|
مواقف العيد ...
السلام عليكم ورحمة الله وبركاته
كيف حالكم كل عام وأنتم بخير عيدكم مبارك وعساكم من عوادهـ جبت الموضوع هذا علشان نشوف المواقف الطريفة إللي صارت لكم في يوم العيد أرجوا من الكل الدخول وذكر موقف أرجوا التفاعل ولكم خالص تحياتي وتقديري |
رد: مواقف العيد ...
/
\ كل عام وانت والجميع بـ خيرات ومسرات : : موضوع رايق ... وممتع : : شكرا لـــك اخي الكريم ( فتى جلاجل ) : : لي عوده هنا بإذن الله |
رد: مواقف العيد ...
[align=center]اليوم مجتمعين في المجلس ويدخل احد الأطفال ويناظرني وشكله مستغرب قلت له تعال يابابا جاء وسلم على وقال لي انت عندنا في البيت قلت له انا عندكم قال ايه عندنا في التلفزيون تقول ماااايحالف
قلت له وشفت الصغير اللي يقول مايحالف قال ايه قلت رح شفه داخل راح يركض يدوره[/align] |
رد: مواقف العيد ...
اقتباس:
من خاف من علتن تستلته :) |
رد: مواقف العيد ...
المواقف!!
كل عيد لازم ناكل موقف محرج لكن هالسنة موقف لانحسد عليه:( مجتمعين كلنا الحريم وقالوا لنا فلان بيسلم على خالاتي وهذا الفلان يصير اخوي وتوه جاي من الرياض واطمر بروح اسلم عليه انا وخواتي يوم طلعت ويصير ولد خالتي مع اخوي واقف ^x |
رد: مواقف العيد ...
الله يعطيك العافيه أخوي: فتى جلاجل على الموضوع الرائع والموقف أن ثوبي أحترق من الطرطعان والله يعين وتقبل مروري يالغالي..
|
رد: مواقف العيد ...
أبو عبدالمحسن
أجل ما يخاااااالف هع هع زهرة ههههههههههههههه موقف بالفعل لا تحسدون عليه حمد :( موقف أليم يعطيك العافية يا فتى جلاجل ولا يحضرني أي موقف الآن :)) |
رد: مواقف العيد ...
[align=center]http://7bna.com/up/uploads/94868c0643.gif
. . والله الموقف اللي صار لنا ,, ان اختي صار لهم حادث عند الاشاره وهم جايين لعيدنا ,, وانواع المشاكل والحوسه ,, . . . http://7bna.com/up/uploads/c61afae108.gif[/align] |
رد: مواقف العيد ...
دمعة ألم : مشكورة على المرور والرد .
الأستاذ /عبدالله المهيدب : مشكور على الموقف الجميل ومشكور على المرور والرد . الأخ / حمداتوا << يدلعه هع هع :) / حياك الله ومشكور على الموقف ومشكور على المرور والرد . Sub_Zero / المفروض عطيتنا موقف صار لك على العموم مشكور على المرور والرد . زهرة / مرة ثانية لا تستعجلين هع هع :)) . مشكورة على المرور والرد . أبو زياد / هلا بك . هذا درس لك علشان مرة ثانية تتنتبه من الطرطعان . مشكور على المرور والرد . عاشق ديرته / مشكور على التعليق . ومشكور على المرور والرد . مشــاعر / يا ساتر . ما يشوفون شر إن شاء الله . مشكورة على المرور والرد . |
رد: مواقف العيد ...
الحمد لله العيد هذا حباااااااااايب :)
بس قبل العام كنت بأسافر للقصيم بعد ما تعيدنا بالرياض أخوي (أبو الوليد النشمي ) :) أخذ موتري وراح لمشوار دق علي بعد خمس دقايق وقال يخلف الله على الموتر ههههههه كان يمشي بتقاطع ودخل عليه واحد مخالف وشال الواجهية عليه طبعا الخطأ على هذاك 100% والسيارة ما تمشي صار العيد عيدين :) سحبت السيارة دخلتها للبيت وركبت مع ولد عمي (القصيم ما تفوّت :) ) .................................................. ................. وقبلها بعيد الضحية طلعت بعد صلاة الفجر وكنت (لابس بدلة) ورحت أجيب الضحايا من استراحاتنا المهم كنت ما شي ومعي 6 خرفان بعد الإستراحة فيه إشارة (ديكور) هههههه ما أحد يوقف عندها وقفت وناظرت يمين ويسار ما فيه أحد وقلت اليوم عيد مشيت آخر الشارع ورحت يمين وشوي يوقفني واحد من الدوريات مستلم بالعيد ونفسيته دمااااااااااااااااااااااااار :) قال لي (إثباتك) قلت والله طالع من البيت ببدلة عشان أجيب الضحايا وأرجع وإثباتي بالبيت قال وقف السيارة واركب :68: هههههههه قلت : الله يهديك تحب تمزح قال إنسى :-iu وأنت أصلا سارق الذبايح :lipssealed: المهم قلت له رقم إثباتي *********** ارسله للعمليات ويعلمونك من راعيه قال مستحييييييل دقيت على الوالد قال بأرسل لك إثباتك ولا يطري لك تركب معه ولو يصير ما يصير asb: كفو وراي ظهر:flex: المهم حاول يركبني بسرعة قبل ما يجي الإثبات وتم الرفض التام بأسلوب حضاري :47: وبعد كذا جدع استمارة السيارة علي وقال سامحتك :a (4): ههههههه جزاه الله خير :) وهذ شوية خنبقة وسواليف حبيت أشارككم فيها تحياتيِ |
رد: مواقف العيد ...
أخوي مقبل المقبل
لا مهيب خنبقة إلا موقف منتاز يارجال أنت أحسن من غيرك هع هع :) مشكور على المرور والرد |
رد: مواقف العيد ...
انا موقف واحد تقريبا حصل لي بالعيد
ولا ينسى ولن انساااه ابدا ولكن مقدر أشرحه لكم :) |
رد: مواقف العيد ...
وعليكم السلام ورحمة الله وبركاته ..
وكل عام وأنتم بخير وصحة وعافية .. موضوع جميل ومواقف للأعضاء أروع .. بالنسبة لي المواقف كثيرة .. لكن سأكتفي بموقف واحد .. حتى لانطيل عليكم .. وهو موقف لازال عالقا بذهني .. ويربطني بذكريات حزينة ومؤلمة .. ففي ذات عيد .. وبعد صلاة الفجر بالتحديد .. الكل هنا سعيد ومبتهج .. التهنئة والحب والسعادة والضحكات .. متبادلة بين الجميع .. لكن أتى قضاء الله ولاراد لقضائه .. وفجعنا بخبر وفاة أبناء عمتي الثلاثة .. في حادث سير .. وهو في طريقهم الى الرياض .. عائدين من مكة بعد أن أتموا اعتكافهم طيلة أيام العشر بالحرم المكي .. فلكم أن تتصورا حالنا .. انقلبت اعيادنا الى بكاء .. وأفرحنا الى أحزان .. اسأل الله أن يغفر لهم ويرحمهم وجميع أموات المسلمين .. وهم ولله الحمد شباب أتقياء نحسبهم كذلك والله حسيبهم .. نور الطاعة يشع من محياهم .. يحبهم من عرفهم ومن لايعرفهم الكل افتقدهم الكبار الصغار .. حتى ممرات المستشفيات افتقدتهم .. فقد كانوا بين كل فترة وفترة يزورون المرضى ويرقونهم .. وبالأعياد يهدونهم .. وللأيتام كان لهم نصيب منهم .. هذا والله ماخفف مصابنا .. أن ماتوا وهم على هذه الحال .. |
رد: مواقف العيد ...
فتى جلاجل ،،،، والله أنك رايح فيها !!!!
ألحين ورى ما تعطينا موقف صار لك بالعيد ؟؟؟؟؟؟ بس أنحن نقص عليك،،،،!!! شوووووووووووووووووو هيدا ؟؟؟ (((((( طبعا أنا يا شوشة موقف صار لي )))))) سنه من السنوات طلعنا من البيت ووصلنا مكان الإجتماع في العيد وتفاجئنا !!!!!!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟ ؟؟؟؟ بي ؟؟ أن ؟؟ أبحرق أعصابكم ؟؟؟ >>> >>>عجلي بس لا بنعله أبد كنت أبقول لكم ( (نسينا العيديات بالبيت )) والله قهههههههههههههههههههههر يوم نسيناهن .. وشئ ثاني ودي أقوله لكم محيررررررررني !!! وهو أني أستغرب ؟؟؟؟ ليش الناس يحطون على ها الصبحيه رز ،،، ولحم،،، ومرقوق ،،، وجريشه ؟؟؟؟؟ ليييييش ما يحطون أيييي شيء ثاني ؟؟ ولا وش رايك ؟؟؟ |
رد: مواقف العيد ...
نصراوي سديراوي / براحتك . مشكور على المرور والرد .
هند السبيعي / أجبر الله عزائنا وعزاكم لله ما أخذ وله ما أعطى وكل شي عنده لأجل مسمى غفر الله لهم ورحمهم وأسكنهم فسيح جناته وألهم أهلهم الصبر والسلوان مشكورة على المرور والرد . حمد / مشكور على المرور والرد . شوشة منفوشة / بالنسبة للموقف فالحمد لله ما يحضرني شي لكن لو تذكرت شي أجدعه لكم هنا مشكورة على المرور والرد . |
| الساعة الآن 07:32 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه