البنات والشعر ...قصيده ..
 

يابنت ياللي بالقصايد تغنيــــــــن
..........جوزي عن الاشعار وش لك بالاشعار
خليك بالمطبخ وغسل المواعيـن
..........صعبه ترى يابنت تتغيــــــــــر الادوار
خليه لاهل الشعر يابنت تكفيـــن
..........وانتي لك ..البكله.. وروج.. واستشوار
تدرين ولا كان مانتي بتدريــــن
..........ترى قصايدكم طماطم مع خيــــــــــــار
شعر مكسر خالي من المضامين
..........ذوق جماهير الشعر طعم الامــــــــــرار
والبيض عند الشاعرة اسمه التين
..........ولاشافت الجربوع تقول ذا فـــــــــــــار
والشاعرة لو عمرها بالثمانيـــــن
..........تكذب وتعلن عمري بعمر الازهـــــــــار
تستخدم الميك اب وتكحل العيـــن
..........واصغرهن اللي عمرها عمر سنجـــــار
الشعر وين وشاعرات الغثا وين
..........طاحن بكبد الشعر لين الشعر ثـــــــــــار

منقول

هذا هجوم كاسح أخوي تأبط لو فيه هندنا شاعرات في المنتدى كان بتروح فيها !!!

بس ترى الصدق فيه شاعرات أفضل من بعض الشعراء فلا ننسى ( نوره الهوشان)
اللي يبينا عيت النفس تبغيه
------- واللي نبي عيا البخت لا يجيبه

ولها قصيده حلوه يمكن البعض ما يعرفها اللي تقول فيها :

قلبي يحب حبيبي مير يكوين
------ مكوى يبين القيح به قبل دمه
أبيه لو هو يطبخن ثم يشوين
------ يبرد غليل القلب خمه ولمه
يا ما حلا قولته هيش ياويش تبغين
------- أحلا من الطفل المغاغي على أمه

وغيرها من الشاعرات ولا تهون عابرة سبيل لاني معجب بقصائدها ..

أشكرك أخي من التويم على تعقيبك . لو لم يأتينا من الشاعرات إلا ( الخنساء ) لكفانا ولكني أعلم أن هناك شاعرات على قدر كبير من الفصاحة والبلاغة ويتمتعن بقوة الكلمة الشعريه . ونقلي لهذه المشاركه لايعني بأي حال من الأحوال إنتقاصي للشاعرات ولكني نقلتها للدعابه . ولاننسى الشاعرة الكبيره موضي البرازيه رحمها الله . وغيرها من الشاعرات اللاتي ليس هناك متسع لذكرهن . أكرر شكري لك وأقول لك ( لاتوهقني مع الحريم ) :D

صح لسان قاياها والله أنه صادق.....
قصيدة حلوة...........:D :D :D