يامبدعين في منتديات سدير ،،،تعالوا شوي

زهرة · 23-09-2005, 06:14 PM

سلام الله عليكم ورحمة الله وبركاته

عنوان الموضوع يامبدعين ،،،بس اللي مب مبدعين لا يطلعون عادي خليكم يمكن نستفيد منكم
طبعا تعرفون ان الابداع لا يحده شيء ولو عطينا انسان مبدع حجر لابدع فيه واخفى معالم الحجر<<بلا مقدمات وعطينا اللي عندك
فاطلقوا العنان لابداعاتكم وعطوني افكار وسائل تعليميه للدراسات مع ان الدين قليله فيه الوسائل التعليميه ،
فالاسبوع الماضي عندي تطبيق وكان درسي عن السند والمتن وطبقات الرواة والدرس هذا ركزت فيه على السبوره وقطعت عمري وانا اشرح فيها والسبوره تعتبر وسيله لكن المشرفه نقدتني ،،
تبغى اي وسيله00
فعطوني أفكار للتقويم وطريقة عرض الاسئله على لوحات في اخر الحصه بحيث اغير عن طريقة الالقاء00

تكفون الفزعه،،درسي يوم الثلاثاء

وانا في انتظاركم000

ضاد · 24-09-2005, 12:43 AM

اها أثرك مدرسة يالغالية

وأنا أقول وش فيها تقول اطلقوا العنان اثرها تدور مصلحه

خخخخخخخخخخخخخخخخخخخخخخخ

أمزح يالغالية ويشرفني اني اعطيك وحده من الأفكار

وهية تجيبين علبة فلينه اقصد فلينه عادية

وتسوين عليها زي الجيوب عرفتي كيف

وتحطين جوا كل جيب 2 او 3 وعلى كل جيب رقم

وتخلين الحصة زي الفرفشة شوي وتونس وراح تعجب المشرفة

وتخلين البنت تختار وكلها طبعا متعلقة بالدرس

وتخلين الوسيلة في المراجعه يعني كلها اسئله

عشان تعرفين ان البنات فهموا ولا لأ عرفتي

اذا عجبتك يشرفني واذا لا في لشيطان امزح

ههههههههههههههههههههههههههههههههه

زهرة · 24-09-2005, 11:39 AM

سديراوي تايون
لا الله لايقوله ان شاء الله منيب مدرسه،، أنا طالبه اطبق يعني كلها كم يوم وارجع طالبه مكروفه منتوفه00

وفكرتك حلوه وصدق فرفشه بس عسى البنات يفرفشون لانهم طابات ثانوي مب متوسط ،،
عاد بنات الثانوي فيهم كبر وشوفة نفس ،،الله يهديهم بس<<ياويلها من كرستاله
بس ان شاء الله ابدرس الفكره واطورها واسويلها ترتيبات،،

الف الف الف الف شكر لك سديراوي تايون،،والله لايخلينا منك

وابنتظر باقي الافكار00

مـــداد الأمـــل · 24-09-2005, 11:49 AM

هذا ونا مجهزتلك فكرتن حلوه الوعد بعدين طيب ,,

المهم انا عندي افكار واجد بس بجمعها لك ودخلي بالليل على الموقع ولا الماسنجر وأقولك بس الحين ارتب أفكاري وقولك ,,

اوكي ,,

زهرة · 24-09-2005, 12:14 PM

لا خلاص اســـفه والله معد اتعودها

خلاص ادخل في الليل الساعه 10 حلو؟؟
واخذ مافي جعبتك من أفكار،،
يسلمووو غاليتي

مـــداد الأمـــل · 24-09-2005, 12:22 PM

حلوين ,, انتظرك ولا انتظريني ,,وحده منا تنتظر الثانيه واللي تجي اول هي الفايزه ,,

ابو فيصل · 24-09-2005, 01:56 PM

الله يعينكم

التطبيق ممل خاصة ان المشرفه تبي وسائل تخلق من تحت الارض

الله يعينك زهرة

وليه ما تدخلين منتديات التعليم كالشريف والتربية والتعليم
ترى فيها اقسام متخصصة في كل المواد وفيها وسائل بالهبل ... بس مدري تصلح لـ طابات أو طالبات الثانوي

ابو فيصل · 24-09-2005, 02:29 PM

هذي بعض المواقع قد تفيد الجميع

http://www.moudir.com/vb/forums.php

http://www.alshref.com/vb/index.php

مشــاعر · 24-09-2005, 03:10 PM

يوووووه مسكينه ..

بس احمدي ربك انك عند ثانوي مب متوسط لان المتوسط يطيرووون العقل ومايخلونك تشرحين لو تطيرين..

بس عن الافكار ..

المشكله انه دين وصعبه انك تلقين افكار للماده هذي..

بس ادور لك في اقرب فرصه واقولك ..

يعطيك العافيه

الأم الحنون · 24-09-2005, 03:15 PM


	الأخوه والأخوات الأكارم بارك الله فيكم .. اتابع معكم بكل سعاده مواقع رائعه استاذ ابو فيصل كل الشكر لك وفقكم الله

سعد القاسم · 24-09-2005, 06:48 PM

والله ودي اني .... فاهم في ذا الامور بس المشكله .. ماحولي شي ...

طيب في رأيي الشخصي .. لو بكون .. مابين كل 10دقايق .. يتغير نوع الطرح ولا تستمري على شي معين ؟؟
مابين السبوره .. ومابين الكرسي الى اخر الفصل ومقدمته ... طرح اخذ وعطاء ... نقاش ؟؟...
مادري هذا الي عندي ولا لي بخص في هالامور << طيب كان ماتكلمت من اساسه خخخ

زهرة · 24-09-2005, 10:32 PM

أبو فيصل
صادق المشرفات يعلون القلب 00
ودخلت المواقع منها الشريف والفجر المشرق بس الوسائل ماتفي بالغرض ولا تخدم دروسنا واللي شفتها وسائل للتجويد وحنا ماندرس تجويد000
الله يعطيك الف عافيه على ردك وحفظت عندي التربيه والتعليم

زهرة · 24-09-2005, 10:36 PM

هلا وغلا اختي سديراويه
لا والله المتوسط احسن بكثير يقدرون جهودنا ويتفاعلون معنا
وفعلا مواد الدين صعب الوسائل فيها
مشكووووووووووره وخيتي وماتقصرين

زهرة · 24-09-2005, 10:44 PM

هلا بمشرفتنا الحنونه
سعدت بتواجدك اختي وحياك الله

00000000000000
الاخ س ق م
صح التنويع حلو ويصحصح الطالبات ،،لكن حنا نتسمر قدام وعند السبوره ما نسوي شي نخاف الحصه تنتهي والدرس ماخلص،،
وعلى ايامنا يوم كنا طالبات الحصه يالله تخلص وربي طارح البركه فيها اما حصتي اعوذ بالله مافيها بركة ابد

وان شاء الله احاول اغير على قولتك واروح واجي 00

وعلى العموم ماقصرت اخوي ويكفي تواجدك في موضوعي ،،وحياك الله000