- حلاي الحلو.

[العَربْ.]

-

سلام عليكم , ومساؤكم خير ورضا .. و حلا مخرّف
الزبدة ومالكم بالطويلة, أنا إنسانه سبحان الله ما الله عطاني إنه أسوي حلا من دفاتر الطبخ أبدًا, يا تخريف من مخّي وحواق و إلا فلا, والله يعين اللي بياكله.

مرّتن من المرارير كنت صايمة اللهم لا رياء, ومشتهية حلا .. يا ربي وش أصلح كل شي صلحته
قمت جبت .. هالمقادير :
الطبقة الأولى/
- حليب بودرة محموس
- بسكوت دايجستف مطحون
- سكر .
- زبدة
- قشطة.
- شوي زيت.

الطبقة الثانية/
- حليب نستلة.
- جبن كيري.
- كريمة كراميل.

الطريقة :

نخلط مقادير الطبقة الأولى سوا ثم ندخله الفرن شوي عشان يتشقر شوي من تحت ويصير يقرمش أطعم.
ثم الطبقة الثانية بالخلاط ونصبها على الأولى وندخلها لما تتشقر من فوق.

ثم عاد رشيته بشوكلاتة نسكويك للتزيين, وكل وحدة واللي تحب .

وهذي صورة غير مرتبة للمحروس, لا يغرّكم شكله تراه لذيذ




وترقبوني بحلا مخرّف قادم بإذن الله .. سيلام.
-

[بنت الاصول]

مشاء الله تبارك الله شيئ جميل سلمت يمينك وتخريفتك

دايم خرفي يالغالية مدام بيطلع كذا

ونحن في انتظار القادم

[انثى الجزيره]

وعليكم السلام
مسائس نور وسرور
واضح انه لذيذ عليكم بالعافيه
ان رقت فكرت اسويه

كل الشكر اختي العرب

[بقايا الذكريات]

من جد اذا هذا تخريف اجل وش نسمي الحوسه الي عندنا

اقول ربي يحرسك بس من جد شكله مبين حلو ولذيذ

[رحّال]

الفنانون دائماً ما يطلقون العنان لمخيلاتهم في كل شئ يقومون به ،،
و النتائج دوماً ما تكون مذهلة ، و غير متوقعة ،
لوحة سيريالية ما صنعت يداكِ يا أيتها العَربْ. <<<< كيف التعزيز بالله
تسلم الأيادي ،،
تحيّة تشبهكِ و سلام.

[العَربْ.]

المشاركة الأصلية كتبت بواسطة بنت الاصول   مشاء الله تبارك الله شيئ جميل سلمت يمينك وتخريفتك دايم خرفي يالغالية مدام بيطلع كذا ونحن في انتظار القادم

يسلمك ربي كلك ذوق والله ()

[العَربْ.]

المشاركة الأصلية كتبت بواسطة انثى الجزيره   وعليكم السلام مسائس نور وسرور واضح انه لذيذ عليكم بالعافيه ان رقت فكرت اسويه كل الشكر اختي العرب

الله يعافيك, ويحيّيك, ولما تصلحينه وريناه

[العَربْ.]

المشاركة الأصلية كتبت بواسطة بقايا الذكريات   من جد اذا هذا تخريف اجل وش نسمي الحوسه الي عندنا اقول ربي يحرسك بس من جد شكله مبين حلو ولذيذ

هههههههههه, ياحبي لك .. ويحرسك ويحييّك ()

[العَربْ.]

المشاركة الأصلية كتبت بواسطة رحّال   الفنانون دائماً ما يطلقون العنان لمخيلاتهم في كل شئ يقومون به ،، و النتائج دوماً ما تكون مذهلة ، و غير متوقعة ، لوحة سيريالية ما صنعت يداكِ يا أيتها العَربْ. <<<< كيف التعزيز بالله تسلم الأيادي ،، تحيّة تشبهكِ و سلام.

أقول الله يرفع قدرك, هههههههه و توّوووك ما شفت باقي تخريفاتي السيريالية غير تنهبل