|
نصائح امي
قالت لنا صاحبة القلب الطيب الحنونة الطيبة الغاليه والدتي تنصحنا ذات ليلة بنصائح من ذهب : بسم الله الرحمن الرحيم حياكن الله يابنياتي ياللي مقابلاتن كل هالوقت هالواتسب ماتشيلن عيونكن عنه عندي لكن كليمتين ودي اقولهن وابري ذمتي عند ذي الجلال والاكرام سبحانه يابنياتي وياحريم عيالي حنا ربي انعم علينا بنعم واجد مالها عد ولاحصر له الحمد والشكر وفاضت النعمة وصرنا نتجاكر اينا ازين مواعين واينا ازين حلا واينا الين فطاير وطلعت علينا هالحين الكيكات والكوكيزات والهوالات وبقر الجن ترى ذولي مهوب حرام والحمد لله كلشن فايض الله لايغير علينا بس الي ودي اقوله اننا هالحين مقبلين على العطله وبتكثر حفلات النجاح وبتكثر الطلعات والدخلات والعزايم والتجمعات مير يابنياتي ابسالكن سؤال: باقي هالاكل وين تودونه؟؟ والله اني شوف عيوني الي بتاكلهن الدود ان الشغالات ينسفن السماط باللي فيه في الزباله بقراطيسه وبالاكل اللي به ياااااادافع البلا اللهم صلي على محمد يكب بالزباله؟؟ وين خوفنا من الله وهالحريم قاعدات ويكهكهن ولا يناظرن خداماتهن وش يسون يابنياتي احتسبن الاجر وعلشان تدوم النعم الي بنسال عنها يوم القيامه الله الله واربن الاكل واسنه وزيننه ومن هالصحون البلاستك اللي معكن حطنه وغلفنه ووزعهوه على على عمال المحطات وهاللي بالشوارع والا اسالن من تبيه ترى به حريم ما يعافن ياخذن وترى مابه شيئ اخذه واحطه بتليليجتي واتقهوى عليه انا وعيالي من باستر وبه ناس يبون كسرة خبزه لوهي يابسه ولا يكبكب في الزبايل وهو زين وياليت ا للي منكن به سنع تحط بشنطته حقت المعاميل تغليفة الاكل وقسدير وصحينات كبار شوي علشان هي تزينه وتاخذ الاجر وانا يابنياتي ماقلت هالكلام الا من خوفي ان الله ينزع البركة من هالنعم اللي بين يدينا شوفن حال الدنيا من حولنا ناس تموت من الجوع وحنا ربي عطانا ومابغى مننا غير الشكر ياحبيلك يوم انكن سمعتن حيتسي وانا مابفيت غير النصيحة وترى الي تقدر النعمة الله يوفقه ويبارك له بعمره ويزيد برزقه ويعظم اجره ويحفظ عليه شبابه وصحته الله الله بالاحتساب وشكرا لكن على الانصات |
رد: نصائح امي
دائما نصائح الوالدين وخاصة الوالده تكون من القلب
بنت الاصول شكرا لك ع الموضوع الجميل |
رد: نصائح امي
توجيه جميل..بالأمس اطلعت عليه بالواتس..=)
حفظ الله لكِ والدتك.. شكراً عزيزتي بنت الأصول. |
رد: نصائح امي
اطال الله في عمرها كلامها يكتب بماء الذهب كم من اناس يموتون جوعا والكثير من الناس يرمون الاكل بالزبالة لاحول ولاقوة الا بالله وبالشكر تدوم النعم وماتراه انت لايساوي شيء ربما يساوي الكثير عند غيرك فقد سمعت قصص يشيب لها الولدان عن الجوع والجوعى في سوريا اشكركِ بنت الاصول واطال الله في عمر الوالدة ووفقنا واياها الى مايحب ويرضى
|
رد: نصائح امي
اقتباس:
مرورك اجمل ونصائح الوالده اجمل واجمل اشكرك على مرورك الكريم اخي الفاضل ابو الوردتين بارك الله فيك |
رد: نصائح امي
اقتباس:
امين يارب العالمين ومن قال الغاليه شا نيل مرورك رائع كروعتك شكرا لك |
رد: نصائح امي
اقتباس:
امين يارب العالمين ومن قال اشكرك اخي الفاضل صياد دمشق على المرور بارك الله فيك واطلب من الله ان ينصركم ويحقق لكم امانيكم وترجعون لدياركم مرفوعين الراس ومنتصرين على هذا العدو الغاشم في اقرب وقت ان شاء الله |
| الساعة الآن 06:11 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه