من روااائع قصائد الأمير بدر بن عبد المحسن

[فقيدة امها]

إسألتني كم تعرف

إسألتني كم بنت تَعرف ..!!؟؟
جآوبتَهآ بـ نوف و عبير و الهنوف و غدير
وقفت وشموخَهآ يملى الكَتف
وفيهآ أسئله بخآطرهآ ودّهآ تنجرِف
ايش هالجـَــرآءهـ . !
...... هالـوَقــآحـَـه . !
كل هَذي صرآحه ؟؟
وله عِين يعدّد ويسمّي ويعترف ..!!؟؟
وحَبيت ازيد الطين بلّه
واقول لهآ ان الأخيرَهـ أصغرهُم
والهنوف أجملهُم
والثَآنيه اطيبهُم
ويوم شفتَهآ تنهآر ..!!
والعزّه والشموخ رآحت دمَآر
والشفَآيف بدت ترتجف
جيت وبستَهآ على خدّهآ اليسآر
وهمست بأذنَهآ
ترآهم خوَآتي ونوف الكبيرَهـ بينهُم وأنآ منولد قَبلهُم

[فقيدة امها]

أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى

أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..

أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا

مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا

[فقيدة امها]

ابي النسيان ,

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره

[مذهل]

ابهجني ماقدمتي يامشرفتنا فقيدة امها من ابداع
اشكرك شكراً جزيلاً
امنياتي بكل خير

ولك تحياتي وفالك طييييب يامشرفتنا فقيدة

[فقيدة امها]

هلا فيك أخي الفاضل مذهل
عوداً حميداً رجوعك للمنتدى اسعدني ذالك
اتمنى أن لا ينقطع هذا الحضور الطيب منك
وفالك أطيب أيها الطيب

[فقيدة امها]

كل نجم

عن كل نجم ظهر بسدل أجفآني
لعل مآعيش حزني لحظة غروبه

وعن كل خل طويل الصمت كفآني
الصآحب اللي قليل الهرج عذروبه

وعن كل ثوب جديد بألبس أكفآني
وأدله ولآ ألقى رسآيل هم في جيوبه

أنا الجفآ ليه أخآف النآس تجفآني
وأنآ الحبيب الذي من يعشق عيوبه

رآعي الوعد وأن صدق مرة ولآقآني
يحتآر بين السرآب وقلب محبوبه

يامن عذآبه يشققني ويرفآني
فرقآك غصب علي بالحيل مكتوبه

خبرت نصف تعب من نصفه الثآني
بعضي الرمآد وبعضي نآر مشبوبه

[فقيدة امها]

كل أرض

كل أرض تشيلك ياثقيل الحمول ..
وكل وقت كريم بالرضا والزعل

وين مارحت تلقى لك حبيب وعذول ..
وين ماكنت تلقى مثل ياسك أمل

ياطريق الترجي والوله والنحول ..
والله إني مشيتك لين حد الثمل

لا تظن المسافر من يسوق الرحول ..

من وقف دون حلمه عاجز ما رحل
وما لمخلوق منجا في الحذر والجفول ..

ماتصيب السهام ولا يطيش الأجل
الليالي خوات مير منهي البتول ..

والحوادث عشاير مير وين الفحل
اتذكر في عين الشمس طفل خجول ..

شالته في هدبها وقت لين اشتعل
أعجب الناس وهجه بالجدل والفضول ..

مادروا عن جمال الجرح لين إندمل
إن لثمت الزهور وصاحبتني الحقول ..

ماهقيت إن صافي الشهد عيب النحل
إن تعبنا نحب ولا لقينا قبول ..

ماتسر الأماني ولا يفيد العذل
مابقى في ضلوعي كود ريح معمول ..

لكن الله كريم .. وكل هم يزول ..
ماعلى الله بعيد .. ولو جفاك المحل

[فقيدة امها]

يذكرني القمر

يذكرني القمر ظلك عجب ياللي ظلالك نور
وانا اللي ماعرفت الليل لولا عتمة أهدابك

حسبتك في السما شمس وعلى وجه السحاب طيور
ونخيل باسق يشرب رضاك ويعطش عتابك

وجلست اناظرك ما رف لي جفن تقل مسحور
أقول ان الجمال انتي وكل العشق باسبابك

هقيت اني ملكتك مادريت ان الأماني غرور
وانك في يدي لين انتحابي الوقت واقفا بك

سقا الله يوم كان اكبر همومك خاطري المكسور
وكنت الضي في عينك وكنت السقم في ثيابك

سقا الله يوم كنتي الارض أنهار وشجر وقصور
ديار نورها من طاقتك .. وأحلامها بابك

عيوني ياشقى عيوني من الجدب الموت البور
أراضي مابها الا ماذوى وانهد في غيابك

أحبك كان لي قلب يجض من الجفا مقهور
وصار اليوم يفرح لو لقى به عذر يشقى بك

[فقيدة امها]

لو تعبتي من السفر

لوتعبتي من السفر وهمس اشواقي
او شكيتي من الضجر وناويه فراقي
قصي وجهي من الصور وواتركي الباقي
قصي وجهي والشحوب وعتمة الماضي الحزين
واتركي الشمس الطروب وعطر زهر الياسمين
اتركي ضي النجوم وطفي احداقي
قصي وجهي من الصور .. واتركي الباقي
انا في كل السحاب والمدى الصافي البعيد
طفل يلعب في السراب بان في الصوره وحيد
انا من كل الشجر ذبلت اوراقي
قصي وجهي من الصور واتركي الباقي

[فقيدة امها]

" رمـآد المصآبيح "

من رمآد المصآبيح .. إللي إنطفت في الريح ..
جيتك أنآ وقلبي ..
ومن سهآد الموآويل .. وبآقي قصيد الليل ..
جيتك قمر دربي ..
فيني تعب .. لآ والله أكثر ..
حآلي صعب .. لآ والله أكثر ..
وكنتي الحبيبة والصديق ..
وإللي خذتني من الطريق ..
وسكنتني أهدآبهآ ..
في قلبي شوك .. وفي عيوني شوك ..
شوفي أصآبعك إنزفت ..
من كثر مآ لمست جروحي وجففت .. دمعي الحزين ..
في صوتي ليل .. وفــ صمتي ليل ..
وإنتي الليآلي إللي إحلفت ..
تشعل نجومي بالظلآم إللي إنطفت .. من ه السنين ..
فيني تعب .. لآ والله أكثر ..
حآلي صعب .. لآ والله أكثر ..
وإنتي الحبيبة والصديق ..
وإللي خذتني من الطريق ..
وسكنتني أهدآبهآ ..
ياللي أغلى من سنيني ..
نآظريني لين تحسدني العيون ..
وإن حكوآ حسآدي فيني ..
وقآلوآ إنك تعشقيني ..
آه يآ محلى السوآلف والظنون ..
ليتهم مآ يسكتون ..
ولمآ تسقيني الغرآم ..
أسري بالنور والظلآم ..
وإتركي كل الكلآم ..
إنتي الحبيبة والصديق ..
وإللي خذتني من الطريق ..
وسكنتني أهدآبهآ ..

[فقيدة امها]

قلبي سراب
لآ تجي ‫..‬ قـلبي سرآب
‎مآتـت حروفي ضمآ
‎وعيني الليله سحآب
‎ومآهي للـقمرآ سمآ
‎ومآ بقى غير العتـآب
‎لآ تجي الليله
‎الكلآم العذب كله .. خله بآكر
‎يمكن الخآفق يروق
‎أنآ نآسي الحب والله .. مآني فآكر
‎وين دمي من العروق
‎إللي عندي مآ يسر
‎الحكي بشفآهي مر
‎هم وشجون وعذآب
‎لآ تجي الليله

‎لآ تجي الليله حبيبي
‎قلبي ظـلمآ
‎مآ هو ورد ولآ شموع
‎وإللي في ضلوعي رمآد
‎ و حب ذآبل
‎لآ حنين ولآ دموع
‎لآ تجيني ولآ تمر
‎الحكي بشفآهي مر
‎هم وشجون وعذآب
‎لآ تجي الليله

[فقيدة امها]

بكا ريح على صدر ديجور
في رثاء والدته الأميرة وضحى الحمود الرشيد - رحمها االله

طيري عصافير السحر عن هدبها
عينٍ تخم النور .. من قلة النور

كود الظلام اللي علق في عصبها
وعروقها تبكيه حسرات وغرور

الله .. مااثقل جفنها وإن جذبها
برقٍ لمحت فـ ضيه اكفان وقبور

على الدروب اللي عشقنا تعبها
لين اقفرت من كل حيٍ ومعمور

كنه يلج بوسط سمعي صخبها
أو هو بكا .. ريحٍ على صدر ديجور

طيري عصافير الهوى اللي شربها
غدير .. واسقاها من أوهامه بحور

يكفي عن أحلام الحياة وطربها
لو ساعةٍ ببكي على ساعة قصور

أصيح شمسٍ ما تمن بذهبها
تنثره قلبٍ صادق .. ودافي شعور

والا النهار اللي عيوني حربها
اقبالته لحظه.. وغيباته دهور

أصيح عسبان الحياة ورطبها
أو حبها اللي توَّه اليوم مبذور


والا الضلوع اللي حنيني كتبها
شعرٍ قراه الصبح غامض ومكسور

اصيح من باصيح واغلى عربها
شدوا زمان الشوك باعشاب وزهور

يا حيف وضحى نور عيني جنبها
وخذت غياب الشمس من مرتع الزور

وخذت وعقرت مهرتي في طلبها
وقفت .. ودمعي في محاجره .. مذعور

ما غير أناظرها ويصغر لهبها
لين إنطفت ناديت يا سعود ماجور

خذها الذي من فيض جوده وهبها
يوم لنا رحمة.. وظل .. وذرى سور

ياعلها عنده بعالي رتبها
عند الذي نزه مقامه عن الجور

وطيري عصافير السحر عن هدبها
عينٍ تخم النور .. من قلة النور

[فقيدة امها]

قالوا حروفي عمي

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسّك وأصدق الحب فارق
ياللي عيونك دم وعيونك عروق
ولهاث قلبٍ في نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

[فقيدة امها]

إنطلاق

راج ..
طيري في السما ..
شالته امواج الرياح ..
يا ترى وين نيته ..
انتزع حريته ..
وخانني مع السحابه .. والعجاج ..
انشر فْ كل السما ..
ريش جنحانك ..
يا طيري اللي عذبتك ...
قيود خلانك ..
كل زادٍ .. وانت في الاغلال جوع ..
وكل شربٍٍ وانت في سجنك هماج ..
يا رفيق الخير ..
لك حق تختار ..
بين الديار .. ديار ..
وبين الاهل صحاب ..
وبعض العمار قفار ..
راج طيري في السديم ودار ..
(لاواحلالاه ياطيري)
راج:طار في السماء

[فقيدة امها]

عيونك والعتيم


إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثر الظلام .. وراح السحاب وبارقه

إنتي عيونك هالمدى .. بحر وطيور مهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه

إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين
وين الوعد يامفارقه

إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه