الشاعر /حمد عبدالرحمن المغامس((الوردي))

[حمد]

صح لسانك يابو عبدالرحمن

ويعطيك الف عافيه اخي الكريم بن مغامس


والوردي شاعر تفخر به الخطامه واهلها

واتمنى له كل التوفيق

لسدير اروح دايـم فيـه موجـود=واللي عنـا يـم الخطامـة لقانـي
بين الجماعة ماكر الطيب والجـود=والطيب فيهم من قديـم الزمانـي
فيهم كرم للضيف ماهوب محـدود=يلقى الصحون بها هراف سمانـي

[بن مغامس]

اشكرك لمروك اخي الصيدلي

[( عابرة سبيل )]

.
.

"صحـ لسانكـ مليون...ولسانـ شاعرنا القدير"الوردي "

... بن مغـــ ـ ـ ـ ــامس ...

"قصائد... اعتلت سماء الابداعـ والتالق"

تعجز الكلماتـ عن البوح فالحديث

عن القمم لايكــون بالسهولـة التي

نتوقعها وأنت قمة شامخة في

سماء الإبداعـ والذوق الرفيع

فأهلاً بكـ لنصعـد من خلالكـ

الى فضاء الروعة والتميــز

ونعانـق بقربــكـ سحـب

الإبــداعــ

دمت...بخير اخي ...
.
.

هنا مرت وتأملت ...ووقفت كثيراً

اختكـ.... دمعة ألم
.
.

[بن مغامس]

المشاركة الأصلية كتبت بواسطة دمعة ألم   . . "صحـ لسانكـ مليون...ولسانـ شاعرنا القدير"الوردي " ... بن مغـــ ـ ـ ـ ــامس ... "قصائد... اعتلت سماء الابداعـ والتالق" تعجز الكلماتـ عن البوح فالحديث عن القمم لايكــون بالسهولـة التي نتوقعها وأنت قمة شامخة في سماء الإبداعـ والذوق الرفيع فأهلاً بكـ لنصعـد من خلالكـ الى فضاء الروعة والتميــز ونعانـق بقربــكـ سحـب الإبــداعــ دمت...بخير اخي ... . . هنا مرت وتأملت ...ووقفت كثيراً اختكـ.... دمعة ألم . .

حياك الله اختي وتشرفت بمرورك وكما اتمنى منكي دمج الموضوع هذا بالديوان المثبت نفسه بارك الله فيك وكما اتمنى ان يكون بنفس الخلفيات

شاكر ومقدر لك حسن وادب تعاملك اختي

[بن مغامس]

هذي القصيده قالها الشاعر عندما سافر ابنه النقيب/عبدالرحمن الى الولايات المتحده الامريكيه بدوره

ابـدا بذكراللـي خلقنـا ولنـا رب=رب صلاة العبد لـه مـع صيامـه
للمعرفه والعلم كـل ضـرب درب=يبي يحقـق رغبتـه مـع مرامـه
يابو حمد اوصيك في ديرة الغـرب=حتـى تعـود للوطـن بالسلامـه
لوكنت ضابـط فاهـم قـد تـدرب=اعرف ترى مثلك عليـه الملامـه
الرجل الى من راح بعيـد وتغـرب=مارفـق الا طيـب بـه شهـامـه
المنحرف حذرى تجي لـه تقـرب=جنب طريقه واتركه مـع خمامـه
يقولـه اللـى راح قبلـك وجـرب=واللي مجرب لزوم تسمـع كلامـه
احرص على الدوره حذرى تهـرب=خلـك بهـا متمـيـز بالعـلامـه
بالي معك مشغول بالحيل يالـذرب=ابوك يهوجس بك ترى في منامـه
مدة غيابـك يالسنافـي المعـرب=نسلى بها بيـن الربـع بالخطامـه
احرص على لينا وحذرا من الضرب=عطها مطالبهـا ومعهـا ابتسامـه
وحمد سمي جده له القلب يطـرب=حبه بوسط الجوف بانـي خيامـه
تمت بذكر اللي لنا يفـرج الكـرب=رب خلق عبـده وكـون عظامـه

[عبدالله الشويمان-الرعد]

الاخ بن مغامس

بيض الله وجهك على نقل قصائد الشاعر حمد المغامس في هذا المنتدى الطيب.

وصح السان الشاعر..

ومع احترامي تقبل تجيتي وسلامي.

[عبدالله الفـارس]

المشاركة الأصلية كتبت بواسطة   يقوله شاعر شعره عدال ولا يجيـه الميـل من آهل سدير شاعر يعتز عـزوة تميمـه

أنعم وأكرم به

شاعر تفخر به سدير وتميم

يعطيك العافية اخوي بن مغامس على نقل قصائد الشاعر الكبير الوردي ,,

[بن مغامس]

سوف اقوم بتنزيل قصائد اضافية ومن عندة قصايد لايبخل علينا

والشهر مبارك علينا وعليكم والله يتقبل الصيام والقيام