|
رد: بيت القصيد للتعمير
دك الحشى من ماضي الوقت دكّـاك وباب الرجاء عن باقي العمر مصكوك ملكت شيٍ فـاق عـن حـد الإدراك وتفويض عن باقي الطريقين وصكوك والهـم لـه بيـن المعاليـق شبّـاك وقفل المحاني من عنى القلب مفلـوك ياقلب لو طيبك مـع العالـم أغـواك الطيب ما ينفع مع الناس ... ضرّوك الطيب في عيـون المخاليـق خـلاّك عرضة لضحكة كل هافي وصعلـوك ويا قلب لو حلمك عن الهافي الهـاك ولو فيه ناسٍ عن أهل العرف حـدّوك حذرا تغيّـر باقـي العمـر مبـداك يا بوك وشلك فـي الردييـن يابـوك الطيب لو ترجيـه هالوقـت ماجـاك وستر الشكاله تالـي الأيـام مهتـوك الحنظله ماهيب تجنـى مـن الـراك والراك ما ينبت من عروقـه الشـوك لولاك ما عاشوا مع النـاس لـولاك وياليتهم عن ساقـط الهـرج علّـوك كم واحدٍ في ماضي العمـر خـاواك ويوم أرتوو من نبعك العذب عافـوك وكم واحدٍ في مـا مضالـك تهقـواك ويوم اللتفت لينه مع الزمـل متـروك بعض البشر في هالزمـن داك ودواك والبعض لا جت حزّة الضيق خلـوك ويـا راس لا تتبـع سفيـهٍ تعـدّاك ولا تلتفـت لـو بالخثاريـق بـذّوك خابرك ياراسٍ على الطيـب مربـاك تشوم عـن درب المناقيـد وتصـوك قد جاك يا راسي من الوقت ما اكفاك ومن عشرة اللي بالمشاريـه بـرّوك أنهاك عن طبعـك ولا كنـي أنهـاك لين أنهم عـن مقطـع الحـق ردّوك والحين مابه شـي يـا راس يخفـاك ولا يلحقك في اللي مضى ظن وشكوك أتبع طريق اللي عن العيـب عـدّاك وأرض الثنين الي على العز ربـوك وياللي خفوقي صار في كف يمنـاك ومشاعري عن كل هالخلـق بـدّوك الخافـق اللـي يـوم ناديـت لبّـاك وأصبحت مع دم الشرايين مشـروك لا تجرحه دامه علـى الغيـر بـدّاك القلـب لـك ياسيـد القلـب مملـوك وأنا أدري أن به ناس غيري تمنّـاك وبه ناس في حبي وقربـي تحـدّوك والله ما يسوون في الأرض ماطـاك لو كان من كثـر الأكاذيـب غثّـوك تسابقوا كلن فـزع يطلـب رضـاك وفي ظنهم عن حـب غاليـك لـدّوك يا جعل من خـان المواثيـق يفـداك وناسٍ بأسامي ما تليق بـك سمّـوك ناسٍ ليا جاء ذكرك العطـر تشنـاك ياليتهـم بعيـون مغليـك شـافـوك كم جابـك الهاجـس لعينـي وودّاك وأفز لا جت سالفـه فيـه واطـروك وكم مرةٍ لا سج فـي الليـل نـاداك لا دكّبه من جايـر الشـوق داكـوك وصيتي لك كل مـا حـان ممسـاك والنوم طيفه بين الأهـداب مسفـوك عيوني اللي طول عمـري ترجّـاك سلم عليهم كان في الحلـم مـرّووك |
رد: بيت القصيد للتعمير
اذوب غراما والحبيب الذي اهوى يعاملني بالهجر والقلب لايقوى
كفى ياغزال الروض اني متيم بلغن بي الاشواق لغاية القصوى تكذبني العزال فيك ولوعتي تصدق لي في حبك القول والدعوى اناجيك في امري فتغدو لاهيا وشأن غرامي فيك لم يحمل اللهوى واحسن حال في الهوى موت ذي الهوى اذا كان لايرعى له الود من يهوى اعذروني ان كنت قد عكيت وانا لست شاعر لكن اصريت ان اشارك بشعر من تاليفي ولاادري ان كان موزون ام لا |
رد: بيت القصيد للتعمير
ياصاحبي شكواي لك حزن والام
قلبي شكى من هجركم يا ضنيني ليتك تشوف الي مضالي من ايام ذقت القهر وذقت العذاب المهيني انا الذي وافي على درب الاحلام وانا ادري انك بايع ومـاتبيني صدقت فيني هرج القفا وهرج نمام اقفيت ما حطيت عيـنك بعينـي لايشغلك كذب العواذل والوهام قصدي شريف لاتسمع الهرج فيني سهران ليلي يوم كل"ن" غفا ونام طيفك يسامرني معي كل حيني هذي بيوتي خطيتها لك بالاقلام عسـاك تسمعها وقلبك يليني وانسا العذاب الي شغلني من اعوام وابقـا معك بللـي بقا من سنيني |
رد: بيت القصيد للتعمير
ياصاحبي الدنيا حكايات وعلوم..
قصص عجيبة تذهل الي قراها.. الدنيا لو تضحك معك دايم الدوم.. خلك فطين ولايهمك رضاها.. كم واحد تبنى له أمال وحلوم.. يفني وغيره يهتني في بناها.. ياما أفرحت قوم وأحزنت قوم.. وكم أعشقت عين وخانت غلاها.. ياصاحبي شفت أمس شف حالنا اليوم.. دنيا تقلب يكفي الله بلاها.. اليوم لامنه بغت عيني النوم.. تنكدت روحي وعافت كراها.. ماكل من علا بالأصوات مفهوم.. وماكل روح تلتقي في مناها.. وماكل من يشكي معذب ومحروم.. وماكل من يضحك همومه نساها.. بحرالحياه إن صرت ماتعـرف العوم.. يرميك في غبه بعيده مداها.. من راح يستسلم من أحزان وهموم.. يموت حي وحاجته ماقضاها.. واجه هبوب الوقت بإيمان وعزوم.. لابدماربك يهدي هواها.. وأصبر إذا شمسك حجب نورها غيوم.. الغيم بتفرق ويشرق سناها.. |
رد: بيت القصيد للتعمير
ليتْ آلمطر يوم آرتكـَى صبّه على ذيك آلجروحْ..
طهّر بقـآيآ نزفـهـآ وآلآ محـآهآ كلهـآ وآلآ تزَهّل لي بجرحِكْ حيث جرحك [ جرح روح ] .. وجروح غيرك ذآخرينْ آلوَقتْ هو كفوٍ لهــآ وآلآ سترني صوته ولآبآن من فينـآ ينوح وآلآ سيوف آلبرد بعظآمي رفق مآسلهـآ وآلآ سمعني يوم آجر آلصوت وآشكيله وآبوح وآنآ تموت آلنفس مآشآف آلقريّب قلهـآ وآلآ تقآضى لي من آلدنيآ ومن حظٍ شحوح من بعد مآبيّن على حظي موآري غلهـآ أو ليت ريحة هـ آلمطر يوم آلمطر ريحه يفوح عآض آلكفوف آلي بكت من فقد ريحه خلهآ يآ ذآ آلمطر .. فيني تجمّل قبل لآعني تروح دوك القوافي مثل ماهي للحبيّب هلهـآ يآللي توسـدتْ [ آلغلآ ] .. عقـبه تلحفت [ آلطمـوحْ ] غَفيتْ وآلفرحه حلم , آصحى نبي نآصل لهآ آصحى مدآم آن آلآمـل يبني وسـطْ قَلـبي صروح ..! آصحى مدآمه صآمل بيوت آلعنـآ [ يشتلهـآ ] آصحى وعلم هـ آلحزن .. مآكل آمآنينآ مزوح .. يبآ يجي يوم ..آنتكآبر.. عن شموسه ظلهـآ آصحى ولآتظن آلصبر وجهه مثل وجهك [ سموح ] عِـقدة حجآجـهْ من زمـن وآنآ آرتجيـه يفلهـآ .. آصحى ترى كـلمه وعد منك مهـي برق ويلوح .. لآ وآلله آلآ مزنةٍ محيّ خفوقـي بَلهـآ .. ! وعدت قلـبي بآلسعآده وآلبلى قلبـي لحوح !! وآنـآ عجزت آصبره .. يلله تعآل وحلهـآ |
رد: بيت القصيد للتعمير
يامن مليت القلب شوق ن احيا به الحب ما هو لعبه ياللي تخاويني اعشقك عشق الطير لهام السحابه و ارقى عليها لو بالحب تسقيني ارضى اموت بعزتي في حضن عالي الجنابه بس اتأكد ان الذي ابغاه يــبغيني يامن عطيتك حب مانيب اسخى به الا للذي ارجيه و من صدق يـرجيني تكفى خل القلب ينسى الكدر و الكأبه و اعرف غلاتك يوم انا محتار فيني حرفي كتبته من وفاي و رحابه تكفى يا خل الروح لا تخليني |
رد: بيت القصيد للتعمير
(علـى فكـره) هلا بعـيـون اعـمـى والبـصـيـرة معـتـلـى حـبـة هلابـدقات قـلـب انحــرم مـن ابسـط احـقــوقـة حبيبـة قلـب رحـتي وبتـعـدتـي قـلـب وش ذنبـة عـلـى فكـره حـياتـي مالها فـي بعـدك اشـروقـة صطا فينـي محـبـة بنـت كـلـة شــوق مـن قـلبـة امـوت ابها وهـي مثلـي ولـه عاشـق ومـعـشـوقـة يـنـاس احـب كـل اوصـافـها والـزيـن مـن ربـة عـطاها ربـها ميـزة طـباع وزيـن مـــع مــوقــة مـعـاها كـل اوقـات اللـقـاء بالــذوق مـشـتـبـة مكـان فـيـة انتــي بالـعـطـر يمـتـاز في ذوقـة امـيـرة قلـب بك ملـهـوف لك محـروق وش طـبـة انا مـرضا تقـولــي ببتـعـد عـن قـلـب ياشـوقـة ************************************************** ****** كلمات الفنان / عبد الرحمن البريك |
رد: بيت القصيد للتعمير
اقتباس:
صياد أتمازحنا ؟ إنها لمحمد بن حسن وادي بن علي بن خزام الصيادي الرفاعي الحسيني المتوفى سنة 1328هـ ... |
رد: بيت القصيد للتعمير
اقتباس:
والله وهقه يالصياد جاك الموت ياتارك الصلاة حلها عاد |
رد: بيت القصيد للتعمير
يا رب هونها على اللي من الضيق
يشكـي عذاب الحظ والحظ مايل حاولت اعدل ميلها غصب وتضيق و عجزت اعدلها بكـل الوسائل و انا صبرت وفوق ذا الصبر ما طيق و اليوم رجم الصبر تحتي تهايل من سبة اللي خان كـل المواثيق اللي عن دروب الصوابِ يتمايل الصاحب اللي كنت احطه لي رفيق في ساعة الشدة و وقت الصمايل كـنت أرفعه من فوق روس الشواهيق و أجي ظلاله عن سموم القوايل و كـنت احسب العوجه عليّ قبل لاتضيق و ياما فعلت بحضرته من جمايل ما أمنه ا والله ولي المخا ليق لاشك ـ أبذكـ ر خبيث الفعايل خلاص ماني فاتح معه تحقيق خلاص ما أبغىله شهود ودلائل يوم انكشف صدي وضاقت طواريق يارب عدلها ترى.. الحظ مايل |
رد: بيت القصيد للتعمير
شكرا لكل من شاركني ويشاركني في هذا المتصفح الرائع والرائع بوجودكم واستمراريتكم فيه جزاكم الله كل خير وارجو عدم الانقطاع ومواصلة اسهامكم فانا بدونكم لااستمر بارك الله فيكم وجزاكم كل خير http://lh6.ggpht.com/_V8iWfdy0lZ4/TP...ward2u.com.jpg |
رد: بيت القصيد للتعمير
لاضاق صدرك من هواجيس الايام فاسجد وناج اللي علينارقيبي كم ليلتن عضيت بالسن الابهام قبلك شكيت ودمع عيني سكيبي ياما وياما عشت باحزان واوهام وكم جرح داويته وعيا يطيبي صوتك يذكرني بتحقيق الاحلام حلمن حلمته في الزمان الصعيبي لاجيت ابا اكتب طاحت اسنون الاقلام من نبرة الصوت الحزين الشحيبي الا على الذكرى وتحرير الافلام تتغير الفكره بفكرن عجيبي من اول الاحداث سالي ومنظام وفي اخر الاحداث شي مريبيي اصاحبي ماضاعة احقوق الايتام مادام للحق المطالب طليبي لاتلتفت لشرق والغرب والشام ولا تلتفته لذاهبه والذهيبي اضرب بسيفك واقطع اخشوم الاقزام واسجد وناج اللي علينا رقيبي |
رد: بيت القصيد للتعمير
يارب هونها على عبدك وباله طوله
لا تبتلي مدرك مخاليقك بجهل الجاهلين ناس أذكيا صاحين فالدنيا وناس مغفله يا ساتر ألطف بالعباد اللي رقودن من سنين اللي تبي ترقد وتبغا يوم تصحى منزله الهون قل يا تابعه ضايع من اللي ضايعين وأن ما رضا يضرب براسه في حصا ضلع جبله راحت على الغافين نومه وأنت سيد العارفين الميت اللي حي لين يجيه موته بوحله يالله عسانا فيه ما حنا بضمن الشامتين إن ما دخلت قلوب الأرض أحسن ثراها تدخله من لا نفع نفسه ترا مابه نفع للمسلمين يا هيه يا غاوين يا غادين يا اهل البلبله ناسٍ لهذا الحد رجعيه ورا متأخرين باب التفاهم عن جهلهم قم سده وأقفله يمكن بعد مليون عام يروح ويعدي تزين الجاهل يعلم ويتعصب لرايه وجهله الناس جايه والغبي مقفي عكس المقبلين أبو مركب نفس ما يلقا مكانٍ يقبله وشلون اجل مخطي الثنتين من دنيا ودين قصايدٍ يقولها البارح زمان مقوله مسكين يا لابس ثياب وعصر ناسٍ ميتين يا شين مأخذ حاجةٍ لأصحابها ماهيب أله يبغا ولو كان بردى راسه مع العالم يبين شعرٍ هذا اتلاه تبغى الصدق ينعاف أوله مافيه عفة حب قيس ولا فخر غزوة حنين من مهزله نطلع وندخل كل يوم بمهزله وهذا هو اللي حد من كثر إنتشار المبدعين كلٍ يقول العلم عندي سالم الزير أزهله ويذبح ويسلخ بس ما شفنا جنايز ميتين عشان ضحل الفكر ضحل العرف فكره ما أضحله حفظ له أسمين وقرا كتابين للمستشرقين في باله أنه صار أنشتاين مثل مستقبله يا ما أظلم الإنسان شوف الفرق ما بين الثنين كذبة زمن مفضوح وموهول وناس مهوله قامت تصلي شرق ما كنا نعرف الشرق وين خالف وتعرف تصبح أبو الفلسفه والمرجله أهل المهايط في زمان صاروا اللي مفلحين وألا وشنهو فعله اللي للتعالي وصله ما يدري إن الأنبياء وأهل القيم متواضعين قل للسفيه اللي يبي وقته خلاف يبدله ويحط له فعل ومكانه نحمد الله مغتنين أهل الثقه بالنفس معروفه وفعلاً تفعله والزود دايم تكمله للنقص عند الناقصين اليوم كلن راسه الأصلع نبت فيه نخله واللي مدانه بالردى لأهل الشرف تبغا تدين الطيب خلوه ألهله والشعر خلوه ألهله للمبدعين الأولين والمبدعين الحاضرين ترقاك يا ليل السهر عيني ونوب تحوله اللي رقيته من يسار الهم حول بي يمين أحاول أنقض كل بيت أبيت والنقض أفتله وارضي غرور الشعر وأكب اسهله للساذجين من حب هاذيك الجفول أطلع وأطيح بمشكله وأنا حسبت الحب جنة غصن كرم وغصن تين وشلون لا من جابها في كل شيء مطبله والعين وسدها السهر والقلب وسده الحنين الشوق أله والوجد أله والضحك أله والدمع اله والحب مثل العمر مره ما نعيشه مرتين اللي لو يطلب خفوقي قلت في كفك شله وقدمته بكفي وقلت أخذيه وشله تحترين وأقفى وأنا كفوفي غلا بالورد كانت مقبله ومن يومه ما عاد أبد شميت ريح الياسمين عطيته أجمل شيء في وراح ما أخذت أجمله ولا عاد أشوف الزين كلن في عيوني صار شين رغم إنه القاسي وهاجرني ولا رحت أسأله |
رد: بيت القصيد للتعمير
يارب هونها على عبدك وباله طوله
لا تبتلي مدرك مخاليقك بجهل الجاهلين ناس أذكيا صاحين فالدنيا وناس مغفله يا ساتر ألطف بالعباد اللي رقودن من سنين اللي تبي ترقد وتبغا يوم تصحى منزله الهون قل يا تابعه ضايع من اللي ضايعين وأن ما رضا يضرب براسه في حصا ضلع جبله راحت على الغافين نومه وأنت سيد العارفين الميت اللي حي لين يجيه موته بوحله يالله عسانا فيه ما حنا بضمن الشامتين إن ما دخلت قلوب الأرض أحسن ثراها تدخله من لا نفع نفسه ترا مابه نفع للمسلمين يا هيه يا غاوين يا غادين يا اهل البلبله ناسٍ لهذا الحد رجعيه ورا متأخرين باب التفاهم عن جهلهم قم سده وأقفله يمكن بعد مليون عام يروح ويعدي تزين الجاهل يعلم ويتعصب لرايه وجهله الناس جايه والغبي مقفي عكس المقبلين أبو مركب نفس ما يلقا مكانٍ يقبله وشلون اجل مخطي الثنتين من دنيا ودين قصايدٍ يقولها البارح زمان مقوله مسكين يا لابس ثياب وعصر ناسٍ ميتين يا شين مأخذ حاجةٍ لأصحابها ماهيب أله يبغا ولو كان بردى راسه مع العالم يبين شعرٍ هذا اتلاه تبغى الصدق ينعاف أوله مافيه عفة حب قيس ولا فخر غزوة حنين من مهزله نطلع وندخل كل يوم بمهزله وهذا هو اللي حد من كثر إنتشار المبدعين كلٍ يقول العلم عندي سالم الزير أزهله ويذبح ويسلخ بس ما شفنا جنايز ميتين عشان ضحل الفكر ضحل العرف فكره ما أضحله حفظ له أسمين وقرا كتابين للمستشرقين في باله أنه صار أنشتاين مثل مستقبله يا ما أظلم الإنسان شوف الفرق ما بين الثنين كذبة زمن مفضوح وموهول وناس مهوله قامت تصلي شرق ما كنا نعرف الشرق وين خالف وتعرف تصبح أبو الفلسفه والمرجله أهل المهايط في زمان صاروا اللي مفلحين وألا وشنهو فعله اللي للتعالي وصله ما يدري إن الأنبياء وأهل القيم متواضعين قل للسفيه اللي يبي وقته خلاف يبدله ويحط له فعل ومكانه نحمد الله مغتنين أهل الثقه بالنفس معروفه وفعلاً تفعله والزود دايم تكمله للنقص عند الناقصين اليوم كلن راسه الأصلع نبت فيه نخله واللي مدانه بالردى لأهل الشرف تبغا تدين الطيب خلوه ألهله والشعر خلوه ألهله للمبدعين الأولين والمبدعين الحاضرين ترقاك يا ليل السهر عيني ونوب تحوله اللي رقيته من يسار الهم حول بي يمين أحاول أنقض كل بيت أبيت والنقض أفتله وارضي غرور الشعر وأكب اسهله للساذجين من حب هاذيك الجفول أطلع وأطيح بمشكله وأنا حسبت الحب جنة غصن كرم وغصن تين وشلون لا من جابها في كل شيء مطبله والعين وسدها السهر والقلب وسده الحنين الشوق أله والوجد أله والضحك أله والدمع اله والحب مثل العمر مره ما نعيشه مرتين اللي لو يطلب خفوقي قلت في كفك شله وقدمته بكفي وقلت أخذيه وشله تحترين وأقفى وأنا كفوفي غلا بالورد كانت مقبله ومن يومه ما عاد أبد شميت ريح الياسمين عطيته أجمل شيء في وراح ما أخذت أجمله ولا عاد أشوف الزين كلن في عيوني صار شين رغم إنه القاسي وهاجرني ولا رحت أسأله |
| الساعة الآن 05:19 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه