صينية البطاطس بالتشدر والبشاميل

[فقيدة امها]

صينية البطاطس بالتشدر والبشاميل

المقادير والطريقه مع بعض
الطبقة الاولى (طبقة البطاطس):


4 أو 3 حبات بطاطس حجمها وسط مسلوقه + رشة ملح + رشة فلفل اسود + ملعقة زبده
+ملعقة جبن سايل >> نخلطهم مع بعض بشوكة أو ملعقه خشبيه أو البسي gloves القفازات
وبيدك اعجينها (اللي يريحك) وافرديها بالصينية


الطبقة الثانية (حشوة الدجاج):



نسلق دجاجة وننتفها ولو فرمتيها احسن ( بس انا كانت الاله خربانه وقتها)
+ بصلة مفرومه + 2 فص ثوم مفروم + بهاراتك اللي تحبين (واضيفي عليها الاعشاب الايطاليه وورق الريحان
حبه فلفل بارد + ذره معلبه +جزر مبشور + ملح >> لاتحطين ماجي لأن الصينية فيها ملح بكل طبقه فنستغني عنه
نشوح البصل والثوم بالزيت >> بعدين نحط الدجاج ونقلب شويااات >> بعدين نحط الخضار
وبعده البهارات ونقلب >> وآخر شي نحط الذره لأنها مستويه ونخليها شوي على نار هاديه
ثم نطفي عليها ونحطها بالصينيه كطبقة ثانيه



الطبقة الثالثة:
علبة جبن تشدر كبيره نبشرها ونحطها فوق خلطة الدجاج


الطبقة الرابعة (البشاميل):
بخلاط الكاس >> كاس مويه دافيه + 2 ملعقة كبيره دقيق
+4 ملاعق كبيره حليب بودره + رشة ملح وفلفل ابيض او اسود >> نخلطهم ونحطهم عالنار
حتى يثقل الخليط ونفردها عالصينية ونحط هالوجه موزاريلا وبابريك



ندخلها فرن مسبق التشغيل من تحت شوي
ومن فوق لحد ماتسيح الجبنه
وهذي شكلها


وهذي بعد التقطيع والتزيين



وبالعافية

[أمورة سدير]

بطاطس وتشدر اكييد بيكون لذيذ هههههه

فقيــدت امهـا

يعطيــكـ الــف عافيـــهـ

وتسلميـــن،،،

[فقيدة امها]

يعافيكِ ربي
ويسلم تواجدك غاليتي اموره
أسعدني مرورك الجميل
لك ودي

[رآيقه]

يممممي
حمستيني اسويها الللللحين
مشكوره

[فقيدة امها]

العفو ياقلبي
بالعافيه عليكِ
تسلمين على مرورك العطر
دمتي بخير

[بقايا الذكريات]

من جد طريقه رائعه وحلوه بعد


يعافيك ربي فقيده التميز لك عنوان يالغلا

[حُلُمٌ مُبَعْثَرْ]

روووووعه تبارك الرحمن
نورتي قسم الطبخ

[فهد المنيع]

يم يم شكلها يشهي .. والطعم لذيذ


يعطيك العافية اختي فقيدة ..

[موون وبس]

روووووعه يعطيك العاافيه

[حنين الذكرى]

واااو ماشاء الله شكلها شهي
جااااااااااري التنفيذ قريب بإذن الله
يعطيك العافية و ف انتظار جديدك الرائع
دمتِ بحفظ الرحمن

[صياد دمشق]

بالهنا والشفا