خيم ظلام الليل عقب الفقيدة " تعديل "
ان القلب ليحزن وان العين لتدمع وانا على فراقك يا ابن العم لمحزونون [poem=font="Simplified Arabic,6,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black""]هذه قصيده كتبتها في رثاء فقيدنا الغالي محمد عبد الرحمن العبيد .. رحمه الله .. ما عاد باقي للفرح عندي اوطان=خيم ظلام الليل عقب الفقيدة ما عاد اميز بين ناصر وعثمان= ولا استطيع انطق بجملة مفيدة يومي تأكدت ابن عمي كحيلان=رحل وخلانا بنارٍ وقيدة يالموت ليتك ماخذ فلان وفلان=الي مفارقهم على القلب عيدة وخليت غالينا محمد بليهان=يقدم دروس للنشاما سديدة يشهد له القاصي ويشهد له الدان=في الطيب والمعروف حالة فريدة مهوب قولي وانشدوا كل انسان=العز والنوماس هو سيد سيده كريم نفس ومروي كل عطشان=ومن جاه في بيته بطيبه يصيده مهوب باير عزوته روس ويلان=رجالهم وقت الملاقا وليدة لكن نهاية كل حيٍ يالاخوان=الموت من عقب الحياة الرغيدة يا رب تغفر له على كل ما كان=يامن حياة الناس والكون بيده يامن وعدت راعي الذنب غفران=لا صار لك عابد وصافي عقيدة الطف بعبدك وابدل السي باحسان=انت الاله وتفعل اللي تريده واسكنه جناتٍ بها كل الالوان=مع زمرة محمد وصفوة عبيدة[/poem] |
رد: خيم ظلام الليل عقب الفقيدة " تعديل "
مرثية عظيمة وصادقة في رجل شهد له الجميع بالخير والصلاح الله يغفر له ويرحمه
الشاعر/ محمد العبيد .. صح الله لسانك وبيض الله وجهك على هذه المرثية المعبرة وهذا الوفاء للفقيد الله يرحمه ويسكنه الجنة تحيتي وتقديري لك |
الساعة الآن 01:01 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه