العودة   منتديات سدير > `·• أفياء أدبية •·´ > ¨° بيت الشوارد °¨

¨° بيت الشوارد °¨ خاص بكل ما هو منقول شعراً كان أو نثراً ..

الإهداءات

إضافة رد
 
أدوات الموضوع انواع عرض الموضوع
قديم 07-11-2016, 07:24 AM   #1
عضو مشارك
 
تم شكره :  شكر 18 فى 16 موضوع
حالد الشعلان is an unknown quantity at this point

 

تغانم شبابك يا بيض الوجـه دامـك شـاب :: ترى البدر لو يطلـع قمـر عـود أهلالـي

تغانم شبابك يا بيض الوجـه دامـك شـاب = ترى البدر لو يطلـع قمـر عـود أهلالـي
فلا تهجر المسجد وخلـك ورى المحـراب = ترى روضة المسجـد لهـا منـزلٍ عالـي

حكم ,, عبدالله ابن شائق


ألاجواد واجـد والمراجـل لهـا كسـاب
000000000لكن واعد العشـرة ليـا صـرت جمالـي
يطيـر الشـرار وكـل نـارٍ لهـا شبـاب
00000000ومن ولع النيران يصبـر علـى الصالـي
تجارب حياتي معجـزة وادروب أصعـاب
00000000ولقيت الرجال انـواع والـوان وشكالـي
صديق الشدايد ما خذا منـك علـم وجـاب
00000000وسيع الصدر يضحـك ولا هـو بزعالـي
صديـق الشدايـد لا ينافـق ولا يغـتـاب
0000000000يدلـه غريـب الـدار ويزيـن الجـالـي
وصديق الرخى عقـاب ومصادقـه عقـاب
00000000شجاع الحكـي والمـدح بالقيـل والقالـي
وصديق الرخى ما غير صورة ولبس ثياب
000000000يـا ليتـه يبرقـع مالـه شمـاغ وعقالـي
وعنـدي نصيحـه جـد ماقلتهـا لـعـاب
0000000أقول الصحيـح ونايـم القلـب يصحالـي
ترا خوة أهـل الطيـب يالطيبيـن أطبـاب
00000000يطيـب السقيـم وخــوة الاش سـلالـي
تغانم شبابك يا بيض الوجـه دامـك شـاب
0000000ترى البدر لو يطلـع قمـر عـود أهلالـي
فلا تهجر المسجد وخلـك ورى المحـراب
0000000ترى روضة المسجـد لهـا منـزلٍ عالـي
ولا تترك اللـي يزهمـك خايـفٍ مرتـاب
00000000ترى الذل مـا نجـى الثعـل بـا لتحيالـي
ولا لندى غير الفدى لـو تـروح أرقـاب
000000ومن ضاع شوره يا خـذ الشـور ويمالـي
ومن با شـرك بالعـذر لاتلحقـه بعتـاب
0000000ولا تشوف نفسك شيـخ والنـاس عمالـي
ولا تهين نفسك لو تجي بين ضرس ونـاب
000000000وهيبتـك لا تنقـص ولـو ربـع مثقالـي
وبنت الـردي لا يعجبـك زينهـا الجـذاب
000000000تراهـا كمـا المخيـال خيـل وتخيـالـي
ولو شفت حمر خدودهـا وثمـان أعـذاب
00000000لا بدك تمنـى ليـت مـا جالـك أعيالـي
ولدها لا ياشاف النقـى والملاقـى هـاب
000000000ذليـلٍ بخيـلٍ فيـه خفـخـاف وجفـالـي
أخذ بنت قـرمٍ طيـبٍ ساسهـا مـا عـاب
0000000تنومسك بنـت الشبـل ويجيلـك أشبالـي
أعيال الذياب تصير مثـل الذيـاب أذيـاب
00000000وعيـال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب
00000000وبـوم الخـراب ايقابـل العـش ويلالـي
الي صار راسك فوق يا طيـب الا نسـاب
000000000فـلا ينحنـي لقـدام رجلـيـن ونعـالـي
لكن الله اللي يكتـب الـرزق يـا خطـاب
0000000هو اللي يفـك البـاب ويقـص الا قفالـي
ولا يهمـل الا واحـدٍِ عايـفٍ الاشـبـاب
00000ولا ضيع أحقوق البشـر غيـر الا همالـي
وترى للقصايد كيف والكيـف لـه شـراب
00000وانا ما مشرب الا كيف راسـي بفنجالـي
ولا طاوع الجاهـل ولا جامـل النصـاب
0000000000000أقـدم يميـن الحـق واحــط معـذالـي
ولا ني بو الله طيبن لـه مـع مـن طـاب
000000000ومن طاب لي برخص له الحـال والمالـي
أكذب وانا خابـر واجامـل وانـا كـذاب
0000000000سنين مضـت هـي صـدق والا يورالـي
تلخبط جهاز المـخ وانهـارت الاعصـاب
0000000000وفورت دمـي وارتفـع ضغطـه العالـي
لكن في رجى اللي من رجى رحمته ماخاب
00000000000هـو الواحـد العالـي وهـو ربناالوالـي
وهو الخالق الرازق وهو المعطي الوهـاب
00000000000لـه الملـك كلـه والكمايـل والاكمـالـي
رئـوفٍ رئيـفٍ رحمتـه تنقـذ المنصـاب
0000000000يغيـث الديـار الممحلـه عقـب المحالـي
شديد العقاب ويعتـق المذنـب اللـي تـاب
0000000000عسـى مـا يوخذنـا بسيـات الاعمـالـي
كما قالـه الله فصبـروا يأولـي الالبـاب
000000000ترى الصبر زيـن وكلمـة الحـق تنقالـي
واصلي واسلم عـد مـا تنبـت الاعشـاب
000000000ومـا لاح بـراقٍ سـرى يشعـل أشعالـي
على المصطفى اللي وحد الدين والاحزاب
0000000000شفيـع أمتـه يـوم الهوايـل والاهوالـي

حالد الشعلان غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:48 AM.


Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه