منتديات سدير - جيت لمصافح مواعيد الفرح بيديك

منتديات سدير (http://www.sudeer.com/vb/index.php)

- ¨° بيت الشوارد °¨ (http://www.sudeer.com/vb/forumdisplay.php?f=109)

- - جيت لمصافح مواعيد الفرح بيديك (http://www.sudeer.com/vb/showthread.php?t=158580)

جيت لمصافح مواعيد الفرح بيديك

أبد والله.. سمعت بطاري عيونك وجيت اغليك
يقول القلب سلملي عليه ويطلب وصالك

حبيبي وش تقول بعاشق قصة غرامه فيك
نسى الدنيا ومن فيها وجا ينشد عن احوالك

حبيبي جيت لمصافح مواعيد الفرح بيديك
وجيت اعطي يمينك حب ماتدريبه شمالك

اشوفك واسمعك قبل اعرفك واشتاقلك وابيك
واحس آمال عمري من عرفتك تشبه آمالك

انا ماعشت قبل اعيش بحساسك وقبل اجيك
حبيبي جيتك بقلبي ولو ماجيتلك جالك

احاسيسي كريمه وانت تستاهل كرم غاليك
ترى لو ماأشرقت شمسك وصل.. رحت اتبع ظلالك

يقولون العرب دار بلا مغليك ماتغريك
واقول انك بليّا حب كنك عايش لحالك

انا لاجيت اسولف عن شعوري قمت اسولف فيك
وانا ادري رغم كل الشوق مامريت في بالك

دريت ان الغلا مثل القدر يرضيك لو يبكيك
ولاينفعك بعلوم الغلا عمك ولا خالك

مابين الحلم والواقع يصيبك حظي ويخطيك
متى تصبح قريب اللي وقف بآماله اقبالك

ولاتزعل من اللي لازعل منك رجع يرضيك
و لاتطري كلام البعد .... فال الله ولا فالك

رد: جيت لمصافح مواعيد الفرح بيديك

صح لسان الشاعر وصحت يمينك فقيده

دمتي بالف خير ودام عطائك

رد: جيت لمصافح مواعيد الفرح بيديك

لاهنتي على المرورك الجميل بقايا الذكريات
وباقة عطرك في متصفحي
اسعدك الله

رد: جيت لمصافح مواعيد الفرح بيديك

الله الله قصيده في منتهى الرووووعه

سلم الذوووق والاختيار الجميل

لاهنتي

رد: جيت لمصافح مواعيد الفرح بيديك

حضورك هو الذوق ي شيخة القصيد

اسعدني تواجدك الجميل