قبلان لو تتنازل اليوم غلطان

[خالد بن محمد]

بسم الله الرحمن الرحيم

السلام عليكم ورحمة الله وبركاته

أخواني أخواتي أكيد لا تخفى عليكم قضية بدهان الشمري الله يفكـ أسـره

وكان لي تعليق على هذا الموضوع بأبيات متواضعه أتمنى تنال إعجابكم

وأتمنى فهم القصيدة قبل أي نقد

للإستماع



للحفظ

اضغط هنا

والقصيدة كتابيـه

قبلان لو تتنازل اليوم غلطان

الناس تنخى لجـل بدهـان قبـلان=وقبلان في قلبه جـروح ٍ عطيبـه
قبلان لو تتنـازل اليـوم غلطـان=الناس ما حست بحجـم المصيبـه
اللي حصل شيء عظيـم وبهتـان=واللي حصل أشياء ياهـي غريبـه
صعبه على الرجال يا ناس ينهـان=وما يفيد في فقد الكرامـه ضريبـه
لـو إن قتلـه بالغلـط أونسيـان=إن كان يغفر لـه خطـاه ويجيبـه
لكن قتلـه واضـح ٍ فيـه طغيـان=وابوهـقدامـه دموعـه سريـبـه
الذل والتصغير والضـرب حقـران=والله قهر يفتـح جـروح ٍ صعيبـه
المعذره يالشمـري انـت غلطـان=وهذا نصيبك فـي حيـاة ٍ عجيبـه
ما هو قصور بالقبايـل ونقصـآن=تسلـم قبايـل يـام حتـى عتيبـه
وما فيه شك بالشـرارات شجعـان=وفعولهـم للخيـر دايـم صويبـه
إن كان يـا قبـلان بتفـك بدهـان=خل شوفك بعيد ٍ والآخـرى قريبـه
أطلب أجر ربي وقربـه بالإحسـان=واطلبه رحمه لابنك بـدون ريبـه
تنازل بدنيـا ولا تصيـر زعـلان=أصبر وعنـد الله مـا فيـه خيبـه
لا تنخضع في فزعة المال يافـلان=اخضع لرب ٍ صـار كـل ٍ حسيبـه
ويله عسا ماجاك هو أخر احـزان=وما تذوق حزن ٍ ثانـي أو غليبـه
غلطان منهـو لام قبـلان غلطـان=الحـق حـق وكلنـا نهتـدي بـه
لكن ربـي عنـده اليـوم برهـان=أجـر عظيـمٍ وكلنـا لـه طليبـه
فكر بعقلك واحتسب قـول قـرءان=اللي عفا واصلـح اجـوره مثيبـه
وهذا حكم ربي رضينا يـا بدهـان=اللي خطا يلقى بخطـاه المصيبـه
لولا وجود السيف في حكمنا كـان=راس الطفل يطلع به اليـوم شيبـه
ويسيد في حكم البلد شـر طغيـان=وراعي الزهاب يروح منه زهيبـه
ويالله عسا ربي يفك كـل ندمـان=وما ينقتل حطـاب سبـة حطيبـه

الشاعر: خالد بن محمد المحفوظ

[M.M.Z]

وعليكم السلام ورحمة الله وبركاته

الله يغفر لميتهم ويصبرهم

مشكور جدا عـ القصيدة ,, والله يكتب اللي فيه خيرة

[بنت المناااعير]

صح لساااااااانك ويسلم قاللك ياأخ خالد

وتستاهل النوماس على ذا القصيدة ..


تحياااتي ..

[خالد بن محمد]

المشاركة الأصلية كتبت بواسطة M.M.Z   وعليكم السلام ورحمة الله وبركاته الله يغفر لميتهم ويصبرهم مشكور جدا عـ القصيدة ,, والله يكتب اللي فيه خيرة

العفوا اخي الفاضل وجزاك الله خير

ومشكور على المرور والتشريف والرد الجميل والرائع

تقبل مني أرق التحايا

خالد بن محمد

[ســــامـــيـه]

السلام عليكم

قصيده رائعه

جزاك ربي خير

[فارس تميم]

//

::

//
أخي الشاعر الرائع خالد بن محمد

أسلوب جديد لطلب العفو

أسأل الله تعالى أن ينفع به

وأن يرحم المتوفى ويسقيه في الجنة عسلا مصفى

وأن يفك رقبة بدهان الذي أغواه في لحظة غضب الشيطان

وأن يحييه حياة سعيدة

وألا يحرمك أجر هذه الشفاعة

تقبل تحياتي

وأرجو من إخواني الكرام عدم الرد على هذه القصيدة قبل سماعها

فقد يقولون قولا يندمون عليه
//

::

//

[// سديراويهـ //]

مشكـــــــــور اخوي

القصيدهـ مررهـ مؤثرهـ

واللهـ يكتب الي فيهـ الخير,,

دمت بود,,

[بسمة سدير]

صح لسااااااااااااااااااااانك أخوي خالد


والحمد لله على كل حال


(وبشر الصابرين الذين إذا أصابتهم مصيبة قالوا إنا لله وإنا إليه راجعون)


والله يغفر لأمواتنا وأموات المسلمين أجمعين


...

[سعود الخليل]

صح لسانك اخوي خالد بن محمد على هذه الأبيات ...

وللأسف هناك من يطالب ويزعل ويغلط على والد المقتول لانه لم يتنازل ولم يسأل نفسه عن سبب القتل او حيثياته ؟!!

نسأل الله ان يكتب الخير في هذا الموضوع وغيره ..

[شـمـ إمرأة ــوخ]

مسائك ...رحمه... وعطف ... كلماتك كشفت المستور ..
الكلــــ يترجى ويطلب ... ويتوسلـــــ والأب المسكين يتعذب ...
من فراق فلذة كبده أمام ناظريه ... ومن ترجي الغير له ..
مهما كان جرحه أليم جدا ... وغائر لن يشفى ..

اول ابيات تلتمس العذر للأب ... وكأنها تستسمح الناس أن لم يلبي مطلبهمـ
حق قصة مؤلمه ... تنبض بأوجاع شتى من جميع الأطراف ..

( خالد بن محمد ) حقا أبدعت ... وأنصفت ... وذكرت ... وأملت ..
لقد نثرت كلمات درر .. وكونت سياقا فريد من نوعه لــ ( قبلان )
اقف عاجزه امام قلمك .. فـــــــ هنئا له بكــــــــ ..

(خالد بن محمد ) ليس بوسعي الا تقديم أوفي كلمات الشكر
والتقدير... لنبضك الصادق ... وأحرفك التي تنبض بنبضك الوفي ..


لاتبخلـــــــ علينا بكلـــــ جديد نحن بأنتظار أحرفك الجزله ..

[طالب علم]

صح لسانك يا خوي خالد

والله يكتب الي فيه الخير

وبارك الله فيك


سلام

[خالد بن محمد]

المشاركة الأصلية كتبت بواسطة بنت المناااعير   صح لساااااااانك ويسلم قاللك ياأخ خالد وتستاهل النوماس على ذا القصيدة .. تحياااتي ..

صـــــــــــح بـــــــــدنــكــ وتــــــســلمين غاليتي

ومشكوره على المرور و التشريف غاليتي

[خالد بن محمد]

ســــــــاميه

عليكم السلام

تسلمين غاليتي والله يعافيك

والف شكر على المرور والتشريف

[خالد بن محمد]

فارس تميم

الف شكر لك اخي الفاضل على الإشاده الجميله

والرائعه والله يعطيك الف عافيه اخي الفاضل

ولا عدمناكم

تحياتي للجميع

[خالد بن محمد]

ســديراويهـ

العفوا أختي وحياك الله

ومشكوره على المرور والتشريف والرد الجميل والرائع