رحلةٌ و ترحال.

[رحّال]

[رحّال]

[رحّال]

[رحّال]

[رحّال]

[رحّال]

اليوم انا سجّيت والخاطر اشتاتْ=عيّا يزين ويا عساها تساهيلْ
جتني تزور وْ مالها فالزّياراتْ=قالتْ وداعاً قلت انا ما اطول الليلْ

[رحّال]

مشيت الدرب مدْري وين؛ دربي وين ماخذني=رحلت ولا اخذت إِلَّا؛ بواقي من سنين الأمسْ.
سنين ارجيك ترحمني، سنين ارجيك تنقذني=من الآلام لكنّي عرفتك يا بخيل النفسْ.
ما عاد اقدر اعبّر لك، ابرحل لا تواخذني=شرحْت بصوتي العالي، شرحْت ابْخافيات الهمسْ.

[رحّال]

يطول الليل في بعدك، وانا اتقلّبْ على فراشي=ابي خدّك على صدري عساي ادفى من انفاسكْ.

[رحّال]

على طاري الحزن خذني معك في رحلة الاحزان=نبي نبحر على مركب بلا مجدافِ او دفة

[رحّال]

قالوا النّاس قبلي من تغلّى يِخلّا=لا تزيدين صدّك واقبلي يا بخيلة.

[رحّال]

إني وإن طال البُعادُ وهزّني=شوقٌ إليكِ وأحرقتني صبوتي
أخرجتُ بتلةَ وردةٍ أهْدَيْتِهَا=فكأنما أنتِ ابتسامةُ خلوتي

[رحّال]

المشكلة؛
‏ما تدركين،
‏إنّكْ على
‏اكبر خطا،
‏إلا بعد
‏ما تجرحين.!
ما تستحين؛
‏ما هزّك إحساسك ولا،
‏حرّك شعورك ذَا الأنين.
‏جيتي ولكن للأسف،
‏جيتي بخل،
‏جيتي شتا،
‏جيتي،
‏ولكن تلعبين.!

[رحّال]

يا بنت انا ما عاد بي؛ شدّة على طول الكلام=إمّا تجيني واضحة؛ وإلٌا اتركيني وارحلي

[رحّال]

تعبت وما بقا بي حيل عالتمثيل والتشخيص=ابدخل قاعة المسرح؛ ابدخلها وانا عاري
ابي حروفي كذا بيضا بلا اقواس وْ بلا تنصيص=ابيها مثلما بدرٍ ينوّر سكة الساري

[رحّال]

اشوم ولا احبّ اللي يعاندني كذا طبعي=واحبّ ارسم لك حدودي قبل لا ابْدا معك مشوار
تبيني مرحبا واقْلطْ واعدّك شيخ من ربعي=اجيك بكل حالاتي تحزّم بي ولا تنهار
ولكن مثل ما جيتك تجيني قبل ما ادعي=ولا تنشد عن الحاصل ولا تنشد وش اللي صار
وهاذي هي مطاليبي صياغة شعر من بدعي=سكبته قافِ في معنى عليه من الوفا تذكار