مرة من المرات تحوم كبدي عجزت انام
وكنا بأيام الدراسه جت الساعة وحده ولا قدرت كل ماحطيت راسي
احس بغثيان ، رحت وقومت اخوي قلت ما اتحمل بروح اخذ علاج
ي اني معلقه لا انا اللي طلعت ولا انا اللي نمت هههههههه
ورحت وليتني مارحت حطو المغذي وطلع اخوي وجلست ساعه
وجت ممرضه لا اعلم كيف اوصفها حسبي الله عليها ههههههه
مدري عاملة نظافه ولا ممرضه ولا دكتوره
لابسه بالطو ولا لفت حجاب وقصيره وسودانيه ولابسه ذهب《جايه من عزيمه ههههههه
وهي تشيل الغذايه مرتاعه تلفت يمين ويسار وشالتها بشكل غلط ولا حطت قطنه والدم تقول بزبوز
يصب ويقطر ع المفرش انا ارتعت خفت يقضى دمي هههههه
والمشكلة اني ساكته ولا هاوشتها《لسانها طويل مدري وين توزا
وتركض تدور ع قطن خلف الله ع امها وتحطه بيدي ثم قالت معليش لا تعلمين احد
انا اول مررره اشيل الغذايه من احد وانا طرما هههههه
ويوم طلعت بسيب المستشفى اشوف حادث وشباب كثير يفحصونهم
وانا امشي جتني دوخه ،سيارات اسعاف وشباب يتهاوشون
وابي اكلم اخوي اقوله يمسكني الاه تقدمني مالحقت عليه
واسقط ارضا 《قلبها رهيف
عاد مايحتاج التجمعات اللي صارت ههههههه يحسبوني مت اتوقع
ولاقويت اقوم ،قال الدكتوره نرجعك للغرفه قلت لا انا طيبه مافيني شي《عنيده
وطلعت ووصلت البيت ع الساعة ثنتين ونمت وانا انتفض رغم اننا بالصيف
والمسكينه امي جت تقومني اصلي الفجر رفعت المفرش وتشوف فيني تلاطيخ دم ولزقة الغذايه
وترتاع وتهزني وش ذا ؟؟
واقولها قالت ليش ماقلتي لي
قلت ماله داعي ازعجس وانتي نايمه
وسلامتكم