...؟.....رحلتي الربيعيه.....؟....
السلا م عليكم ورحمة الله وبركاته....[/color][/size]
هذه بعض الصور من رحلتي يوم الاثنين 24/1/1428 إلى يوم الخميس27/1/1428 إلى شعيب النخيل الواقع قرب محافظة المجمعه وروضة نوره والحقاقه وروضه قريب من قرية بوضاء لا يحظرني اسمها واخيرا إلى روضة الخفس وكانت رحلتنا كالتالي... (وهو لازم فصحى) طلعنا يوم الاثنين بعد الظهر من الرياض متوجهين إلى روضة نوره قلنا نبي نتغدا فيها http://www.mekshat.com/pix/upload/im.../mk16233_1.jpg وبعدها نتوجه للمجمعه لأن فيه واحد من عيال عمي هناك وبعدها توجهنا إلى شعيب النخيل لأن اثنين من عيال عمي موجودين في هذا الشعيب ولأن الخيمه موجوده هناك وصلنا لم عيال عمي الساعه 9مساء صلحنا عشانا وعينا من الله خير في فجر يوم الثلاثاء صلينا وشبينا على القهوه والحليب والشاهي وتقهوينا وصحصحنا وضفينا معنا الخيمه.. http://www.mekshat.com/pix/upload/im.../mk16233_2.jpg http://www.mekshat.com/pix/upload/im.../mk16233_3.jpg توجهنا إلى الروضه القريبه من بوضاء تغدينا فيها وشربنا الشاهي.. http://www.mekshat.com/pix/upload/im.../mk16233_4.jpg http://www.mekshat.com/pix/upload/im.../mk16233_5.jpg http://www.mekshat.com/pix/upload/im.../mk16233_6.jpg وبعدها توجهنا إلى الحقاقه الواقعه بقرب روضة نوره صلينا فيها المغرب والعشاء وكان الجو فيها خيااااااال ويوم وصلت الساعه 10مساء إلا وهذاك الهواء اللي يهب علينا (هب علينا شمال) وتورطنا لأن الرواق ما يزبن قلنا وش السوات قال واحد من عيال عمي مالنا إلا نطق الخيمه قلنا صعبه اننا نطقها لأنها كبيره وهواء قوي قالوا اجل مالنا إلا اننا نزبن في السلابيق[/color](جمع سليب باق)ونخمد فيها وفي فجر يوم الاربعاء صلينا الفجر وشبينا على القهوه والحليب والشاهي وصلحنا الفطور http://www.mekshat.com/pix/upload/im.../mk16233_7.jpg http://www.mekshat.com/pix/upload/im.../mk16233_8.jpg وقعدنا نتمشى في الفيضه قالوا اللي معنا وش رايكم نروح لم الخفس الشماليه قلنا توكلنا على الله وبالفعل وصلنا هناك الساعه10 صباحا وماكان فيه احد ابد وكان فيه عج قلنا خلونا اطق الخيمه ازين لنا قالوا توكلنا على الله ,, ونطق الخيمه ونعين من الله خير ويوم جت الساعه12 بدو الناس يتخاطفون من عندنا وصارت الفيضه تقل حديقة الفوطه من كثر اللي فيها (اشوا اننا عزاب ندبر اعمارنا) قلنا اجل من اللي بيتولى الطبخ اليوم قال ولد عمي ابو عبد الله ازهلوها قلنا كفو والله ويضبط لنا هاك المضغوط والقرصان http://www.mekshat.com/pix/upload/im...mk16233_10.jpg http://www.mekshat.com/pix/upload/im...mk16233_11.jpg تسلم ادياتك يا ابو عبد الله نسييييييت اقول لكم عن الخروف اللي لقاه عبد الكريم ولد عمي لقا له نجدي حول ما يموت من البرد(لقاه في الحقاقه) خذه وشربه حليب وضبطه ونظفه وصار كنه واحد من عياله http://www.mekshat.com/pix/upload/im...mk16233_12.jpg نرجع لموضوعنا بعد ما تغدينا شبينا على الشاهي وبدت السواليف تروح وتجي إلين المغرب صلينا المغرب والعشاء وبدينا نصلح ما جنيناه من حندقوق(بابونج) يوم الخميس الصبح صلينا الفجر وشبينا على القهوه والشاهي كالمعتاد. قلنا طيب وش نسوي اليوم قالوا نروح نتمشى في الفيضه ونتمشى على شعيب محرقه الواقع قرب الفيضه الشماليه من روضة الخفس....... فيه بزبوز نسيت اقوله لكم مخترعه ولد عمي الصراحه اختراع رهيب http://www.mekshat.com/pix/upload/im...3_llllhkhj.jpg هذي لقطه وداعيه لخروف عبد الكريم http://www.mekshat.com/pix/upload/im...mk16233_14.jpg هذه الرحله بإختصار وارجو ان تنال اعجابكم واعذرونا على القصور..... *·~-.¸¸,.-~*محبكم: مصعب بن خالد العبيد*·~-.¸¸,.-~*[/QUOTE] |
رد: ...؟.....رحلتي الربيعيه.....؟....
ما شاء الله
يااازين الجمعه والدحوسه بالبر طلعه موفقه يعطيك العافيه على الصور والتقرير المرتب |
رد: ...؟.....رحلتي الربيعيه.....؟....
ماشاء الله
صور جميلة .. واماكن تشرح الصدر .. يعطيك العافية وما قصرت.. |
رد: ...؟.....رحلتي الربيعيه.....؟....
اقتباس:
الله يعافيس وان شاء الله يكون اعجبكم |
رد: ...؟.....رحلتي الربيعيه.....؟....
اقتباس:
|
رد: ...؟.....رحلتي الربيعيه.....؟....
مشاء الله تبارك الرحمن
الله يجزك خير وصفن ممتاز كننا معكم الله يعطيك العافيه |
رد: ...؟.....رحلتي الربيعيه.....؟....
يازين الربيع والمكاشيت ..
الله يهنيكم اخوي .. صور جميله وتوسع الصدر .. تحياتي .. |
رد: ...؟.....رحلتي الربيعيه.....؟....
ههههههههه أحسن ما في السالفة كلها الخروف
|
رد: ...؟.....رحلتي الربيعيه.....؟....
اقتباس:
|
رد: ...؟.....رحلتي الربيعيه.....؟....
اقتباس:
|
رد: ...؟.....رحلتي الربيعيه.....؟....
اقتباس:
|
رد: ...؟.....رحلتي الربيعيه.....؟....
خخخخخخخخخ
اما هالبزبوز سلمني على ولد عمك ذا المنتهي ههههههههههههههههههههههههه شاكر لك يابعدي التقرير والصور الرائعه تقبل مروري |
رد: ...؟.....رحلتي الربيعيه.....؟....
..
ياهلا والله بك ياخوي مصعب وحياك الله في منتديات سدير طلعة حلوة وتقرير جميل الله يعطيك العافية ولاتحرمنا من بصمتك المميزة دائما ً .. |
رد: ...؟.....رحلتي الربيعيه.....؟....
صور روعه
على فكره سلمني على ولد عمك وقله بزبوزك شي |
رد: ...؟.....رحلتي الربيعيه.....؟....
ماشاء الله تبارك الله
كفو يا مصعب هذي الكشتات والا بلاش بس السلابيق حركة :) رحلة موفقة ومشكور على التقرير يالغالي |
الساعة الآن 11:00 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه