#@ ســجــلـ حــضــوركـ بــبــيــتـ شــعــريـ @#

[بوح القصيد]

يارايق البال روقنا معك ليله
ذالليل غن الفرح من عذب الالحاني
ياشادي في الهوى تطرب مواويله
اطرب خفوق الحزن تكفى على شاني
قلبي يبي ليلة تغسل غرابيله
ومن الوناسه يعيش بعالم ثاني
ان كان تقدر طلبتك قوم لبي له
لاتحرمه فرحته مادام لك عاني

بوح

[عروش]

ياصاحبي ياجعل ربي يخليك
إرفق بقلبي وإرحمه ياحياتي..!
إرحم غريق في غرامك يراعيك..
بعدك عذاب وشوف زولك غناتي ..!
بين العرب هواجس القلب تطريك ..
وماأظن ينسى من يسوي سواتي..!
متعلق قلبي بحبك ويغليك ..
وعسى غلاكم مايسبب وفاتي..!!؟

[عروش]

أوآه يا قلـبٍ علـيل تعلقــت
في حب منهو بالنواعـس فتني

حاولت عيني تمتنع ما تملكت
حبه ملك قلبـي وفكري وضنـي

ليلة لقانا يا ضميري تلوعــت
هاجت شجونـي والعيـون أهملني

عزه الله إني بالمودة تحملــت
ما حد فزعلي وخفف الحمل عني

حبه ذبحني وليتني ما تولعــت
من هاالعذاب وزايـد الشـوق مني

لا قلت أبى أسلى رغبتي ما تمكنت
أنا الذي في حُبه أبكــي وأغنــي

[بوح القصيد]

اهلا صباح الورد ياطيف خلي
يامرحبا والشوق دايم يناديك
يشوقني شوفك وارحب واهلي
لاياصباح الحب ياحي طاريك
اقلط تفضل فالحشا لك محلي
في مجلس الأشواق الله يحييك

بوح

[عروش]

أجاذبك الهوى واطرب واغنى
وابادلك الغرام بكل فن
واشاهد صنعة الله فى جمالك
وحكمه الذى فيك امتحنى
واشوف الود فى عيونك ولكن
يرد الود خوف فيك منى
ولاادرى وش يخيفك يا حبيبى
وانا بك مغرم جاك متعنى
ولو انك تلاحظ شفت عينى
وهى تروى حديث الحب عنى
تنعم دام توك فـى شبابك
ليالى العمر ما قط امهلنى
تعال اسقيك من جدول غرامى
شراب فيه للعاشق تهنى
واهيم بك فى سماوات المحبه
الين انك بعد مثلى تغنى




خالد الفيصل*

[بوح القصيد]

ياخيالي تب من الرسم في لوح الخيال
كل حلم في خيالك يمر تلونه
لا تلون بعض الاحلام مافيها جمال
لو براويزه من اغلى الذهب مازينه
ارسم الواقع على ممكنات الاحتمال
كان تبغى رسمتك ثابته في الأمكنه


بوح

[حتما ً سأكون]

المحبه ماهي صفحة تنطوي مثل الزمان
المحبه شوق و احساس و معاني ساميه

تكبر بحضن الاماني و تطلب النفس الامان
و ما تعاند غير عشاق الخطايا الفانيه

صاحبي شفت المحبه ؟ خل لها فقلبكـ مكان
خلها تسعد و تنعم .. تروي عين ٍ ظاميه

[بوح القصيد]

محتاج لك رغبة ومحتاج لك شوف
محتاج اعيشك لحظة الشوق نظرة
ودي ابروز صورتك داخل الجوف
واحطها في داخل الروح درة
عشان لامن صرت للشوف ملهوف
اقعد اقلب صورتك كل فترة

بوح

[مطلبي الجنان]

[بوح القصيد]

فصل على الواقع مقاسات حلمك
مايتعبك بالضيق والا اتساعه
واقطع من قماش الرضا مايلمك
حتى يجي قدك لباس القناعه


بوح

[فقيدة امها]

وين أنت باغايب تحريت ملفاك
ولا شفت زولك غير حلم (ن) لفاني

وش جاك مني وليش عجلت مسراك
حتا بحلمي كان طيفك أناني

[بوح القصيد]

ماتنام عيون من ينطر حبيبه
لوتنام الناس عينه ماتنام
يدري ان الشوق لعيونه يجيبه
لوقسى ظرفه بيجبره الهيام
صادق الأشواق مايبرد لهيبه
لين يشرب حب من ريق الغرام
بوح

[فقيدة امها]

محتاج لك ماهي بحاجة مواساة
لكن بحاجة قلب لإحساس مغليه

ابيك لاهزت حزن صوتي الآه
تعرف وش اللي كنت عنك مخبيه

[بوح القصيد]

خذني على قد الغلا ياحبيبي
واحضن غرامي في خفوق المحبه
انت الذي لجروح قلبي طبيبي
ارجوك لاتذخر عن القلب طبه

بوح

[فقيدة امها]

يـا حلـم عـمـري وأدري (الحـلـم) كــذاب
الا أنـــت مـــدري لـيــه دايـــم أفـســرك

مهـمـا تخـالـف واقـعـي فـيـك.. و أرتـــاب
يـبـقـى جـنـوونـي يعـتـذرلـي ويــعــذرك