|
رد: بيت القصيد للتعمير
ياللي نسيت الزمن وقلوبنا تعده كم ليلةٍ غبت والهاجوس يلعب بي لا انت مع القلب يالغالي ولا ضده كله سوى راحتي والا تعب قلبي يسيل قلبي على الخدين .. وارده خبرت قلبٍ من اللوعات ينحبي وان قلت لا بد يبرد زادت الشده شقيت انا منك والشكوى على ربي يا من يغيب القمر لا من ظهر خده الزين زينك وانا كثر الوله ذنبي من عانق السيف لازم يجرحه خده ومن يعشق الجمر فيه النار تشتبي |
رد: بيت القصيد للتعمير
جيــــت اتغـــلا ليـــتنـي ماتغــــليت
العيــد جبـته يـــوم جيــت اتغـــلا كنـــــت احــــسب إنــــي لوتغــــليت ماخـــطيت أثـــــره صـــحيــح إن من تـــــغــلا تخـــــــــلا كـان الهـدف من صدتـي يوم صديت أشـوف في قلــبك اذا لي محــلا لاتحــــســـــب إنــي صـــامــل يــوم قفـــــيت القـــــلب رافــــض عن هــــواك يتخــــــلا ماتدري إنك من على دنيتي جـــيت شـفت الــبدر في دنيـتي لا تجــلا ومـــــاتـــدري إنــك كـل مــا جيــــت لبيــــــت كــــنــــك تـــناديــــني ولك القلــــب هـــــــلا وماتدري اني لالمحتك تفديت اشوف حبك في فؤادي استحلا |
رد: بيت القصيد للتعمير
لولا الامل ما بقى بالدنيا رجاوي ..
لولا الامل محد(ن) بهالدنيا سلا .. لولا الامل ما اسفرت سود الهقاوي .. و اشرق شعاع النور والغيم انجلا |
رد: بيت القصيد للتعمير
كسرني الجرح واوقاته .. وحسيت العمر لحظات وساعه جرحك بقلبي .. اشوف الموت يسبيني اسير جروحك الصعبه .. سجين الهم والدمعات ظلمني قلبك القاسي .. بجرح(ن) مابرى فيني بصمت احكيك وانادي .. وقلبي ممتلي حسرات خفايا روحي تتألم .. ودمعي ساكن بعيني طعونك طالت اعماقي .. واداريها انا بضحكات وارسم بسمه بشفاهي .. واقول انك مهنيني انا من زود ما أحبك .. اكف الدمع والعبرات لجل ماتزعل وتبعد .. وجودك بس يكفيني ورود عتابي انثرها .. بأرق واجمل الكلمات واحسب انك تقدرها .. واثرك انت مشقيني صوتي لك وانا انادي .. احس بنبرته آهات انادي قلبك الخالي .. انادي وانت ناسيني انا اهديت لك قلبي .. ابي تشفيه من العلات لجل مايسكنه غيرك .. وتحلف ماتخليني ولكنك هديته جروح .. واهديته عنا وضيقات هموم تكبر بذاتي .. الم ابكيه ويبكيني دخيلك لاتخليني .. اعاني القهر والونات دخيلك حس بجروحي . .وكيف البعد مضنيني ابحيا هالعمر مكسور .. وحزني داخلي مامات تعبت احلم ولو مره .. تحس بقلبي وتجيني خلاص اتركني لحالي .. اموت بداخلي بسكات واحيا عمري الباقي .. ودمعي ساكن بعيني |
رد: بيت القصيد للتعمير
شلون تقول انساني وانت اصلاً حياتي --- وشلون تبيني انسى كل كلمهـ قلتها فيكـ
وشلون تبيني انسى اجمل ذكـريـــاتــي --- وكـل شي من حولي ينادي بسمك يبيكـ شلون ابتعد واعيش وحدي بآهـــاتــــي --- وشــلون تـنـساني وتقـول ابتعد ما ابيكـ انا مقدر على الهجر وطول المسافاتي --- أنـا مـقـدر ابتعد حبـيـبـي .. لازم اجيكـ ادري انــكـ مـنـت بـنـصيـبي يا غناتي --- وادري انــكـ لـغـيـري ... الله يـهـــنـيكـ ادري ان القرب منكـ من سابع المستحيلاتي --- بس بخليكـ ذكرى وبحافظ عليكـ انا مقدر اترككـ واعيش وحدي بمتاهاتي --- مـاتـوقـعـت بـيـوم انـي اقـدر اخـليكـ اسهر الـلـيـل لـجـلكـ افـكـر واحـاتـي --- يبكن عيوني لا ذكرتكـ وذكرت ماضيكـ والله كـنـت انــت ياحبيبي اول امنياتـي --- وكـنـت ابـيـع الـنـاس لـجـلكـ واشتريكـ انـا مـقـدر اوصفكـ يا حبيبي بكلماتي --- وشـلـون اوصفكـ.... قـول الي يرضيكـ يـعـني بعد هالـعشرهـ.... هذي جزاتي --- البعد والفرقا والصد وانا بالـحيل يغليكـ غيروكـ العواذل ونسيت اجمل هديّاتي --- آآهـ يالعاذل جعل ربي من دنيتهـ ينهيكـ |
رد: بيت القصيد للتعمير
ياطول ليل الرياض وياثقل دمه من يوم قلبي فقد له واحدن غالي من غاب عني ونفسي شايله همه إلين ضاقت من اسبابه سعة بالي فيني من الحزن مايصعب علي لمه وشلون أباافرح وانا ماشوفه قبالي ياحزني اللي تعبت ابوح في كمه والله لو ماانت ماكانت كذا حالي كلي جروحن على آهات ملتمه وكل جرح فيهم تعبه اقسى من التالي وياللي ينادي بعالي الصوت من فمه وش فيه قلبك غدا كنه الخلا الخالي باقول باكر يزول الغيم والغمه والشمس تشرق على دنياي من عالي ويالله ياللي عليك العدل والهمه ترأف بحالي وحالة من هم امثالي وترد من هو خذاني الشوق من يمه الغالي اللي بقلبي دايمن غالي الشاعرة : تذكار الخثلان |
رد: بيت القصيد للتعمير
ياشين حكي اسمعه مافيه طاريك
لاشك اداري ضيقتي عند الاحباب وان طالت الجلسه ومحد حكا فيك تروح لك كل المشاعر بلا حساب واعيد اذكرهم بسالف لياليك قصدي اجيب لسيرتك عندي اسباب وان كان احد خصني بهرجة فيك فزيت مثل الي من الذنب مرتاب محد درى عن نفسي الي تخفيك اخاف من كلمة مثل ليه الاسباب؟ ماعاد يسعدني ابد غير طاريك ولاعاد غيرك صار للقلب جذاب اضحك على دمعي على شان اداريك اخشى دموعي تكتشفني للأصحاب يازينها عزلة تجيبك وانا اجيك ولا اجتماع يجتمع فيه الاحباب |
رد: بيت القصيد للتعمير
مرت سنه يا بوي من وقت فرقاك
وقلبي الى هاليوم شمسه عتيمه مرت سنة فرقا وحسك وطرياك متوسد باوراق حزني القديمه مرت سنه وانا اتخضب بذكراك بدموعي اللي في عيوني مقيمه من عجلت في رحلة الموت ممشاك وانا حياتي ما لها اي قيمه البارحه في غفلة الليل اطراك قلبي ونادت آهتين فصيمه ومرت بعيني صورة ايام دنياك واوقات كانت في حياتي عظيمه ياما عطيت الناس من خير ما اعطاك ويا مسحت دموع ثكلي كليمه وياما يمينك سابقت خير يسراك حتى يدينك شبهوها بغيمه يابوي بنتك دربها صار اشواك ومعاد تمطر فارضها اي ديمه واللي خبرته يحسب حساب يمناك واشد ظهري فيه عند العزيمه ما مداك بس تموت يابوي ممداك الا وجا يهدي لعمري الهزيمه ومابين غبنة ذاك وجروح هذاك وفراق كلي منه روحي سقيمه وهذا انا يابوي من بعد فرقاك تذكار كنت وصار اسمي يتيمه |
رد: بيت القصيد للتعمير
صدق المشاعر يختفي عند لقياك
و تضيع معانيها و الفكر ساهي و تختفي حروفٍ رتبتها انا وياك و تزيدني حسرات و الهم راهي يضيق صدري كلما حان فرقاك تبين بي الآهات والقلب لاهي يستاسع الخاطر اذا حل طرياك وا قول عسى يارب لك اتجاهي وان كنت بعيده عنك قمت اترجاك ماهـيـب عـاداتك لـفـت انـتـبـاهي ينـتـابـنـي شـعـور ودي بـلـقـيـاك هـذا مـنى عـمري يـدوم جـاهـي اقول عسى ماشر ياقلب وشجاك تسلم عـسـاي دايـم بـك متـبـاهـي عـسـاك تـسلـم لـي و الـشر ماجاك يامهـجـتـي غـلاك بـالـقـلـب زاهـي |
رد: بيت القصيد للتعمير
ذعاذيع الشمال بعز ليلي هزت الشباك تبي تطرد هواجيس الغياب وتقطع أحلامي برد صدري وأنا " أشهق " من لقاك و " أزفر " بفرقاك ترى ما أقسى من غياب الحبايب .. غير أوهامي نبت بأرض السنين المجدبة حبك .. وصرت أهواك رضيت أعيش بآجمل ذكرياتك باقي أيامي حبيبي لو لقيت الي تبي من هالحياة .. هناك أنا باقي ( هنا ) لين اليالي تزهق آلامي على بابك وقفت أمس أبتسم لك كني أترجاك تعيد الي سرقته من هناي إن كنت قدامي مشينا من زمان .. وقدر الله ينتهي مشاك على درب الغياب .. وخطوتك أسرع من أقدامي تجاهلت الوداع .. وقلت لك : ياصاحبي وش جاك ؟! ترش الماء على رمضى الطريق .. وصاحبك ضامي !! حنين الي نقش إسمك على صدري وخلا شفاك تهجا ما يدور بداخلي من جرحي الدامي جمعني بالورق قصة وفاء .. عاشت على ذكراك طمست إسمك من أوراق القصيد .. وصرت بإبهامي ! أنا الوافي على كثر الذنوب الي تبي أنساك تحزمت الوداع .. وشلت لك تذكار بحزامي فمان الله .. رح فج الغياب ولوح بيمناك أبرسم صورتك في داخلي وأحيك بإلهامي جمعنا ماضي الحب الحقيقي يا عساي أفداك أبيك تطمن رموش السهر وتقوله نامي فزع بعض القصيد بهاجسي من هزت الشباك كتبت آخر تفاصيل القا .. وإنقطعت أحلامي |
رد: بيت القصيد للتعمير
ودي أشوفك قبل يآخذني (( الموت )) ما عاد كثر الي مضى من سنيني !!! وش حيلتي لا صرت بالقلب منحوت ؟؟؟ خلف الضلوع العوج بيني وبيني!!! ما أتحمل بعادك فلا تقطع ((الصوت)) ما تدري إني صرت أوحيك فيني؟؟؟ في ((غيبتك)) مليت أنا الشرب والقوت .. والنوم عيّا يحتضن جفن عيني !!! وأقعد أنا في الناس ((ساكت ومكبوت)) ومن كثر *صمتي* صار محدٍ يبيني !!! ما ودي تبعد عن مدايه ولا تفوت ،،، أخاف لحظة أفقدك من يديني !!! وأخاف تتأخر وأنا أموت منعوت ،،، من كثر شوقي لك وكثر الحنيني !!! يومٍ يمروا بي وأنا وسط تابوت ،، (( قدّام بيتك )) وأنت توّك تجيني !!! ما عاد ينفع عض ((( عنّابك التوت ))) يوم تسمع يقولوا : ** أصبح دفيني ** http://fashion.azyya.com/images/smilies/sddhgh.gifhttp://fashion.azyya.com/images/smilies/sddhgh.gifhttp://fashion.azyya.com/images/smilies/sddhgh.gif |
رد: بيت القصيد للتعمير
ليتني ما قلت أحبك .. ليتني لك ما حكيت ,,!! يتني ما قلت أحبك .. ليتني لك ما حكيت ,,!! وش يهمك؟ليه غبت؟! وين غبت؟! وليه جيت؟!.. دام ما هزّك غيابي وش يهزك.. لا لفيت؟! ~~~ ما تعوضني دموعك .. عن صدودك .. والجحود.. ليتني ما قلت أحبك .. ليتني لك.. ماحكيت ! ~~~ ليتني ما جبت طاري.. ليتني.. ريحت بالي وليتني في مثل حبك .. بالمحبه.. ما وفيت ! ~~~ كنت ما افهم بالخيانه.. كثر ما اسمع.. بالخيانه! وكنت وافي بالمحبه.. كثر ما عني.. سليت ! ~~~ وكنت أشوف الناس مثلي .. غلطتي وأكبرذنوبي ايه لاني بالمحبه .. في هواك انت .. ابتليت .!! ~~~ ايه لاني في عيوني كنت أشوفك شي ثاني .. وش أشوفك شي ثاني ؟! كنت ملك ! ما حيت.. ~~~ كنت أردد في غيابك.. أجمل بيوت القصايد.. كنت أرد (من يقول اني بنسيانك.. نويت؟) ~~~ ثم أردد (وان قويت أنساك ؟ نسيانك صعب!) وكنت أرددها بصوتي في غيابك.. بيت.. بيت.. ~~~ وطحت من عيني حسايف من مكان(ن) كنت فيه ما رقا به شخص غيرك..!! لا ولاغيرك.. رضيت ! ~~~ لأنك أول شخص عندي وآخر انسان(ن) أبيه ولأنك انت الي ملكني ولأنك انت الي قويت .. ~~~ يسكن بوسط الحنايا وان جرح قلبي يمون .. ساكن(ن) وسط الخفوق وفي عيوني له مبيت.. ~~~ جفني الأول فراشه وجفني الثاني غطاه.. ولو عطيته كل عمري أعتبرني ما عطيت ..!! ~~~ كنت مفرط في حناني .. وكنت مفرط بالغرام.. لين صرت انسان عادي.. في عيونك لو بكيت .! ~~~ من غلاتك ,, من قساتك ,, من جحودك للوفا .. من ضياع سنين عمري.. وأروع أحلام(ن) بنيت.. ~~~ أصبحت مثل الحطام الي تطاير في هبوب ..! ودي أستدرك شتاتي.. لا ضميت.. ولارويت ..!! ~~~ غير حبك.. يوم حبك .. ضيّع سنيني معاه.. !! حسبي الله..ان صدفتك .. وحسبي الله ان طريت.. ~~~ وين ما لديت وجهي.. ألمحك تضحك علي ألمحك تضحك علي ..!! وغير ربي ما شكيت ..!!! ~~~ مات قلبي وش بقى بي؟ أسألك بالله حي؟!!! والخفوق الي رميته في هواك اليوم ميت ؟!!! ~~~ كيف أنسى؟!..وكيف أسلا؟!..أسألك بالله كيف؟؟!! ولو اقول اني نسيتك .. يعلم الله ما نسيت ..!!! ~~~ طعنت(ن) أدمت جروحي .. من كفوف الي عطيته.. كل شي(ن) في حياتي... وإعتبرني ما عطيت .!!!!!!! ~~~ أكرهك ؟!! وأكره حياتي ؟!! وأكره سنيني معاك..!! وأوعدك ما احب ثاني .. طول عمري ما حيت ..!!! ~~~ وش يهمك؟! ليه غبت ؟! و وين غبت؟! وليه جيت؟!.. دام ما هزّك غيابي؟!! .. وش يهزك.. لا لفيت؟!!!! ~... |
رد: بيت القصيد للتعمير
اليــــوم أبكتـــبــ مــــن جديـــدي لـكـــ أبيــاتــ
مــن شـــــانــ تذكرنــــي إذا غبــــتــ عنـــكـــ مــاتــــدري أنـــــكــ لـــو تبــــاعـتــ منســــــــاكــ لنــــــــكـ ملكــــــــتـ الـــــروح وأصبــــح عمـــــري |
رد: بيت القصيد للتعمير
لو قلت أعزك ياحبيبي ماتكفيك العز من قدرك تصفق كفوفه ولو أوصف إحساس الغلا مايوفيك في حق الثريا قاصرات حروفه أقسمت لك باللي من الطيب معطيك ماشفت لي مخلوق هاذي وصوفه |
رد: بيت القصيد للتعمير
لا يابعد دمعٍ ذرفته بفرقاك عليك شوف اقصى المعاليق تومي . . من قالْ لِك لاغبت عني أبنساك خطرٍ علي لاشق عقبك هدومي . . قلّطتك بقلبي وقلت ألف حياك منزلك هذا حالفه ماتقومي . . وقهويتك بدم الغلا وقلت يفداك اقدع بعرقي لو عشانك أصومي . . لبيه لو اجرع طعونك وبلواك لبيه لو طير المفارق يحومي . . لبيه لو تفنا حياتي بذكراك لبيه لو خارت قواي وعزومي . . جابتني الاقدار لي حد مرساك وخلتني افبحر التوجد أعومي . . واشغلت دنياي الكريمه بدنياك واحرمت عيني بالهوى حلو نومي . . ببقا على حبك لو الوصل ينعاك يكفيني طيفك لا عَرَض في حلومي . . عهدٍ على قلبٍ من الشوق ناداك ما انساك لو انسا ربوعي وقومي . |
| الساعة الآن 07:06 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه