سلامٌ عليكم و رحمة الله و بركاته
إليكم هذه بنكهة نبطية و إن كنت في النبطي لا أحسن و لا أجيد فتقبلوها تفضلًا منكم و تكرّمًا :
ويل قلبي من هنوفٍ حبها بالقلب يرسم=غيدةٍ تزها البنات اللي مضن و اللي يجنّي
كاملة بالزين وجه وْ خصر و اردافٍ و مبسم=مابها عذروب غير اعيونها اللي يسحرنّي
كنّها خلقت على ما تشتهي و الله أعلم=مارأت عيني مثل هاك الجمال اللي فتنّي
آية بالحسن منها الحسن للغيدات يقسم=كل مخلوق بهنوف و حسنها الفاتن يغنّي
لو بغيت آصف حلاها طول عمري واتكلّم=ما هقا الا دونها وصفي وانا فيه مْتجنّي
كن غصن البان يحكي روعة الجسم المقسّم=قدها و الخصر و المغناج لا جتك بْتونّي
من حلاها في حلاها ذبت مفتونٍ و مغرم=و اعذابي كان منها ما خذيت إلا التمنّي