منتديات سدير
صفحة 1 من 2 1 2
عرض 40 مشاركات من هذا الموضوع لكل صفحة

منتديات سدير (http://www.sudeer.com/vb/index.php)
-   ¨° التصوير الفوتوغرافي °¨ (http://www.sudeer.com/vb/forumdisplay.php?f=65)
-   -   صور +فديو لأعمق بئر في سدير ...!!! (http://www.sudeer.com/vb/showthread.php?t=21888)

سعود الخليل 21-06-2005 01:12 AM
صور +فديو لأعمق بئر في سدير ...!!!
 
1 مرفق
السلام عليكم .... مساكم الله بالخير هذي يا جماعه أعمق بئر أو ( قليب) في سدير وهي قليب في مزرعة في الرويضه غرب المجمعه وطولها 45 متر وعرضها 25 متر تقريباً وعمقها حوالي 60 متر وحتى الآن ما بعد وصلوا للمويه الله لا يخسرنا ومن كبر القليب في وسطها ( شيول ) و(دقّاق ) يحفرون !! شي خيالي من جد ....

عموماً شوفو الصور :

http://sudeer11.jeeran.com/قليب1.jpg

http://sudeer11.jeeran.com/قليب.jpg

وهذا مرفق مقطع فديو /

فهد المنيع 21-06-2005 01:37 AM
مشاركة: صور +فديو لأعمق بئر في سدير ...!!!
 
والله الفاضين .. مطق وقضينا !!


بس يبون الناس يسولفون بها ..



فيه في دنانه واحد يشبه له على يمين الخط جنب الدكه الكبيره ..


مشكور على الصور واشوى انك ما طحتا فيها هع هع هع

أبو إبراهيم 21-06-2005 07:49 AM
مشاركة: صور +فديو لأعمق بئر في سدير ...!!!
 
والله من زود الفضاااااوه

والله

يعطيك العافيه

شريك المشاكس 21-06-2005 10:43 AM
مشاركة: صور +فديو لأعمق بئر في سدير ...!!!
 
اذا فاض عليهم الما

وين بيطلعون معه << سؤال في محله

جنون 21-06-2005 11:05 AM
مشاركة: صور +فديو لأعمق بئر في سدير ...!!!
 
[align=center]مشكور على هالصور ياغالي..
والله شكله شي..
ابجي اشوفه لازم..
<<<يلمح يبي احد يعزمه..[/align]

سعود الخليل 21-06-2005 12:09 PM
مشاركة: صور +فديو لأعمق بئر في سدير ...!!!
 
حالم ليل ...

وفيه مثل مصري يقول ( اللي معه قرش ومحيره يشتري حمام ويطيره ) ....!!!

سعود الخليل 21-06-2005 12:10 PM
مشاركة: صور +فديو لأعمق بئر في سدير ...!!!
 
famous

هلابك أخوي ومشكور على هالطله ....

سعود الخليل 21-06-2005 12:12 PM
مشاركة: صور +فديو لأعمق بئر في سدير ...!!!
 
شريك المشاكس

لا تخاف عليهم إذا لقوا المويه فيه رافعه كبيرة موجوده علشان ترفع التراب اللي يطلعونه من الحفر ....

سعود الخليل 21-06-2005 12:14 PM
مشاركة: صور +فديو لأعمق بئر في سدير ...!!!
 
جنون ..

الله يحييك وأنت تقولها مازح ؟! ترا المكان صار كأنه مزار ناس رايحين وناس جايين ,,, فجب معك زمزمية الشاهي والعد فيذاك ...

سلطان العضيدان 21-06-2005 01:41 PM
مشاركة: صور +فديو لأعمق بئر في سدير ...!!!
 
راعي الاوله

شكلهم يبون يطلعون على الصين من تحت http://www.sudeer.com/vb/images/icons/icn10.gif

وادي سدير 21-06-2005 02:02 PM
مشاركة: صور +فديو لأعمق بئر في سدير ...!!!
 
هذي قليب تستحق تسمى قليب عظيمه

او ام القلبان

ماهيب قليب وبس

الا عين او بحيره

وممكن تصير مسبح اولومبي




اذا انتهت وطلع فيها ماء تبي تصير معلم من معالم سدير


مدري منهو راعيها؟؟؟

اكيد هامور عقار والا اسهم

يعني جايته فلوس بلا تعب



وكم راصد لها تكلفه؟؟؟


ممكن تكلف ملااايين



مشكور اخوي راعي الاوله على هالصور

سعود الخليل 22-06-2005 02:19 AM
مشاركة: صور +فديو لأعمق بئر في سدير ...!!!
 
راعي الغاط


خخخخخخ الله يرجك انتبه لا تهظم عليكم الغاط بس .. من كثر الحفر !!!!

ذيب سدير 22-06-2005 10:35 PM
مشاركة: صور +فديو لأعمق بئر في سدير ...!!!
 
والله القليب ... الله يعطينااا من ما عطاه ..
شكرااااا

الحب اللي كان 23-06-2005 07:50 AM
مشاركة: صور +فديو لأعمق بئر في سدير ...!!!
 
[align=center]انا ماشلت الاهم راعي الشيول والدركتل ..
وشلون بيطلعون مواترهم .. هههههه

بعدين انتم متأكدين انها قليب ..

حشى ياخوي والله ذا صار ناطحه سحاب من تحت[/align]

النبع 23-06-2005 10:23 AM
مشاركة: صور +فديو لأعمق بئر في سدير ...!!!
 
مسكور اخي العزيز على الصور والله سامع عنها من زمان كان بودي ازورها

لاكن قصرت العنوه جزاك الله خير 0

ويقول الشاعر 0

كثر الدراهم يودعنك سنافي &&&& وقل الدراهم علة باطنيه


الساعة الآن 02:53 AM.
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه