كان بك لـي يالغضي مرحميه كل ناقض جديـــــــــــلٍ يذبحن الهواوي = علقت فـــــــــي معاليق الحشا مقلميه ودي إنك لحالـــــي ياشقر الراس تاوي = دامت النفس يا شمس المشاريق حيه منقوله ،، وللقصائد بقية ،، |
|||||||||
|
|
|
16-07-2009, 01:26 PM
|
#2 | ||||||||
|
شــــاعر
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
مشرفنا الرائع .. حمد |
||||||||
|
|
|
| من قدموا شكرهم لـ راعي الروضة : |
|
16-07-2009, 04:57 PM
|
#3 | |||||||||
|
عضو
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
ياهلا أخوي عبدالعزيز ،، والله يعطيك العافيه على هذه المشاركة اللي ترد الروح ،، |
|||||||||
|
|
|
|
16-07-2009, 06:20 PM
|
#4 | |||||||||
|
عضو
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
يقول الشاعر اللي ما يصور شن وهو ما صار =يجيب اللي يفيد المستمع مـن عـدل الأمثالـي أنا باختـار والرجـال باللـي يعجبـه يختـار=ولاني منعدل ياهل المعرفة عن هـوى بالـي الا يا تـل قلبـي تـل سيـمٍ تـلّـه الحـفـار=على بيرٍ صفاها يلطمـه جـالٍ علـى جالـي إلى من المكينة صاحب الصنعة عطاهـا النـار=حداها اللـي حدانـي والهـوا للـروح قتالـي على اللي تل مجدولٍ مواقيمـه ثـلاث أشبـار=على نهدٍ زمـا فـوق التريبـة تقـل فنجالـي حداني دونها حظ الندم وسـط النهـار إجهـار=مشيت بيـوم لـومٍ ماتبـي حالـي ولا فالـي ألا يا حيلـة الله كـل مـا دار الفلـك وإنـدار=تعرّض لي نهارٍ يبعـد الغالـي عـن الغالـي رماني بدار واللي شوفته مـوت وحيـاة بـدار=احسب إن البطى يجلى الغلا عن كـل رجالـي حبيبٍ ما قصر دوني قدم رجله عـن المسيـار=يواصلني وانا محتـاج لـه سـاعٍ ومرسالـي وأنا اسري له الى نامت عيون الحسد والهـذّار=أخاف اهل الحسد يدرون باحوالـه وبحوالـي عشيرٍ ما يطاوع بي كـلام الواشـي الثرثـار=وانا ما اصخيه كان اصخي نهار البعث باعمالي نفوز بصحبةٍ من يوم حنـا بالشبـاب اصغـار=وكلٍ مـا يطيـع بصاحبـه واشـي وعذالـي والا يالله يا ستـار ستـرك وأسمـك الستـار=تلبسنا ثيـاب الستـر يـا رحمـن يـا والـي *******
آه من ونةٍ هجت علـى القلـب طاقـة =حين جريتهـا دمـع النواظـر سبقهـا بس اجاذب ونيني بيـن سجـة وفاقـة = لا تلومون سهر العيـن ممـا طرقهـا ياهلي لا تزيـدون المصيبـة إلحاقـة = كل روح تـروح بدبـرة اللـي خلقهـا ماقدر أصبر على شـيٍ تعـدى نطاقـة =إلتمس بالظفيره سلك مـاص وحرقهـا رحت يم الطبيـب وقـال مابـك لياقـة = لين سود الهشيم الصبح يبرض ورقهـا لو _كمال_ إجتهد وأجرى فحوص ادقاقة =ما لقى اللي يسم الحال حتـى سرقهـا ويش اسوي بروحي يا وجيـه الرفاقـة=وان تشكيت روحي هاجسي قـال سقهـا سقتهـا للهلاك وزاد شوقـي شفاقـة =أشهد إن المـودة مـا تسبـع رفقهـا خابر علتـي والبيـت ستـره ارواقـه = ما تشكيت ليـن الـدود حالـي لحقهـا علتي من غريـر زاد حملـي وساقـة = معه شلفا ذياب إلـى نطحنـي زرقهـا يا زعيم الحلـى والمعرفـة والرشاقـة = لا تحسدن حياة عيشتـي مـن عرقهـا خل عندك حنان وخـل عنـدك لباقـة = لا تسبب على الـروح البريـة غرقهـا لك محـبٍ يحبـك مـا تبيلـه صداقـة = ليه أنا أبني الصداقة وأنت تهدم شنقهـا *******
الا يا عيوني ما يفيد النظر والشـوف = تكافي وكفـي لاتراعيـن ياعيونـي تكافي كفاك إمكايد الجادل الغطـروف = ابو وجنةٍ فيها شرى الموت مقرونـي انا اشوف شوفك واتمنى وانامشفوف = من اللي سلب عقلي على غير قانوني غزالٍ يداني خطوته بين امان وخوف = يوطّي قدم رجله على القاع بالهونـي لحظني بعينٍ كن فيها نمش وسيـوف = وقع ما بكفي واختلف وانصفق لوني تبي ذبحتي ياريم وادي سكاكا الجوف = حسيبي عليك مصرف الخلق والكوني تعرض غريبٍ نازحٍ يم ابن رفـروف = ورا دار قاره يقنب الذيب من دونـي الا يا عذابي منك يا ضامر السرجـوف = شبكني هواك وبيـح الـود مكنونـي الا يا زريف الطول انا اطلبك بالمعروف = بعد عونة الله منك انا برجي العونـي دخيلك تلبي دعوةٍ من ثلاث احـروف = طرف ساعةٍ نفرح بها وانت ممنوني اريح ضميرٍ بالهوا مولـعٍ مكلـوف = من الله خلقنـي بالغناديـر مفتونـي *******
كل ما قلت ابسلى عن هوا كل غالي =ساقني سايق العاشق بحنوة عصاته ودي اسلى وانا ماني عن الحب سالي = لو هوا اليوم مره زايدٍ عـن حلاتـه ياهل الحب ما للحـب دور ومجالـي = ما بقـي للهوا نـاس تميـز صفاتـه من تحلم وغنى قـال ياهـملالـي = أثري الشاعر اللي ما تنتسوى سواته وغيره اللي يحسدون البنات الجمالي = يالله انك على طبعه تحسـده حياتـه الشعر ذيل خيل ولابس كعب عالـي = فاتحٍ دلعته ما تفرقـه مـن خواتـه يا حمد يا محمد دوكـم اللـي بقالـي = ويش لي بالغرام اللي نزعتوا طراتـه يوم صار الهوا سعره بسعر الريالـي = مـات والدايـم الله كفنـوه بعباتـه *******
مد يمناك سلّم خـل عنـدك مـروه = حل همٍ ٍ بقلبي زاد عنـف وضـراوه الهوا والمودة مـن زمـان النبـوه = يا غزالٍ خذا فـوق الشهـادة عـلاوه كل ماغبت عني قمت اسوهج وابـوه = وأتمنى الجهل وأيام عصـر البـداوه يوم انا ما هويت وعني الحـب تـوه = داله البال سالي بين صـح وغبـاوه انت ياللي سلبت العقل وأغلقت جـوه = ليه ترضا علي المسخرة والقسـاوه ضمني في حنانك حق صحبه وخـوه =لا تشنه على اللي مصخر لك عـداوه لا نطحني دلع يمشي عسى العز نـوه = صابني بالقوايم برد عـزم ورخـاوه صدفه الحظ يوم انه رمانـي بضـوه =قلت ياللي جرحت الروح بالوصل داوه لا تمس العواطف عمد من باب قـوه = وانت عندك مثل ما فيك ذوق وطراوه وان بغيت القسا ما جا على البال سوه = يا حلاوه على عينـك وكلـك حـلاوه *******
آه يا عيني اللي كـل قمـرا شهـر = تسهر الليل كن بحاجر العين شـوك أتصبر ولا أدري وش يجيب الصبـر = وأدفع النفس للعزة وحسن السلـوك مقدر أصبر ولا أعطي من نشدني خبر = أبعد الحوم لا تطلع علـي الشكـوك أتوجـد علـى وردٍ بيـاض وحـمـر=إنتشله الزمان وشطره عـن تبـوك حسبي الله عليهم كـل مطلـع فجـر = احسدوني هواك وراحتي واحسـدوك يا هوا الروح ما تعمل جميلة وأجـر = الله انه بلطفك يرحـم أمـك وأبـوك ارحم اللي من أسبابك حياتـه خطـر =يوم حل الفراق وسافـروا وأبعـدوك واحسايف حياتي كان راحـت قهـر = والقدر ما رفع يوم رصيـد البنـوك ******** وهذه قصيدة الشاعر حمد رحمه الله ،, عندما وقعت له بعض المشاكل مع رئيس بلدية " تبوك " وبعض المسؤلين فيها في ذلك الحين ،، يقول فيها :
عزيلكم ياهل الكبـود المعاطيـش=تولجوكـم ناشفيـن الكـبـودي تولجوكـم لابسيـن الطرابـيـش=فطس الخشوم اللي سوات القرودي قالوا تعيش بهالبلد قلت ما عيـش=أعيش في ديرة صلايـب جـدودي دارٍ لنا ما تنكر الملـح والعيـش=له مطرحٍ بين الجبـل والنفـودي دارٍ سقتها مرزمـات المراهيـش=غرّ المزون مدندنـات الرعـودي ربعي إليا عدوا هل الخيل والجيش=دون الحمى والدار ربعي تـذودي دارٍ حكمها الفار والهيس درويـش=خله لهـم والحـق لازم يعـودي وين الشيوخ اللي بروسه نغاميش=تمضحلت مـا كنهـم بالوجـودي والله يا لولا اللي لا هاش ما هيش=سيف السعود مطهرين الحـدودي إني لابيّن لك مصير أبرق الريـش=ذاك الدخيل المستهين الحسـودي يوم أنت تامرنا وتنهى على ويش=مانت بسعودي يا لعين الجـدودي *******
بدا النقص في حالي بعد مانشغل بالـي=رمتنـي عيونـي بالغرابيـل عـزّالـي الا يا عيوني من جفـا النـوم والسهـر=هواها البكا ودموعها تهمـل اهمالـي وقلبٍ يلوعه عاصف الحـب والهـوى=لوع السموم لعشبة ٍ فـي شفـا جالـي وروحٍ مطاولهـا مرضهـا وتجـحـده=عن الناس مابا الناس يدرون عن حالي اعزي هجوسي بين ربعـي وعزوتـي=وأنا خاطري كنّه على واهـج الصالـي اسومل مع العالـم وأخفّـي مصيبتـي=وأدافع صروف الوقـت والهـم يبرالـي سبب صاحبِ سمته وابشـري معرفتـه=لو ان الثمن غالي انـا شفـي الغالـي اسومـه بعينـي وروحـي ومهجـتـي=وأزيد الثمن بالمال مع باقـي الحالـي حبيب بعـد ما سمـت وصلـه وباعنـي=تحسّف على وصلـه بـالاول وبالتالـي من العام جارحنـي ومسقينـي النكـد=والى قلت عل الكبد من ريقـك الحالـي ضحك بالثمان اللـي تلاعـج نضيدهـا=على مبسمٍ ذوب العسل بينهـن سالـي يقربنـي و يبعدنـي ولا يقطـع الرجـا=واذا جيت ابشرب صك في دلوي الجالي انا وش حياتي يا حياتـي علـى الـوزى=تشوف المرض وبحالة العزر ترضالـي حياتـي وانـا مقهـور يا حالـة النـدم=عسى الموت ياخذني ترى الموت اشوالي الا يا هلي وان كـان حارجنـي القـدر=عزاكم على الله ثم عـزّوا بـي عيالـي انا المبتلي في حـب ملهوفـة الحشـا=عسى الله على بلواي ما يحبط اعمالـي الا واهني ياللي مـن الحـب ماشكـى=يبـات الليالـي كلهـا خاطـره سالـي ولا همّه اللـي سـرّ قلبـي وضرنـي=يورين ليـن ومقصـدي مـا تهيالـي الـي جيـت يمّـه هدنـي ثـم ردّنـي=وأعوّد وانا مقهـور شكـواي للوالـي أنا اللي عيونـي كـل ما يظلـم الدجـا=أحسّب نجوم الليل مـن ضيقـه البالـي اسهـر الـي نـام المعافـا وعلّـتـي=لجت في حنايا القلـب والحـب قتّالـي اجـاذب ونينـي لا تخاليـت بالـخـلا=وأطوّح ثلاث اصوات في صوتي العالـي انا اللي قضا لي نابـي الـردف والنحـر=ولا فادلي حتى ولو ارخصت لـه مالـي الا يا بعد من لـي حبيـب مـن المـلا=متى يا زريف الطول تعطف على حالـي تدارك حياتي يـا حياتـي مـن الـدرك=ترا الروح طيرٍ ينحبـل وانـت حبّالـي *******
ما نيب مسيّر بعد خلي على الحاره=جعل الزلازل بعد خلـي تزلزلهـا دار جفت لي حبيبٍ عفت مسيـاره=يالله بنجمٍ مـن السابـع يجزلهـا خلي غدوا به هله يا بعد مشـواره=وانا من الزين والزينات عازلهـا جوا له بعاد النحايا واقلعـوا داره=والقلب غيره حرامٍ ما يفـزّ إلهـا امني النفـس رد الحـول بزيـاره=يا من يبشر الـى زارت منازلهـا يا كودي ارتاح وانسى الهم واكداره=باللي عيوني وانا مـاش تغازلهـا كلٍ على قد فعلـه تذكـر اخبـاره=الناس بالناس والله مـا نهزلهـا *******
اسير الحب مثلي من غرام الحب ياويلـه=ثمان سنين لذّة ساعـةٍ بالعمـر فاقدهـا على اللي كل ما مريت لوّح لي بمنديلـه=اشارة حب لكن البلا موتـي علـي يدهـا عسى ربي يعين اللي قضى ليلة على حيله=نجوم الليل تال الليل من وجـده يعددهـا عليك اللوم مني يا قمر خمسة عشر ليله=وش الاسباب روحٍ في يدك باتت تهددهـا تهددني وانا مافي يـدي حـلٍ ولا حيلـه=اعيش بحالةٍ من سبتك هـذي حصايدهـا لعل الرايح اللي بالسماء تسكب هماليلـه=تهل أيام والا النفس تحدا عـن مواردهـا الا يا كبدي اللي حرّها اللاهوب عزي لـه=تريد الماء ولكن بارد الماء مـا يبردهـا تعلّق بالهوى ناسٍ هواهم بالهوى عيلـه=لو إن القاصره عيبه على راسه يساندهـا قليل اللي يعرف اللي عليه ويفهم اللي له=كثير من البشر مثل البقر تمسك قلايدهـا *******
وجودي وجود اللى جذب ونّتـه وإشتـان=بعد ما وقع وافلت يدينـه عـن الطـاره قلب موتره بالقيض في حومـة النقيـان=صميله وهو ضامي على البـاب مطـاره فزع للهمـل بالقايلـه والقـدم حفيـان=تعب و إنقلب يبكي على شـوف سيـاره عرض له حلال القوم طفق من القعـدان=جفل ساع شافه يوم حظـه طفـت نـاره يـبي نقـذةٍ للعـود والعجـز والورعـان=يديـر الروابـع والهواجيـس محـتـاره قعد بالخلا لا مـن صميـل ولا حذيـان=صفق بيده اليمنى مـن الوجـد بيسـاره سجد ركعتين وسلم امره إلـى الرحمـان=كفـى يـا مكافـي والمقاديـر جـبـاره بعد ما انصرم نصف الشهر جابوا الرعيان=خبـر ميـت بيـن الطعاميـس والقـاره لقوا جثتـه واشعـروا بالخبـر سلمـان=وقال إبعثوا يكشف علـى النفـد طيـاره انا صابنى مثلـه مـن الهاتـك الفتـان=طلبته بصلح وشنّها امس الضحى غـاره انا وش حياتى كان ابصبر على ما جـان=معك حق تلعبي لعبـة الفـرد بالشـاره زماني وانا اراعيك عن جملـة الخـلان=وافوّضك تاخذ جوهـر القلـب واسـراره عسى ربما ترحم وتعطف على الوجعـان=على راحتك تسمح مـن الـورد نـواره اطفـى فـوادٍ تشتعـل جوفـه النيـران=ولـو حّبـهٍ بيـن العشـاريـق وازراره احللك وادعي لك من الخالـق الغفـران=إلى انقذت روحي من شقا الحب واكـداره *******
دعوني بحالي يا عرب لا تعذلونـي=دعوني اكافح لوعة الكود بالهونـي دعوني اكايز لوعة الحزن والاسـى=واعرط على روس الاصابيع بسنوني دعوني كفا كم لوعة الهـم والنـدم=دعوني لو زاد الجـزع لا تلومونـي دعوني على ما بي من الويل والعنا=يـا موفقيـن الخيـر بالله خلونـي دعوني اودع شيـخ اقفـت رحايلـة=على خطة بيضا بها الخلق يمشوني دعوني اودع شيـخ لا قـى وديعـه=لو اني على فرقاه ما نيب ممنونـي دعوني اودع مـن يـذري قرابتـه=كم دوحة خضرا لها نشر وغصونـي دعوني اودع مكرم الضيف والخـوي=فريد الطبايع ما يبى الهيـن الدونـي اودعك يا شيخ مجـار مـن الخطـا=عن العيب واللى ينقد الرجل مصيوني دعوني عليه ابكي من الصبح للمسا=مع الليل حتى خيم السهـر بعيونـي دعوني اعزي عزوة غـاب عزهـم=تربوا بعزه مير انـا فيـه عزونـي دعوني اعزي به ارامـل وغيرهـم=نوادر حرار توهـم مـا يطيرونـي دعوني اعزي به شيـوخ وعجايـز=لهم غير طيب النفس واجب وقانوني والله لو ان الروح بالمـال تشتـرى=لسوق ما حوشت والرزق مضموني فلا شك هذي ساعة العمـر انتهـت=امنت بك يا سامع صوت ذا النونـي امنت باللـي ذى تصاريـف قدرتـه=رب عمر هالكون بالكاف والنونـي لك الحل يا من حل بالدار وارتحـل=عن الحي والحيان والدار والكونـي لك الحل يا اللى ما بعد عايش الردى=من الله خلق روحه لما مات مدفوني لك الحل يا اللى ما زرب في عشيرته=بدا وانتهى مافيـه قالـوا يقولونـي حكيم حليـم مـن مباديـه معتـد =لعفيف نزيه النفس ما هو مشحونـي حليم حكيـم مهـذب فـوق هقوتـه=والاجا وسيط بين خصمين يرضوني وختامها بادعيك يـا سامـع الدعـا=يا ناصر ٍ موسى على قوم فرعونـي تغفر لروح خيمـت حـدر رحمتـك=يا معتني بالكون يا خير مامونـي *******
يا مغـادر بـلادك رافقتـك السلامـه=لو فراقك على روح تـودك فجيعـه ما على العين لو طاول سهرها ملامـه=اشهد ان الفراق الصبح شوفه شنيعه ابعدوا به وصار الهم لـي والندامـه=اطحن الغيض في كبدي وكبدي وجيعه ابعدوا به وحظي منه مادرك مرامـه=لا شربنـا غديـر ولا رعينـا ربيعـه كيف ابسلى حبيب ميت فـي غرامـه=كلما جابـه الطـاري عليـه هزيعـه لا تلومون من عينه جزت عن منامـه=ما عن الزين يا اهل الزين نفس رفيعـه يا عفيـف نزيـه مايـنـزل مقـامـه=عنده المال غالي والشـرف ما يبيعـه بس حلو اللسان ومعه شبـه ابتسامـه=يطعن القلب برموشه وعينه وسيعـه يا مليكة جمال الحسن فيكـم وسامـه=وان بدا رد من بعض البني ما نطيعـه انت سيد البني حتـى تقـوم القيامـه=آخذ صك من ريس قضـاة الشريعـه وانت في مركز الزينات تاخذ علامـه=بالحلا والرشاقه والحيا بـك طبيعـه ودي ابعث جواب ولا اثق الا حمامـه=موجب ان الحمامـه سرنـا ما تذيعـه اتطمن عليك وخيـرة العمـر خامـه=موجب ان لك قصور بالضماير منيعه والله اني ماقول الياس منـك ختامـه=اترجـاك دور الـيـوم والا تبيـعـه *******
أودعك يا بدرٍ ٍ ظهـر لـه زمـان وغـاب=أودعك يوم أبعدت نـورك عـن الديـره أودعك يا بـدرٍ ٍ سـرى والهـوى ماطـاب=عليـه العيـون الدمـع جـرح معابيـره أودعك لأجل الحب مع نـورك الجـذاب=هويتـه وحبيتـه ولا شاقـنـي غـيـره وداعتك روحي يوم جابـه لـك الجـلاب=جلبهـا الغـلا والحـب هـذي تدابـيـره ترى البعد ما يمحى غلا من رماني وصاب=رمانـي بسـهـمٍ قـاتـلٍ يالله الخـيـره ضربني ودم القلب ينزف من المضـراب=وذا مكسبي زودٍ علـى الذعـر والذيـره ألا يا عيونـي والله إنـك مـن الأسبـاب=كسبتن لقلبـي جاهـلٍ ماحسـن السيـره تصبرت لين الصبـر بيـح خفـاي وذاب=عليكم مـن الله راعـوا الحـق والجيـره قضى العمر منكم ما حصلي فرح وإعجاب=ولا صاحلي غيـر التعـب منـك ياميـره أميرة جمال الحسن تخضع لـك الأرقـاب=عـذاب العيـون الهايمـه حـد أزاريـره ألا يا هلي حطـوا لقلبـي حجـا وكتـاب=إلى صار شف النفس شره طمـس خيـره ******* وللقصائد بقية ،، |
|||||||||
|
|
|
|
17-07-2009, 12:24 AM
|
#5 | |||||||||
|
مشرف سابق
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
السلام عليكم |
|||||||||
|
|
|
|
18-07-2009, 10:02 AM
|
#6 | ||||||||||||||
|
عضو سوبر
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
مضوووووووووووع غايه فى الروعه واختيارات موفقه |
||||||||||||||
|
|
|
|
18-07-2009, 10:44 AM
|
#7 | |||||||||
|
عضو
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
ياهلا أخوي قلم رصاص ، وتسلم على المشاركة الرائعه ،، |
|||||||||
|
|
|
|
18-07-2009, 10:46 AM
|
#8 | ||||||||||||||
|
عضو
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
كل ٍ يغني على ليلاه يا محمود ،، فمن بين القصائد العديدة ،، أتت هذه الأبيات على الجرح ،، الله يارب يسعدك ،، وشكراً لك ،، |
||||||||||||||
|
|
|
|
18-07-2009, 02:41 PM
|
#9 | |||||||||
|
عضو
|
رد: قصيدة تعزيت أهوم الصبر ،، لشاعر عنيزة الكبير حمد المغيولي ،، وقصائد أخرى ،،
آه أناشدك يـا شمعـه حياتـي وودي =آه اناشـدك ياكـل الفـرح والسعـاده آه أناشدك عن دمع درج فوق خـدي=كل ما شفت زولك هـل دمعـي وزاده آه أناشدك عن قلب نفـذ منـه سـدي=شاله الحب لين انـه حبلـه وصـاده آه اناشدك ياللي تطعن القلب عمـدي=كن مالك على روحن تـودك جـلاده آه أناشدك ياللي واصل منـك حـدي=اشهد ان الهوى والحب ساس القـراده آه أناشدك عن زود الفزع والتحـدي=ليه تخطي بعـد علقـت تـاج القيـاده آه أناشدك ياللي غارق فيـك وجـدي=قبل تاخذ على الزينات نوبـل شهـاده اتصبر عسى لي غيـب الايـام تبـدي=واصبح الذيب يجفل من ضبي الحماده لا نطحني بديت اقراء من الخوف وردي=واطلب الله يجاهد من عسرني جهـاده *********
يقول الشاعر اللي شاف من وقته جفا واجناف =تكدر مـا صفـا واختلفـت الدنيـا بأهاليهـا ترا اللي ما يخزم إطبوعه اول والخزام إعساف=الى منه دنع لو حايلـه مـا هـوب قاويهـا والى مني ذكرت اللي جفاني والدهر صـرّاف=بديت أجضّ وعيـن الـود سكـاب عباريهـا انا يوم الليالي مقبـلات مـا علـي اخـلاف=أهزّع من نبانيـب الثمـر واقطـف نواميهـا ولكن شانت الدنيـا وخلـي معطـيٍ بإنكـاف=تنكـر والعـداوه والجفـا بانـت مواريـهـا قطفنا من زماليق الهوى يوم الهوى مقطـاف=ولكنـي بعـد مـا شانـت المـرّه مخليهـا الى منه تنكر وأنكر اللـي فـات يـا خـلاف=أعده مات مع من مات وأمحي رسم طاريهـا شربنا جمّها الصافي وصدرّنـا بـلا غـراف=عسى من وردها عقبي يدهـدم طيّهـا فيهـا وانا عن ما مضى تايب وابزبن نايف المشراف=عسى عين تلـد بغيـر مالـه مـا يهنيهـا *********
أسير الحب لو صاح القوايـل لا تلومونـه=ترا قصدير قلبه من وحم نار الهوى ماعي الا يا عاذليـن القلـب كفـوا لا تعذلونـه=عذلتوا والقلوب الهايمه ما تسمع الداعـي عليه الهم خيّم والتعـب والسهـر لعيونـه=سبب من لا جزاه الله صوابه بين الاضلاعي بكى مجنون ليلى وان بكى ما نيب من دونه=انا اللي في بحر ميه وعشره يكفخ إشراعي بلاي قماش من حدر القماش مذهّب لونـه=لزمته ثم سمته سومة الصامل ولا باعـي وراكم يا هل المال المذهّـب مـا تبيعونـه=عشقت المال نوعه شاقني من بدّ الانواعي أحب السلعه اللي من بلدها مـا يعرفونـه=عليها شمعها ما روجت بالسوق مع ساعي ثمان سنين ما غيرت زاد وسـط ماعونـه=والى قلت الحذيه من زهور الورد ما طاعي *********
يا قلبي اللي غدابـه غيبـة الشمسـي=زول غنج لـي واخـذ قلبـي وقفابـه اقفى وانا اصفق عليه الخمس بالخمسي=طلبت قلبـي وصافـي اللـون عيابـه انته من الحور يـا نهـاب والا انسـي=من ذا الذي في بـلاد سعـود نهابـه يا روح روحي خطر تصبح ولا تمسـي=الروح من مستكـن الـروح يسرابـه يا كدلك اخضر مليح اللون والجنسـي=من مصنعه ما يضيـق صـدر ركابـه يا عنك ما قيل له بالسوق يـا تكسـي=يحرم على اللي تمنـى مـا تمشابـه يا ورد يا موز مصيون عـن اللمسـي=عن جملة اهل المـوده مغلـق بابـه تفداك حالي ومالي يا هـوى النفسـي=وعيوني اللـي تهـل وحبـك اسبابـه يالله بفضل آيـة التـوراة والكرسـي=يا محصي الكون والمخلـوق بكتابـه تصخر وليف حمسني بالهوى حمسـي=يذبح بنجل تشوف المـوت لاغضابـه أدخل على الله بجاه عيونـك الخرسـي=ومبيسم كـن هيجـن هيـج بعذابـه يا سيدي ما ومرك الله علـى حبسـي=خف بي من الله ترا المظلوم له جابـه *********
الله من ونـةٍ جريتهـا مـا حـدٍ فطـن لـي=تحزّ باقصـى الضميـر وجاحـدٍ اربـع ليالـي اشوف شي يغيـض النفـس واقـول متسلـي=ما ودي ابدي سريرة خاطـري يفكـر بحالـي كني مريض ثـلاث سنيـن مـن زود التغلـي=يالله انا أرجيك يا منشـي مراهيـش الخيالـي تصخر وليـف غريـر بالتغلـي قاضـي لـي=أظهـر علـي نجـوم القايـلـه واعزتـالـي ليت المصيبه من اقصى الناس ما هي من محلي=اشوى ولا علةٍ تبـدى مـن العـرق الموالـي كان ان شفّك بغيري يـا حيـاة الـروح قلـي=انت المخير وانا حقـك علـي اطـوي حبالـي من باعني بالرخا بعتـه عسـى قربـه يولـي=والله ما غلي هنـوف عندهـا مانيـب غالـي والله فـلا يطـرد المقفيـن رجـل يستـدلـي=خلك بفالك يـا صاحبـي وانـا خلـن بفالـي *********
يا وجودي على اللي ساكنٍ بالوزاعـي=وجد من شيل مفلس عن طريق السفاره *********يوم ضيّع فلوسه باع بـاق الأواعـي=شيل في ثوبـه اللـي قاطعيـنٍ زراره قيل وين الجواز قـال بالـدار ضاعـي=و إكتفته الحفيظه و أبرقـوا للـوزاره ذا وجوده و أنا وجدي و للوجد داعـي=يوم أقول آه واعـزاه ماهـي خسـاره أتوجد علـى راع العيـون الوساعـي=وجد من ساقه الديّـان و إجتـاح داره يوم قالوا بامـان الله صبـح الوداعـي=رحت بدري و أنا صدري تكسر إعبـاره آه قصدير قلبي من لظى الحب ماعـي=من سموم الفراق أرث بقلبـي حـراره ياطويل المعنّق لـك عيونـي تراعـي=و أترجاك فرصة لـو تجتنـي زيـاره أنت فيك الحلا و الملح ماهو صناعـي=فوق خدٍ تخانق مـع بياضـه حمـاره
اللّه أكبـر يـا ثـلاثٍ قابلنـي=عقب ظهر العيد بالسوق التجاري حافـلاتٍ هايـمـاتٍ للمغـنـي=و الثلاث من الضبا فيهن مواري أحرجني و إطرحنـي وإجرحنـي=و إذبحني بالخناجر و السـواري قلت عيد اللّه عليكـم عايدنـي=الهوى ما هوب طعنٍ بالشبـاري التحدي و الخطا ما جـا بظنّـي=ليتني من قبل طعن القلـب داري الطويل من الثلاث اللـي طعنّـي=والصغير اللي خذا قلبي إجبـاري قلت للثالث خطا وش جاك منـي=يا هوى عيني تهل من العبـاري ما جزاي إلا التوجـد والتمنـي=راح قلبي بيـن بيّـاعٍ وشـاري *********
ياعيوني وراكن تزعجن الدموعـي=ساهرٍ طول ليلي و الليالـي طوالـي طول ليلي تهلّن و الخلايق هجوعـي=حسبي اللّه على اللي بالموده قضالي آه يا ونّـةٍ منهـا تملّـع ضلوعـي=و الجسد قبلها غادن سوات الخلالي من سبايب هنوفٍ طبعها طبق طوعي=في زمانٍ مضى و اليوم عزي لحالي يا بو خديدٍ بضوحه مثل برقٍ لموعي=في سحابٍ يزلزل راسيات الجبالـي صرت تالي زمانك ياحبيبي قطوعـي=ضاع حبل المواصل و أخلفن الليالي ليت عيني تشوفك مرةٍ بالسبوعـي=كود يخضّر قلبي عقب دور الهمـال *********
ألا ياضميري لا يغرّك هـوى الشيطـان=تهيّض و أنا ذيـك السواليـف ناسيهـا تهيّض على اللي كنها مطرق الريحـان=إلى هـزّه النسنـاس مالـت نواميهـا أنا ما بلاي إلا أشقـرٍ كنّـه الشرطـان=عريـشٍ إلـى قضّـه تعـدى مثانيهـا و إلى لاح لي خدٍ كما لمبـة الظهـران=خطيـرٍ علـى كبـدي تفطّـر مكاويهـا ألا ياعيـون مسلـطٍ أبـرق الجنحـان=إلى طقّهـا طـار اللحـم مـن ثناديهـا ألا يا قدات العين مـا تبـري الوجعـان=عطيب الجروح و حبـةٍ منـك تبريهـا ألا يا ثمر قلبي جزى الإحسان بالإحسان=دخيلك تلافا الـروح مـا بيـك تهفيهـا على غير ذنبٍ سنّ بي سنّـة العـدوان=يجـوّد معاليـق الحشـا ثـم يلويهـا عسى من سعى بالحسد و مفارق الخلان=تقلّب عيونـه ملـح و المـوت يتليهـا *********
ألا يا زين قلي وش سبب هالصد والهجـران=بديتك بالسلام وتسفه الواجـب علـى شانـي أحسبي يوم أسلّم لي بغاية خاطـرك ميـزان=وأثر ما زاد من زود الغـلا تاليـه نقصانـي ألا يا صاحبي خفبي من اللّه وإرحم الوجعـان=رعى اللّه من يراع المحسنين بصلح وإحساني أفدني وش جرى مني و خل الزود و النقصان=لا تسكت بغيضك تجرحن يا شمعـة اعيانـي أنا المجبور أنا المبلي بحبك يا غصين البـان=شقيت بعشرتك و أشقيتني يوم اللّـه أشقانـي ألا ياروح روح مولعٍ ترقـد و هـو سهـران=سبب حبك و هجرك عن لذيذ النـوم جزّانـي إلى مني ذكرتك فزّ قلبـي وإستشـان بشـان=لو إنك دايمٍ هاجوس بالـي سـر و إعلانـي أجاذب عبرتي في خاطري يا قايـد الغـزلان=أنا أحسبـي مثـل مانـي تمنيتـك تمنّانـي *********
كل ما جيت أبصبر عن هوى الروح و أعذر=قالت النفـس لـي رب الزمانيـن واحـد *********دام خلّك علـى أول عشرتـه مـا تنكّـر=لا تحاقـر نصيبـك ياوسـيـع البـلايـد مد حبل الرجا و اللـي يبـى اللّـه مقـدر=دافع الوقـت و إصبـر و أخرتهـا فوايـد ماش ماطيق راحة دامـت العيـن تسهـر=كيف أبا أصبر و حظي بالهوى ما يساعـد لـو توسّـع ضميـري ساعتيـنٍ تكـدّر=ياللّـه إنـي دخيلـك لا تطيـل الشـدايـد لي عشيرٍ حبسني بالهـوى حبـسٍ أقشـر=ما درى وش مرام الشوق و الحـب كايـد إن شكيـت المصيبـة قـال خلّـك تعـزّر=ما يبرّق بحالـي مـا بقـي لـه شرايـد لاعني بالمـوده راعـي القـرن الأشقـر=نقّـض الجـرح الأول بالجـروح الجدايـد إن بغيت المواصل قـال مجبـور ماقـدر=آه ياطـول وجـدي كـل يــومٍ بـزايـد جعل مـن لامنـي سـاق رجلـه تكسّـر=ياخـذ الحـول ماحلّـت عليـه الجرايـد
يقول المولع اللي ما يجور ولا يدان الجـور=عسى اللّه ينتصف من ولعوا قلبي و خلونـي أنا عن ماتريد النفس يا حظ النـدم مقهـور=إلى مني بغيت مواصلتهم حيـل مـن دونـي ألا يا مجيب دعوة من دعاك بداجي الديجـور=أسالك يا إلهـي لا تطيـل فـراق مضنونـي أنا اللي من تغاب الشمس لين إنه يشق النور=و أنا في حالـةٍ ياحيلـة اللّـه لا تلومونـي على شقر الذوايب جض قلبي جضة المكسور=و لا ينلام قلبٍ باشقـر المجـدول مقرونـي إلى مني ذكرت اللـي جبينـه كنّـه البنـور=تنقّض جرحي اللي مندرس و إنباح مكنونـي أحسب إن الليالي يوم تضحك لي فرح وسرور=ولكن ما دريت إن شرهـا للنفـس مدفونـي ألا يا عاذلين الروح روحي ما تطيع الشـور=و لا لي صالحٍ من شوركم تكفـون خلّونـي أنا المفجوع أنا المبلي أنا المغرم أنا المجبور=أنا اللي من صخيف الوسط دايم تسهرعيوني أنا بحبال من بيده شقاي و راحتـي ماسـور=ألا يا ويله من اللّه ربطنـي ربـط مجنونـي *********
آه و ويلاه مـن بلـوى زمانـي=كيف أنا ملهود و الناس أريحيّـه ساهرٍ بالليل نومـي مـا هنانـي=يوم كـلٍ بالكـرى عينـه هنيّـه يا حمد ياشوق مجلّـي الثمانـي=إرشدن بالـراي يازبـن الونيّـه لي عشيرٍ بالهوى حبـه كوانـي=و أحرقت قلبي ولا أدري وش نويّه يوم قلت الهون يا خصر المثانـي=لا تلوع الـروح تعدمهـا عليّـه إرحمن يوم إن ربي بـك بلانـي=راقب المعبود يـا صافـي الثنيّـه قال أوريك القسى عقـب الليانـي=يا معنّى القلب و العيـن الشقيّـه يا عذابي كان مضنونـي جفانـي=بدّل الحسنـى و جازانـي بسيّـه كان خلي في تلف روحي نوانـي=ضاعت الحيلة ولا لـي مقدريـه *********
