|
ابوصالح جالس مع ابوراشد بعد صلاة
ابوصالح جالس مع ابوراشد بعد صلاة العصر يسولفون ويقطعون الوقت تنهد ابوصالح وقال": افكر في هالدين العظيم اللي طلع من مكة المكرمه وصل الى اخر الدنيا!!! قال ابوراشد: ايه والله انك صادق يا بوصالح، قال ابوصالح: بس لايهمونك دين اهل اسيا الوسطى واوربا والله مالهم من الاسلام الا اسمه!! رد ابو راشد: والله انك صادق يا بوصالح! واضاف ابو صالح والا دين ها الاشوام والله دينهم ماهوب اللي انت تبي يا بو راشد!!! فرد ابو راشد: والله انك صادق يا بو صالح!! قال والا هالافارقه والمصاريه والسودا نيين متصوفه مبتدعه ماهوب والله هم والاسلام ولايايف!!! قال ايه والله يا بوصالح انك صادق!! قال ابوصالح ان بغيت الاسلام في ها الديره (السعوديه)، قال ابو راشد ايه والله انك صادق يا بوصالح!! فرد بتنهد ابو صالح: والله ماهوب دين كل اهل هالديره على اللي تبي يا بو راشد!! اهل الجنوب اهل بدع وزيدية واسماعلييه مالهم من الدين الا اسمه!! قال ابو راشد ايه والله انك صادق يا بو صالح!! واضاف ابوصالح: والا اهل الشرقية رفضة وشيعة والله ما خذوا من الاسلام الا اسمه!! واهل الحجاز مبتدعة صوفية ماهوب والله اللي انت تبي يا بوراشد!! واضاف ابو صالح: ان بغيت الدين والله في نجد والباقين خلهم على يسراك (شمالك)!! والله انك صادق يا ابوصالح!! اضاف ابوصالح والله بعد ماهوب كل اهل نجد دينهم على اللي تبي!! اهل الرياض واللي حولها شرابين للتتن ويشوفون الدش والله مادري عن دينهم يا ابوراشد!!! لكن لابغيت الاسلام تراه عندك بذيا بالقصيم!!! رد ابو راشد والله انك صادق يابوصالح!! فاضاف ابوصالح والله ماهوب كل اهل القصيم دينهم على اللي انت تبي اهل عنيزة واللي حولها يبعون التتن ويلبسون كبك والدشوش مليانه با السطوح!!! ان بغيت الدين والله تراه بذيا عندك ببريده!! رد ابو راشد والله انك صادق يابوصالح!!! واضاف ابوصالح والله ماهوب دين كل اهل بريده على اللي انت تبي!! طلعت هالاستراحات ومايندرى من اللي يشوف الدش ومن اللي مايشوفه ان بغيت الدين كما انزل ترى في حارتنا بذى!! قال والله انك صادق يا ابو صالح!!! قال والله بعد ماهوب كل اهل الحارة على اللي انت تبي اشوفهم يسحبون رجليهم للمسجد تقل انهم مغصوبين على الصلاة!! والله مابوه في الحارة الا انا وانت يابوراشد!! رد ابو راشد والله انك صادق يابوصالح!! اضاف ابو صالح: والله اني اشوفك مانتب تخشع في الصلاة يابوراشد خربهاااااا ههههههههههههااااي لا احد يزعل ترى الدعوه سوالف |
ههههههه
:D ;)
|
شكل ابو راشد وابو صالح من طقه الشيبان اللي يترززون بلعير ما عندهم سالفه الا الحش في خلق الله
( متى تزول هذة الظاهرة ) ;) ;) |
بالعير؟؟؟؟
|
والله انك مرجوج ياشقران زادك الله رجة :D
|
:D
يعني مسلسل لو كمله حتى نفسه ما يزكيها:) |
الحمد لله شيابنا ارحم من هالاثنين والبلا في هالسوسة ابو صالح الله يكفينا شره اما هالدميجة ابو راشد كل ماقال قال له ايه يعني ماعندك أحد....
بس حلــــــــــــــــــــــــــــــــــــــوه يا شقران:D مانت عاقل شكلك من النوع اللي يقعد مع الشياب يسمع سوالفهم بس ليش ؟؟؟؟ يمكن خوف من السنتهم:p ما أدري الجواب عندك وتقبل تحياتي ياخوي شقران |
خالي سدير: وش دعوه مرجوج مره وحده!!!!
شهد : مرحبا بك في منتدى سدير >> يذب عليها!!!:D :D >>معليش توني ادري ان فيه بالمنتدى وحده اسمها شهد |
السلمان :
شف والله انا ما يقهرني بجلسات الشياب الا نصباتهم يالخي يقولون لك اشياء خرافيه:mad: >>> اجل عمرك شفت واحد تقرصه عقرب في بطنه ويقوم يشيلها بيده ويدعس عليها الين تموت!!!! لا ولا يهون لا قعد يتفلسف عليك ودك تكمخه على علباه |
تكمخه على علباه؟؟؟؟؟؟؟:confused:
صفقني لو تعرف معناها شكلك سمعت واحد من هالشياب قالها وكتبتها لنا;) :p المهم متى الجزء الثاني؟؟ |
لا والله تعلمته من اختي مناير الله يطول بعمرها
|
[QUOTE] باقتباس من مشاركة شقران
شهد : مرحبا بك في منتدى سدير >> يذب عليها!!!:D :D ------ ما فهمت شيء:) |
اقصد انك من زمان ما كتبتي
|
| الساعة الآن 11:29 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه