العودة   منتديات سدير > `·• أفياء أدبية •·´ > ¨° بيت الشوارد °¨

¨° بيت الشوارد °¨ خاص بكل ما هو منقول شعراً كان أو نثراً ..

الإهداءات

إضافة رد
 
أدوات الموضوع انواع عرض الموضوع
قديم 15-02-2008, 04:02 PM   #1
عضو جديد
 
الصورة الرمزية ابي قربك
 
تم شكره :  شكر 0 فى 0 موضوع
ابي قربك is an unknown quantity at this point

 

مدري ( تفو ) هي مدح وإلاّ شتيمـة !!!

البارحة جاني مـن الحـب مرسـال
من عقب ما بينـي وبينـه خصيمـة



وانا ترى في الحـب مانيـب فعّـال
ولا بعـد ولّـع بقلبـي هشيـمـه



ولا بعد غنّيت فـي ساعـة وصـال
ولا بعد ذقـت الفـراق وجحيمـه



ولا جرى دمعي على الخـد همّـال
ولابعـد جربـت مــرّ الهزيـمـة



حتى وردنـي تالـي الليـل جـوال
وانا على شاهي وبسكـوت ديمـة


الرقم بايخ لكـن الصـوت قتـال
كنه مثل صـوت المذيعـة حليمـة



قالت مساء الخير يـا طيّـب الفـال
قلـت ارحبـي ترحيبـةٍ مستديمـة



بالعود والصفـري ودلـة وفنجـال
واجبك يا بنت الأصـول الكريمـة



ردت بضحكة ثم قالت وش الحـال؟
قلت اشهد إن الحال عقبك سقيمـة



قالت وهي تضحك بعد مثل الأطفال
وانـا بعـد كنـي بدونـك يتيمـة



من يـوم قالتهـا تزلزلـت زلـزال
من فجعتي كنـي مسـوي جريمـة



قلت ارفعي صوتك ترى مابه ارسال
كـذاب لكـنّ المصيبـة عظيمـة



قالت أقول اسمع ترى هرجنـا طـال
ممكـن تصاحبنـي ترانـي وسيمـة



واسمي الحقيقي أول حروفـه الـدال
لكـن يسمّونـي البنـات الزعيمـة



صحيح أحب الفخفخة واعشق المال
لكـن ترانـي طاهـرة مستقيـمـة



ما عندي امغازل ولا (لعب يهّـال)
ما عندي إلا في الشرف والحشيمـة



بس الصراحة قلبي لشوفتـك مـال
واصبحت وحدك جالسٍ في صميمه



فكّر بعقلك واترك القيـل والقـال
واحذر تطيع اهل العقـول العقيمـة



وارسل علي الحين خمسميـة ريـال
أشحن بهـا جـوال أختـي غنيمـة



أو طقم غالي فيه خاتـم وسلسـال
أروح بـه فـي عـرس ولاّ عزيمـة



قلت الحقيقة مانيب رجـل أعمـال
ولانـي بتاجـر والمـوارد عديـمـة



أنا الصراحة شبـه عطّـال بطّـال
وعلاقتـي بالفقـر جـداً حميـمـة



والراتب الله يرحم الحـال مـا زال
محـدود والمصـروف ربـي عليمـه



والدين بـالآلاف والبنـك شغّـال
ياكـل فلوسـي بالربـا والظليمـة



والسوق طايح والغلا ضيّـق البـال
والموت والله صايـر اكبـر غنيمـة



قالت تحمّل بـس والحمـل ينشـال
خلك شديد الباس صلـب العزيمـة



ياخي تصرّف جعلك اتصيـر نشّـال
أهـم شـي إن النوايـا سليـمـة



لابد تفهمني علـى كـل الأحـوال
ما دمت من أهل العقـول الفهيمـة



قلت إيه والله فاهم اللي على البـال
لكن تـرى هـذي علينـا قديمـة



يا بنت هـذا صايـر اليـوم مـوال
نتللي تبي تلعب علـى ابـن اللئيمـة



يا بنت ما تدرين كـم فيـه محتـال
يلعب على الحبلين وانتـي غشيمـة



يا بنت كم من جاهلة دمعها سـال
من عقب ما جات العواقب وخيمـة



والبنت لا اقفى عرضها بيد الأنـذال
والله مـا يبقـى لهـا أي قيـمـة



قالت تبي ولاّ فخلّك علـى جـال
مهوب ناقصـي نصايـح حكيمـة



عز الله إنك للأسف منـت رجّـال
وانك قليل الذوق ما فيـك شيمـة



يا لعنبو اللي مـا يسطّـرك بنعـال
حتـى يعلمـك الغـزل يـا بهيمـة



( تفو ) عليك وصكّت الخط في الحال
مدري ( تفو ) هي مدح وإلاّ شتيمـة


عجبتني ونقلتها لكم ووواتمنى تعجبكم

التوقيع
ابي قربك غير متصل   رد مع اقتباس
قديم 16-02-2008, 08:09 AM   #2
عضو متميز
 
الصورة الرمزية شيختهم تميميه
 
تم شكره :  شكر 2,010 فى 207 موضوع
شيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضوشيختهم تميميه نسبة التقييم للعضو

 

رد: مدري ( تفو ) هي مدح وإلاّ شتيمـة !!!

كلماااااااااااااااات روعه في الجمال وصح لسان شاعرها .. وسلمت يد ناقلها ^_^



والله يهدي هالبنات يااااااااااااارب ..

التوقيع
آستغفر الله وآتوب آليه . . .
شيختهم تميميه غير متصل   رد مع اقتباس
قديم 16-02-2008, 04:22 PM   #3
عضو نشيط
 
تم شكره :  شكر 5 فى 5 موضوع
بنت الأمس is an unknown quantity at this point

 

رد: مدري ( تفو ) هي مدح وإلاّ شتيمـة !!!

مدري ( تفو ) هي مدح وإلاّ شتيمـة


.........

تكفوون لاتقولون له انها شتيمه


هههههههههههه

ابي قربك ... شكرا لنقلك

بنت الأمس غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:11 PM.


Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه