منتديات سدير - ياصاحبي * صوتية

ياصاحبي صحبتك اقرب للافلاس
ان ذقت من شره فلا ذقت خيره

ي كم عطيتك والعطا دون مقياس
امن الصغيره لين حد الكبيره

يا كم عطيتك حب واخلاص واحساس
وياكم وياكم والعطايا كثيره

وياما رفعتك عن مواضيع الادناس
وقدني حسبتك فالشدايد ذخيره

هو مادريت انك كما بين الاقواس
( صغيّر وكفوك فالامور الصغيره )

ياصاحبي ياللي من السفل منداس
ياللي علومك فالشدايد فقيره

والله لتبطي بك وانا شامخ الراس
شامخ ولا لي فالامور الحقيره

ان جيت حي الله ولو رحت لاباس
الله ولا شوف المشاعر كسيره

ولاباس ياقلبي ومليون لاباس
لايجرحك بعده وانا اقول خيره

يبقى بشر عادي مثل باقي الناس
تلقى بداله فالملا الف غيره

http://up.q8bbm.com/bb/0d51122215a8e08e1.mp3