|
اللباة
اللباة هي طبق كان الاولين يسوونه
وهو طبق لذيذ جدا ومفيد وغني ويتكون هذا الطبق من لبن الماعز او الشاة اللي توها والده يعني في اليومين او الثلاثه ايام الاوله من الولاده تحلب العنز ويكون حليبها ثقيل وغني لانها توها والده وتنتج هالحليب الثقيل علشان تغذي مولودها في ايامه الالوله..ولاكن عادة يكون هالحليب كثير على المولود فيخذونه الناس ويطبخونه بطريقه خاصه وليس مثل الحليب العادي يوضع الحليب في قدر ويضاف اليه قليل من الملح والحبه السودء او قليل من الفلفل يطبخ الحليب لمدة نصف ساعه تقريبا بعد ذالك يصبح متماسكا يترك ليبرد ثم يقدم لللاكل ويكون متماسك الشكا وله طعمه لذيذه وكانه مضاف اليه بعض الطحين او البيض وهذا الطبق يسمى اللباة ويحبه الصغار وهو مفيد ومغذي وغني بالكالسيوم والفيتامينات وبالعافيه |
مشاركة: اللباة
[align=center]وادي سدير
الـــلــــــــــه عليك وين طلعت هاللباة منه تكف والله أنك رجعتنا سنين وسنين مضت . فعلاً كما قلت اللباة من الأطباق الجميلة التي كنا في السابق نتناولها . وعلى فكرة أذكر أن اللي عنده عنز أو شاة والده يطعم جيرانه من اللباة ( ذواقه ) على ماقالوا . شكراً أخوي / وادي ودمت بخير . بس ولاتهون أن خبرت أحدٍ عنده ( لباة ) لاينسانا من ( الذواقه ) . أخوك / راعــي الــروضـــة ؛؛؛[/align] |
مشاركة: اللباة
يعطيك العافيه اخوي وادي سدير على طبخه الاولين هذي اللي كثير من الاجيال الجديده ماتعرفها..
واسم هالطبخه ماخوذ من (اللبأ) وهو اول الحليب بعد الولاده وهو مفيد جداااااااااا خصوصا للرضيع ويعطيه مناعه ضد الامراض.. ولونه اصفر من الحليب العادي واثقل وغني بالبروتينات وغيرها .. مشكور اخوي .. |
مشاركة: اللباة
اقتباس:
حياااك اخوي راعي الروضه واشكرك على المرور والتعقيب واثراء الموضوع للاسف ان الناس هالوقت معد يهتمون باللبن تلقا الواحد عنده غنم باستراحه والا بمزرعه ومايهتم ياخذ لبن ويستفيد منه حظ العماااال ماهو زي منووول عنز وحده تكفي البيت وكل الجيران يذوقون من لبنها او لباتها |
مشاركة: اللباة
اقتباس:
مشكوره على مرورك وتعقيبك واثرائك للموضوع |
| الساعة الآن 12:53 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه