بعد الغياب......

[عبدالله الصالح]

السلام عليكم ورحمة الله وبركاتة ،
اتمنى ان الجميع بخير وعافيه وما عليهم خلاف ، والله اني مشتاق لكم جميعا بدون تخصيص وارحب بكل من انظم للمنتدى في فترة غيابي السابقه واللتي احسست فيها وكأني في غربة عن الوطن كما لايفوتني ان اقدم اعتذاري للمشرف العام على انقطاعي فهو لظروف خارجه عن ارادتي..
عموما اتمنى ان يكون مازال لي مكان بينكم وان تعذروني على غيابي القاهر ،،
واهديكم هذه الابيات اللتي تعبر عن نفسها /

[poet font="Arabic Transparent,14,black,normal,normal" bkcolor="black" bkimage="http://forums.sdair.com/poetimages/12.gif" border="ridge,1,gray" type=2 line=200% align=center use=sp char="====" num="0,sienna"]
من علة في وسط صدري خفية = منها النفس يا خوي من دون في دون
شارت علي الوالده في القضية =قالت توجه للدكاتر يشوفون
دخلت والاسعاف مثل الخلية = على السراير بالطوابير يمشون
وعقب انتظار وصبر جتني بنيه= قالت تعال ومد رجليك بالهون
وقاست حرارة جسمي الداخلية = والقلب نبضه بالثواني على هون
وقالت وش المطلوب وشفي يديه =الظاهر ان الصدر داخلك مشحون
قلت الله الله قربي لي شويه=الاكسجين ابغيه مادامني هون
ارتحت له والصدر مثل البريه=وجابومغذي في يدي له يغزون
ثمن لفى متخصص الباطنيه=هارون واظنه شبيهن لشارون
قال اطمأن علتك ماهي قويه =عقب الاشاعه يمت البيت تمشون
وشال الجهاز اللي يخفف عليه=واونست في صدري مضاريب وطعون
شفت النجوم وشفت حوض المنيه =مقوا النفس واصيح ياناس تكفون
واللي معي مابين روحه وجيه =قدام وجهي بالشهاده يردون
للموت قدمني بكفه هديه=وسلمت للي بأمره الناس يحيون
ومن عقب ماشافوا عيوني شقيه =تحركوا لي بأجهزتهم يصيحون
ويم العنايه عجلوا بالرقيه =وتجمعوا من كل صوبن يحومون
والحمد للي ردها الروح فيه =رب كريم وله عبيده يطيعون
سجدت له شكرا بنفسن نديه =وطلبته الغفران والقلب ممنون
وادعي على من حط قلبي شظيه =ادعي ومثلي واجد الناس يدعون
يالله عسى هارون وسط السريه =في خندقن في جبهة الحرب مسكون
الجن فيه وتسعة الاف حية=والقوم يتلونه وهو تقل مجنون
والا عساه يطيح وسط الركيه =في عيلم يبطي ولاياصله عون
شهادته ماجابها عبقريه =في ديرته تنباع والسير مدهون
وين الرجال اهل الكرم والحميه =اللي لهم في مثل ذالمسئله لون
ايعدلون الوضع ميه بميه=امثال هذا بالدراهم يطيرون
وختامها ازكى صلاة وتحيه =على اللذي رسالته عمت الكون



[/poet]

[سدير]

و عليكم السلام و رحمه الله

أهلا بك دفين الجرح
أتمنى أن تكون بخير
و آمل أن تكون هذه العودة مستمرة و محمودة , إنقطاعك و انقطاع كثير من الأعضاء يحز في النفس و يزعجنا كثيراً , فأنت ممن عاضد المنتدى من أول إيامه .

أشكرك جزيل الشكر و أتمنى لك التوفيق

[أبو ريان]

دفين الجرح يا مطول الغيبات مالك حق في غيابك هلا والله ويعلم الله اني مشتاق لك كثير وحاولت اسئل عنك ولكن من غير فائدة ولقد حزنت على فراقك وقد كتبت هذة الابيات المتواضعه ارجو ان تشاهدها على العنوان التالي

http://forums.sdair.com/showthread.php?s=&threadid=1408

[أبو ماهر]

.

ياهلا وغلا بالدلفين وينك وين ايامك وقصايدك الزينة على العموم ياهلا ومسهلا فيك مرة ثانية000


ويعطيك العافيه على هذي الابيات ومانبيك تقاطع مثل المرة الي راحت زين000

[شـ هـ د]

رائع يا شاعرنا دفين الجرح

ونتمنى وجودك معنا دوما