عفا اللّه عن عينٍ جداه البكـا و النـوح=تهضّم طـوال الليـل مـن فقـد غاليهـا إلى قلت هيدي ما بكثـر البكـا مصلـوح=تزايد بكاهـا و هاطـل الدمـع محفيهـا من أسباب كل مصيبتي خاطري مجـروح=علـى جـادلٍ بالكبـد جـدّد عراقيـهـا أنا قبل عرفي له مريح و خاطري مشروح=مريـحٍ و لا حنيـت لأجــل طاريـهـا فلا شك واعـزاه قلبـي صـلاه الفـوح=على فقدها و النفس فيها اللـي مكفّيهـا أنا من فراقه يا حمـد صابنـي سامـوح=فلا شك ما للنفـس عـن حكـم واليهـا ألا حسبي على اللي ولعتني و أنا مشفوح=بمـزة ثمـانٍ كالعسـل بيـن أشافيهـا بعد ما إرجهن القلب و اشفت عليه الروح=تركني ألاعـي الـورق دايـم و أباريهـا ترى ما أنت مني يا هنوف المها مسموح=على ويش قل لي يـوم حالـي موزّيهـا *********
عيني اللي تهامل مثل وبـل السحابـه=لاشتعل برقها ثـم أرزمـن الرعـودي أتهضّـم و أجـاوب بالقنيـب الذيابـه=لين قلبي من الهاجوس بيّـح سـدودي همي اللي عليه القلب غمـقٍ صوابـه=جعل يومٍ شقيت بعشرتـه مـا يعـودي الهوى لا تغبط المغـرم اللـي شقابـه=كم صويبٍ رمـاه بمظلمـات اللحـودي ذا و أنا خاطري مشفوف بأول شبابـه=لين جدّد على مدرس ضمانه إلهـودي ما تبارح ضمانه لـو سحبـت الربابـه=كيف أبسلى و أنا عن ما بغيت محدودي حدني عنـك يـا فتّـان نبـح الكلابـه=ودي آصلك مير أدرى عيون الحسودي لو حياة العرب يا زين ركض و نهابـه=إجزم إنه ما على الرجّال شيٍ يكـودي مير أنا أدرى عليك من الحسد و السبابه=مانبي هرجةٍ عوجـا تعـدى الحـدودي غرني واحـدٍ بالوجـه يـوري لبابـه=اللسان أجـودي لكـن قلبـه يهـودي لو مقر الردى يسوى غسـول الجنابـه=و الله إني ما خل النقص يرجح بـزودي *********
كل حيٍ عزا له ميت يـوم العيـد قـاد الضحايـا=وآه أنا اللي نهار العيد لتلا العيد رحت الضحيـه وينكم يا رجاجيل الشهامة و الفخـر و الحمايـا=ليه إبن عمكم يوخذ نهـار العيـد ببـلا دعيـه صابني و إبتلاني من عليه مـن الغزيّـل حلايـا=عنقها و العيون السود و أذهبني بغنجه و غيّـه صابني بالدلع و العين و الغرة و حمـر الشفايـا=ما ترك لي مجال أعطيه علم و لا أدري وش نويّه قلت للي سلب عقلي تراني ماحتمـل هالسوايـا=راع حالي رعاك الله بمعروفك و حلمـك عليّـه لا تزيد الجروح الداميـات بنـار عشـر الكوايـا=ثم تنزف على روحي جـروحٍ بالحشـا داخليّـه ما توقعت منـك إنـك تقابلنـي بسـود النوايـا=و أنت عندك خبر يا سيد روحي بالقضى والقضيّه ليت الأقدار عـن راع المـودة يدفعّـن المنايـا=لين راع الهوى ياخذ هواه من العيـون الجريّـه *********
سقا الله بلادٍ جوها بيـن نفـد و جـال=من الرايح اللي مدلهـمٍ علـى منشـاه سقاها من الناشي على راس كل هـلال=حقوقٍ دفوقٍ كـل وادي ملـى مجـراه متى ما إجرهد الليل جا للسحاب ضـلال=على غرسه الرعّـاد وبلـه ينثّـر مـاه مرابي غـزالٍ مـا تحيّـل بـه الحيّـال=وحش و الوحش ما كل حيٍ ينول حمـاه جفولٍ من الريحه قبـل شوفـة الأزوال=و لا يندرك لو قلت ابا امشي على ممشاه ألا يا محمد ويش أسوي علـى هالحـال=هذا لي سنه و أيام صابر علـى فرقـاه عسى من شبكني بالهوى شبكة الحبّـال=طرف ليلـةٍ غـرّا توافيـت أنـا ويّـاه يصيبه مثل ما صاب قلبي بغيـر إشكـال=على شان يونس والمودة يشوف اقضـاه خذا العقل واقفى صاحبي مستريح البـال=وانا اقفيت مسلوب من العقـل واعـزاه الا يا بعد حالي ومن لـي وراس المـال=دخيلـك بروحـي ردهـا واعتـقـن لله ********* وللقصائد بقية ،، |
|||||||||
|
|
|
|
| مواقع النشر (المفضلة) |
|
|
العرض العادي
